喺奥克兰买到平嘢

四月尾去过奥克兰一次，隔咗两个几月，我又再次攞到奥克兰，今次好彩啲，攞到嘅系second long stay，四日三夜，最长嘅系五日四夜。上次嚟仲系夏天，今次嚟就已经系初冬喇。晏晝就ok啲，气温都有12-13度，夜晚就会比较冻啲，得果7-8度。喺呢度，通常都冇乜嘢做，如果冇去join tour sightseeing嘅话，大多数都系喺市中心流离浪荡，呢度行吓，果度睇吓，睇啱就买吓，攰咗就返酒店瞓吓，瞓醒咗就煲吓碟，无无聊聊咁就打发咗一日。

第二日，我哋成set crew一齐去食晏，食完后，就行去酒店附近嘅DFS Galleria，呢间系duty free嘅购物中心，入边啲嘢全部都系免税架，卖嘅嘢几乎都系名牌，比如LV、Ralph Lauren、Burberry、Ferragamo、Gucci等。咁啱又有sales喔，我哋咪冲入去睇吓有啲乜平嘢执啰! 但系啲嘢都系普普通通啫，又冇KL咁多choice。是但行吓，咁都有睇啱啲嘢嘅，但系计起嚟，都唔会比KL平。忽然间我哋嘅Leading行过嚟同我哋讲，呢度有8折嘅crew discount，哗! 我哋听到后，唛大只眼，跟住计计吓，咦?? 扣咗就比KL平喎，咁就掂喇，嗱嗱声去攞净话睇啱啲嘢，再拎埋张crew id出嚟，去cashier度俾钱。我买咗两支香水，同埋我好钟意食嘅纽西兰特产kiwi chocolate，都系用咗马币二百几蚊啫，算好平架喇。
就系呢间免税嘅DFS Galleria，外型都几古色古香架
沿住Queen Street一直行到尾，喺Albert Street度转左，呢间嘢就喺Albert Street同埋Customs Street嘅交界处
喺街度见到嘅，觉得好有意思及创意，叫大家唔好做垃圾虫