Friday, August 1, 2008

行情好静

喺伦敦返咗嚟三日都冇打个电话返怡保,所以寻晚就拨咗个轮返屋企俾阿爸阿妈,问吓佢哋呢几日点同埋有咩嘢要买,够唔够钱驶。我阿妈嘅身子一向以嚟都唔系咁好,所以谂住买啲好嘢同埋补品,等我返怡保时可以攞俾佢哋食。唔知点解,买俾阿爸阿妈啲嘢就算好贵我都好舍得,唔会觉得心痛,可能因为佢哋好辛苦将我养大,所以加阵轮到我照顾返佢哋。

问吓老斗呢排啲生意点啊,佢话生意越嚟越难做,有时开成日铺净系得几百蚊生意额,扣除埋本钱同埋啲灯油电火,净系啱啱好够围皮,好多店铺都喺度吊紧盐水。佢问我吉隆坡行情点,我就话唔会比怡保好好多,都系好紧要静。我同佢讲都咁大年纪咯,捱咗几十年,都应该系时候休息吓,唔驶做得咁辛苦,最紧要系照顾好身子啰。

自从油价起咗之后,发觉好多嘢都跟住起价,尤其是系食嘅嘢,几乎全部都起晒价。啲人民嘅支出又越嚟越大,身边好多朋友都同我讲啲钱越嚟越唔够驶,以前可能一个月打3百蚊车油,加阵可能要5百。车油起咗价对我嚟讲影响唔系好大,因为返工放工都有公司车载,所以悭返好多车油钱。但系对于日日都要揸车返工嘅朋友嚟讲,我都明白佢哋嘅苦况嘅。出亲街都要用到钱,toll啦、parking啦、又要供保险、供车、供屋、astro、水电费… 样样都系钱,唔悭啲驶嘅话分分钟会仆街。加上加阵政局又咁乱水,打开报纸,睇到嘅唔系鸡奸,就系蒙古女,ben屎事件等,今日你踢我一脚,听日我插你一刀,啲丑闻越出越新鲜,越出越劲爆,真系好似喺度睇紧港剧咁,即系乜? 咪就系日日追啰。“百拉”同埋“拿吉”要成啖心机咁应付呢啲咁嘅丑闻,又担心自己地位不保,仲边有时间嚟搞好国家啲经济喇,最后受苦嘅,咪又系我哋呢啲无辜嘅平民百姓。有乜计啫? 咪唯有缩紧啲裤头过日子啰。

9 comments:

tagnan said...

哎呀 行情真系好靜呀!!! 我做零售既是首當其衝 但是又有好多shopping mall 要開喔
平時都僧多粥少咯 重要加埋"道士" 真是頭都大埋

2010 said...

還真的有點擔心囘大馬后會不習慣。

Danny said...

真係孝順,牴你甘靚仔。

[SK] said...

原來細佬係個孝順仔喎~~

係啦, 而家百物皆漲價, 真係好惡頂架.. 我哋嘅社會就好似政治一樣咁混亂..

fufu said...

顶硬上~
马来西亚消费真的很高

Chris said...

Tagnan: 真系一年不如一年。

219mc: 嗯。。 我想会是时间上的问题吧。 久而久之就会习惯了。

Danny: 哈,咪咁讲,孝顺父母系应该嘅。 嘿嘿。。

Sk: 大佬,你都系好孝顺啫。 :)

Lcfu: 欢迎光临,就如你所说,顶硬上啰。

Legolas said...

Hopeless politicians in Malaysia. Only care about money and power. We should think about migration.

Chris said...

Legolas: Yeah, personal advantages n benefits come 1st.

Whoever Find me said...

After reading this, I feel 遺憾 …. having argument with mum cos she constantly match mate me :(
I know she is just care and concern for me..