有冇搞错? Swap我嘅flight?

上星期五, 由于夜晚有一班机要做, 所以喺七点几食咗少少嘢, 就冲凉准备晏啲返工. Transport pick up time系喺8.45pm, 所以谂住喺8点三出门去到pick up point就啱啱好. 大约8.05pm, 手机突然间响起, 一睇电话号码, 咦? "03-8777xxxx", Crew Deployment Center(CDC)call嚟喎. 心谂:咩事啊? 唔通咁好彩, flight cancelled, 唔驶做? 于是乎咪接电话啰.

Chris: Halo.
CDC : Hi, Good evening, may I speak to Chris please?
Chris: Yeah, speaking.
CDC : Hey Chris, this is XXX calling from CDC. Due to operational changes, you have been pull out from your Osaka flight and swap to Paris flight. You are now required to operate MH20 KUL/Paris. Reporting time is 2155 and departure time is 2325. Arrival time back to KUL is on Monday 0635.

我听到之后, 忽然间stone咗.

Chris: Hah? Why?
CDC : Because Paris flight short of crew and full load. Your Osaka flight is light load, and all standby crew are being called up for flight, so no choice we have to pull you out from your original flight and swap you to Paris flight.

有冇搞错啊? Last minute swap人哋嘅flight都有嘅, 仲系swap走我嘅favourite flight之一, 俾我最唔钟意做嘅长途机. 仲好意思同我讲, Paris full load, Osaka light load. 哦! Paris full load,Osaka light load. 咁摆到明即系要我做多啲工啫! 谂住呢个月净系得26号嘅morning London long haul flight, 好彩系morning flight, 人都冇咁攰. 点知无嗱嗱整只Paris嚟, 唉呀... 谂住reject佢嘅, 但系谂谂吓, 唉! 费是多事喇, 等阵到时有乜事又要我返office explain, 算啦! 挨义气顶鬼咗个flight去喇. 横掂allowance多成千蚊又taken off咗我嘅standby airport. 返嚟仲有直落5日off days, 都算哽得过嘅.

到咗FMB(Flight Management Building), 一sign in, 一睇, 有冇搞错啊? 加埋我仲系down by one crew添, 少咗个crew, 好难做喎.. 咪好攰?? 再睇, 哗! 几乎全部都系Chinese, 加埋我十个crew, 八个系Chinese, 一个Malay, 一个Indian. 正喎! 最钟意同返自己人做嘢, 勤力唔在讲, 最紧要系同声同气喇嘛.

班机full到磅磅声, 但系都好, 因为系night flight, 所以啲pax都好攰, 好多冇食就嗱嗱声瞓觉. 大佬好好人, 佢都好体谅我哋, 知道full load兼少咗个crew, 所以喺briefing时讲到明, "Do things at your own convenience, NOT company convenience" 哈哈... 啱听, 我哋几乎要举脚赞成. 做service时, 又会嚟帮我哋手. 佢仲俾4个钟头rest period我哋添, 比minimum rest period 3粒钟再extra多一粒钟, 都算系咁啦,证明佢唔系company man. 哈哈...

到咗Charles De Gaulle, 因为有4个钟rest, 所以人都唔会好攰. 返到酒店房间, 瞓咗两个钟, 就同阿姐出去香舍丽榭大道. 嚟得呢度, 除咗四周围参观吓, 仲有乜做嘅?? 咪就系买LV啰!!! 我呢个阿姐唔知short咗边条筋, 睇到LV好似发咗癫咁, 好豪咁一口气买咗3个bag, 大、中、细都有, 驶咗差唔多九千蚊. 真系夸张! 但系话事话, 呢度啲LV, 横计掂计, 始终都系比KL平喔. 我就乜都冇买到喇, 因为冇钱买. :( 买完咗, 食啲嘢, 就返酒店瞓觉喇.