Thursday, August 19, 2010

又见香港3 - 迪士尼 + 一額汗港姐决赛 + 2010香港先生预测

又见香港3 - 迪士尼

基本上呢日嘅行程几乎全日都系喺迪士尼入面度过, 亦都系我第一次游览香港迪士尼. 如果同其他嘅迪士尼乐园比较, 我觉得香港迪士尼真系好细, 而且唔好玩. 大部分嘅游客都系内地嘅朋友, 所以时不时都可以听到有人喺度高声呼叫倾偈, 感觉好似去咗街市咁.






迪士尼游行騷, 我觉得唔好睇之余仲有一个好肉酸嘅白雪公主.




飞天大象, 勾起好多童年时嘅回忆.

Adventure Land, 但系我一啲都feel唔到冒险嘅感觉.




嗯... 呢度我只会嚟一次, 应该唔会再有下次.




Sing and Delius go to Disneyland as well.


*************************************************************************************
一額汗港姐决赛

上两个礼拜为咗睇港姐final, 虽然系星期日, 但依然好乖咁留喺屋企度睇直播. 个show开始还可以, 但越到后面就惊喜连连, 真系一面睇就一面抹冷汗..

以下系今年嘅港姐结果:

冠軍:13號陳庭欣
亞軍:15號張秀文
季軍:5號莊思明
最上鏡小姐:9號李雪瑩
國際親善小姐:13號陳庭欣

今年大会司仪飞咗Amigo, 换咗当红得令嘅福禄寿, 再加上港姐司仪台柱阿叻同埋曾志伟, 合五人之力力挽每况愈下嘅港姐收视. 老实讲, 今年嘅质素比起旧年又真系好好多, 都几平均, 有好几个都系大热, 都好有机会跑出. 以为喺咁嘅情况之下, 班评判都会几难拣, 点知唔系, 一啲都唔难, 因为佢哋全部拣晒啲原本以为冇乜機會嘅...

Part 1: 自我介绍

呢part几正, 佈景門一開, 班候选佳丽喺門後擺好甫士一个个行出嚟自我介绍, 同埋讲下点解自己可以攞冠军嘅理由. 经过TVB再精心执过之后, 班佳丽果然省镜咗好多. 几乎个个都好有自信, 冇边几个行差踏错. 其中2号同10号表现好好, 好有台型.

Part 2: 低B儿歌环节



都唔知点解TVB要做呢part, 要班港姐著晒娃娃裙扮细路女我觉得有少少搞笑囉. 话晒港姐都系要高贵嘅形象, 点知整呢part出嚟就spoilt咗, 仲要佢哋擺埋啲白痴甫士. 唉~

Part 3: Catwalk

呢部分其实几好睇, 班佳丽著晒唔同嘅服装表演自选花生騷, 算系几有新意. 只不过嫌班准港姐啲手势稍微多咗啲. 其中10号表现好好, 其实佢件衫真系好难carry到, 不过以佢5尺9寸嘅身高嚟讲, 梗系冇难度喇, 台型够, 样又靓, 简直就似成个专业模特儿. 另外8号个樣真系超哂班, 够自信兼嗰下单眼, 令人昏晒大浪. 有几个就好嘛嘛, 12号行到好似机械人咁, 硬蹦蹦. 4号扮cool个样令人顶唔顺.

Part 4: 泳装问答



呢part系成晚嘅high light. 其中由王祖蓝扮演嘅女导游阿珍简直令我笑爆嘴!! 个样劲搞笑之余讲啲嘢又抵死, 最惨就系6号林碧珍, 被抢晒风头之余成part只系讲得嗰一句嘢: 我冇欠你架.



Part 5: 歌舞环节 and 历届港姐致敬

摆明车马就系林峰个人騷, 搞到吳卓羲好似个大配角咁. 不过我觉得徐子姗真系越嚟越索~
我記得以前請啲表演嘉賓, 都係同候選港姐一齊, 一邊跳舞一邊拖住佢哋嘅手介紹港姐, 點解依家好似冇咗呢樣嘢嘅?



近呢几届都会有呢个环节. 有好多年过四十嘅前辈港姐仲靓过一班妹妹仔港姐添, 其中89年冠军陈法容真系keep得好好, 二十年前同二十年后嘅样貌身材竟然冇乜点变到.. 真系唔知佢点keep, 再加上佢嗰句: 一日港姐! 一世港姐! 哼! 邊個夠佢威啊!!

黃浩然唔系歌手都无话可说啦, 话晒都算做系歌手嘅郑嘉颖真系唱得好难听囉..

Part 6: 8强

当8强宣布嘅时候, 先至系眼镜开始爆裂嘅时候.

1)3号張藝婷 - 第一个被嗌出嚟. 我真系成个人傻咗! 有冇搞错?? 佢入圍已經系好牽強, 仲可以入到8强添? 個樣包底, 女生男相, 件猪扒憑咩入到8强? 我真系唔明!

2)4號文凱玲 - 呢个还可以.

3)5號莊思明 - 讲真, 佢嘅"達摩髮型"真系吓死人! TVB点解要咁玩佢? 虽然有啲紧张, 但系谈吐都几OK.

4)8號彭慧中 - 真系好sweet, 好sweet嘅佳丽. 大热门之一, 预咗佢会入, 仲会系4强人马, 点知... 我都好意外! 如果话佢矮嘅话, 既然同屬5尺3嘅9號都入到4強, 佢有乜理由入唔到先?

5)9號李雪瑩 - 问答系几ok, 几淡定. 8强算系咁架喇.

6)10號馬均怡 - 同8号彭慧中一樣, 係今屆輸得最唔抵嘅佳丽. 我横谂掂谂都唔知佢输乜. 有样、有身材、有身高、有台型、有大将之风、谈吐又大方、表现又好. 点解? 点解咧? 天理何在? 唉~ 我嘅10号吖10号~

7)13號陳庭欣 - 都估到佢会入8强, 但就誓死都谂唔到佢会去到冠军呢个位置.

8)15號張秀文 - 喺带病之下上阵有咁嘅表现, 都算做唔错架喇. 口才几好, 讲嘢都几风趣幽默.

遗珠: 11号虽然广东话唔正同埋答问题有少少白痴, 但系点都好过3号同9号呱. 2号虽然一副邪牌相, 但系都唔至于入唔到8强呱.

Part 7: 4强

一如以往, 呢part例牌都要请班佳丽讲下佢哋呢几个月里面嘅辛苦法, 讲讲下班佳丽例牌洒几滴眼泪, 跟住就喺亳冇比賽環節下再宣布4強, 再跟住就系连啲无聊问答环节都冇又宣布3甲. 咁点解唔立刻宣布3甲咧? 摆明就系一早已经选咗架啦! Please la, 做戏都做全套啦, 起码中间扮下嘢加插两个无聊对答环节都冇咁肉酸啦~

1) 5號莊思明
2) 9号李雪瑩
3) 13號陳庭欣
4) 15號張秀文

8号同10号同时落马, 睇到呢度已经跌到成地眼镜碎!

Part 8: 赛果



最上镜小姐: 9号李雪瑩. 我谂住应该都会系8号, 点知系隔离嘅9号! 简直系震惊! 而且好難服眾囉! 唔知系咪个妆嘅问题, 个样睇嚟好老. 既然今年有咁多高质素嘅佳丽, 请问有咩可能佢会攞最上镜咧? 又请问班评判觉得佢边一忽系上镜咧?

季軍: 5號莊思明. 佢可以去到季軍真系令我估唔到. 佢嘅"達摩头"惊吓指数真系惊人! 虽然话佢嘅谈吐几大方得体, 但系靓过佢又答得好过佢嘅人大有人在, 我同大家都系一样: 十万个为什么?

亚军: 15號張秀文. 去到呢个位, 都令我好意外. 不过佢嗰晚嘅表现真系几好.

冠军: 13號陳庭欣. 嚟到呢个地步, 都已经冇得拣. 除咗佢之外, 都冇边个有冠军相. 起码有5尺7寸, 仲好过只得5尺3嘅9号李雪瑩. 成晚表现都算四平八稳, 但又唔会特别特出, 笑容系佢最大嘅死穴. 入到冇哂大熱嘅四強, 真係如果唔揀佢都唔知揀邊個..

总结: 今年明明quality几高, 但系点解会揀晒啲最差嘅? "好爆切", 個賽果"我接受唔到囖"!

*************************************************************************************
2010香港先生预测

Right after港姐之后, 紧接落嚟粉墨登场嘅大show就系香港先生, 亦都系大家都好期待嘅城中盛事. 决赛定于8月21号星期六晚晚上8.30pm, 同港姐一样, Astro华丽台都会同步现场直播. 今年嘅港男人数, 由旧年嘅12位减至10位, 同时亦唔会再分成少年组以及盛年组比赛, 而系由10位参赛者直接竞逐香港先生殊荣. 横观今年嘅10位入围"佳丽", 老实讲, 除咗兩三個叫做睇得下之外, 其他嘅"姿色"真系好一般. TVB相关人士表示将为此次比赛增加制作费, 为观众带嚟3D视觉效果欣赏著泳裤、湿身港男, 咁喺呢啲咁嘅3D效果之下, 各參賽者會唔会变得激凸咧? 嗯.. 真系好令人期待, 哈哈~

以下系入围参赛者嘅名单:





年龄: 20
身高: 183cm
体重: 76kg
职业: 学生

讲真, 当我第一次睇到佢嘅时候, 我真系以为佢最起码都会有35岁, 点知睇咗佢嘅profile之后, i was like "Oh my god"! 原来佢只得20岁!! 但系点解佢嘅样咁老成嘅? 我真系幻想唔到如果当佢到咗35岁嘅时候, 佢嘅样会系点? 有"露點柴九"之稱嘅佢, 喺面試時露出單邊胸肌成為焦點. 日前更获选为"至Smart型男". 身形健碩, 喺TVB港男人气榜中高居冠军, 热门马之一.

出线机会: 70%





年龄: 28
身高: 185cm
体重: 76kg
职业: 舞蹈员

来自内地嘅朋友, 能操流利嘅普通话. 最钟意施冧功放生電. 个样嘛嘛, 胜在够高, 但系我始终觉得佢好紧要重"乡土味". 呢种"土味"咁重嘅货色, 班港女应该唔会buy.

出线机会: 0%





年龄: 25
身高: 167cm
体重: 56kg
职业: 服務研習導師

唯一来自马来西亚嘅代表. Sorry都要讲句, 并唔系我唔要支持自己人, 但以佢咁嘅quali, 冇样冇身材, 真系好难令我support佢囉. Malaysia靓仔唔算少, 但系点解会派一件咁嘅次货去参选嘅? 我真系唔明. 可能搞到分分钟啲香港人以为所谓马拉嘅美男就系咁嘅样. 喺TVB港男人气榜中包尾, 唉~ 冇嘢讲!

出线机会: 0%





年龄: 21
身高: 167cm
体重: 64kg
职业: 私人健身教練

前港男冠军袁偉豪嘅好朋友. 有少少似孫耀威, 充滿陽光氣息, 身材劲爆, 事業線惊人, 著起緊身衫之下更加顯得逼爆兼凸點. 身高比较矮, 略為輸蝕, 同埋负面新闻多, 被传媒狂插自恋兼花心! 睇形势, 同10號應該有得爭下. 绝对系我心目中嗰杯茶, 我自己都好嗒佢糖架.. hehe.... bleh... :p


靚仔即系靓仔, 唔使搞乜花臣, 只系輕輕一笑, 就已經跑贏一班乜貨物貨九條街...

出线机会: 80%





年龄: 29
身高: 173cm
体重: 67kg
职业: 表演者

个样算做唔错, 其他方面就普通咗啲, 睇成数都系掹車邊陪跑居多.

出线机会: 20%





年龄: 21
身高: 173cm
体重: 70kg
职业: 学生

来自温哥华, 样几cool, 身形都唔错, 但系就系唔够特出, 系令人"一见即忘"嘅佳丽.

出线机会: 10%





年龄: 24
身高: 178cm
体重: 66kg
职业: 辦公室助理

个样比较成熟, 有高度, 身形几fit, 属于稍微above average嘅货色. 醒醒定定嘅话会系一匹几掂嘅黑马. 不过输咗都冇所谓, 干脆叠埋心水入TVB拍剧.

出线机会: 50%





年龄: 35
身高: 182cm
体重: 72kg
职业: 理財顧問

系今年咁多位参赛港男当中, 年纪最大嘅一位, 所以佬味十足. 身形都几健碩下, 样样都四平八稳, 世界仔一名, 比较钟意特出自己, 即系识搏出位. 未知属于粗獷型嘅佢能否成為評判嘅心水咧? 过去咁多届港男冠军当中, 从来未有一位超过三十岁嘅, 睇下今次劉志偉可唔可以改写历史.

出线机会: 60%





年龄: 18
身高: 174cm
体重: 68kg
职业: 学生

同劉志偉相反, 系今届咁多位参赛港男当中, 年纪最细嘅一位, 仲系應屆會考生, 面试时仲要阿妈陪同. 外型几好, 浑身散发青春魅力嘅佢应该会系好多成熟女人嘅最爱. 不过年纪细, 社会资历尚浅, 可能系佢夺冠嘅绊脚石.

出线机会: 40%





年龄: 25
身高: 178cm
体重: 75kg
职业: 翻譯員

曾经系亞洲先生亞軍, 今次打破宿命顺利入围由TVB举办嘅港男, 算唔算表现TVB作为一个大台应有嘅风度咧? 被媒体形容为笑容似三哥苗僑偉, 系今年嘅大热门. 有外形有高度, 系好多人嘅至爱. 入5强唔会有难度, 我睇好佢分分钟会成为今届嘅票王添. 同4号应该会叮当马头, 相信到时会有一番龙争虎斗, 不过我始终睇好佢会脱颖而出.

出线机会: 90%

今年大會司儀繼續由DoDo姐鄭裕玲領軍, 忠實「粉絲」伍詠薇亦會加入助陣, 加上三位充滿青春活力嘅美女呂慧儀、官恩娜及名模Mandy Lieu, 艷光四射, 与10位型男互相輝映. 我真系好期待港男嘅"台柱"伍姑娘到时嘅表现及反应, 哈哈!

介绍咗咁多, 咁大家又觉得边个会跑出咧?

68 comments:

单身汉 said...

不喜歡香港的 DISNEYLAND。
大馬的代表, 如你所講, 差!差!差!

嘿嘿 said...

翟威廉不错,和你一样看好!

惊天又有新款笑容,很靓!喜欢这个!第二张的(在“嗯... 呢度我只会嚟一次, 应该唔会再有下次.”下面的!)

海市蜃樓 said...
This comment has been removed by the author.
海市蜃樓 said...

冠軍陳庭欣我覺得佢嘅笑容就好似薛凯琪,好似畀重型機車輾過凹咗入去。

我睇好6號同10號,4號我覺得麻麻啫。

[SK] said...

細佬, 你第一張相手上揸住碌咩唧??

我好耐已經冇興趣坐定定睇港姐港男喇喎..

LuckyBoy1420 男孩像我 said...

仍然在old town啊。。。你几时回来?

LuckyBoy1420 男孩像我 said...
This comment has been removed by the author.
ƒörèvër HL said...

所以说一直都很羡慕你到处飞来飞去!我好像去看一看香港的disneyland哦!*o*
还有,照片里的人,身材都好好噢!哈哈哈哈
^^

p/s:sorry最近都不在家所以没什么时间update blog *^^*


蕾蕾~

Danny said...

why din u offer urself to take over snow white's position? let ppl see how pretty is product from malaysia lah...lol ;p

Chris Chia said...

香港的disneyland早就听闻很小,不过还是想去~ Angus and William看来不错哦!

C'est la vie said...

我都好怀疑你揸住碌咩。 :P

你好似靓仔佐喔,不过有张相好姣。 :P

진릉 said...

香港迪士尼,係令我破產既其中一個地方。。
就係因為呢度,我洗佐成千銀,唔係港幣,係馬幣。。嗚呼~

另外一個地方就係G2000專門店,衫買佐一件又一件,因為大平賣,一件港幣80蚊,差唔多成大馬既三分一價錢。。

呢架我破佐產,要努力揾錢先。。

古克石の屋 said...

你去参选的话肯定很多人支持你的。。。考虑看看嘛。。

Duncan Kon said...

先讲讲香港先生,马来西亚代表肯定系陪跑,仲系包尾个只。主办单位都太狠啦,找一个甘yap既!觉得今年既质素不比往年好,讲起今届得葉建希同埋William Ok D。前者太矮啦,后者要执一执咯~

讲番香港迪士尼,本人都吾系几钟意卡通,去吾去都无所谓。。。

你既笑容真系甜到漏,我地影真要因住糖尿病。。。

PS:用华语写广东话真系一门高深学问

Pete said...

Hah, Disneyland....the happiest place on earth!

Edi said...

每次看你的blog都很有趣~尤其是predict比赛的...btw,可不可以跟你有更加direct的联络啊?
msn/fb?

Unknown said...

哇,我沒有去過disney啊~

香港小姐基本上有內幕的啦~

香港先生看好小3哥~

fufu said...

很久沒有看香港小姐了 ><
還有香港先生?? 我真的outdated 了 ><
hahaha 現在知道還不錯...
香港先生的水準比香港小姐多很多
hk disneyland?? hahaha 如果不是有免費票...我不會去兩次 hahaha

HanLun said...

woww..
disneyland i nvr go b4..but i feel shy since i not kid anymore if i go :P

I will support the last one William Chak :P

Towards healthy and leisure life~! said...

我还蛮喜欢香港迪斯尼的。。。你没有去参加香港先生吗?

NotHamsap said...

i like angus ip! he is a little short tho. But there is nothing a great smile like that can't compensate.

Chris said...

单身汉: 对咯, 真的很差. 一定是陪跑角色.

嘿嘿: 谢谢, 我也觉得他很好看, 很好的一个package.

哦.. 谢谢哦.. 迟点会有更多照片.

海市蜃樓: 陳庭欣认真嘛嘛, 都冇办法啦, 去到嗰个地步,除咗佢, 都冇得拣.

10号come with 一个好正嘅package, 亦都系最居香港先生相嘅一个参赛者.

[SK]: 大佬,系一样你我都好钟意嘅"条形物体" . :p

Chris said...

LuckyBoy1420 男孩像我: 没这么快吧, 你什么时候来KL?

’örèvër HL: 港男嘛, 身材起码都要及格咯.

Danny: Aiya... i still wait for my snow white dress from u ler.. :p

Chris Chia: 哈哈.. 你的心水和我一样..

Chris said...

C'est la vie: 哦? 边张相好姣? :p

진릉 : 哇! 你真系疯狂购物啊?

古克石屋: 哇! 我条件没有他们这么好咧..

dUn_K: 系喎, 3号真系好唔掂囖. 4好输在身高, 唔系嘅话, 佢真系好索架.. :p 如我上面所讲, 10号系成个好正嘅package, 而且选美经验丰富, 对手又唔系太强, 成为大热都系意料中事.

哇! 好多谢你嘅赞美喎, 面都红晒.

哦? 哈哈..咁以后你要多啲练习广东话囖..

Anonymous said...

看图的内容好了。有时候开端那些句子,是和漫画无关的。而且我的漫画是连续的,所以敬请留意吧。嘻嘻。

好佩服你,可以到处去呢……

Triton Lim said...

看图的内容好了。有时候开端那些句子,是和漫画无关的。而且我的漫画是连续的,所以敬请留意吧。嘻嘻。

好佩服你,可以到处去呢……

Chris said...

Pete: Yeah.

Edi: 谢谢你的捧场. Maybe fb?

ah_man: 就是10号咯, 和我一样.

fufu: 今年港男的水准比起去年比较差, 有机会跑出的就只有那两三个..

Chris said...

HanLun: Yeah, same as me. I support no. 10 also..

Towards healthy and leisure life~!: 香港先生, 哈哈..我不够资格咧. :p

NotHamsap: He is my cup of tea actually. :p

Chris said...

DREAMARTZ STUDIOS: Oic, 好的..

Edi said...

ya..leave me ur fb?
o search u in what name?

Chris said...

Edi: U can search Chris Wong in the fb.

SuFang (Careen) said...

haha.. is that the result u expected? thr's been a long time i nvr watch beauty peagent... lol

发白日梦^^ said...

日本的disneyland会比较精彩吧?!

那些港女看港男时,都很色迷迷咯!哈哈!

Chris said...

SuFang (Careen): Haha.. no lor.. the result really out of my expectation lor..

发白日梦^^: 对, 东京的比较好玩也比较大.

哈哈! 我就是喜欢她们这种色迷迷的表情和表现~ :p

JR said...

I'm going to HK in Nov and I foresee myself shopping like nuts in Disneyland. That is bad.... Lols.

Chris said...

JR: Hmm.. I think NOv no sales. Sales only will start at Dec.

Kancil said...

香港先生给我的感觉都很搞笑!尤其是伍姑娘。

Chris said...

Kancil: 哈哈..对咯, 但是我还是很喜欢看~ :p

bluesky said...

4号笑起来好好看,好阳光哦...可惜只有167CM...

Chris said...

bluesky: 对咯, 我觉得他就是输在不够高..

Leon Koh said...

haha.. those mr HK contestants who get 0% must be so depressed.. haha

your reader
Leon Koh from singaBore
http://hanleong.blogspot.com

Tung said...

Wow, Disneyland~ =D So nice.

tunadolphi said...

王祖蓝体型娇小,扮女人真的有几分像!呵呵。。
他扮Lady Gaga很搞笑!

N/A said...

90%那個我也喜歡 哈哈

Sam Wong said...

我要去游玩!!日本的野不错哦!!
那位港男10号厉害咯。。全部奖项他拿完。。。没活好说。。!!

Ben||Lew said...

哈哈!
我好中意 十号翟威廉
如果其他人拿...,我淋...我真系接受唔到咯!
哈哈哈!

Chris said...

Leon Koh: Hey Leon, haha.. ya lor.. All those r disqualified... :p

Tung: HK one so so only. Not nice~

tunadolphi: Haha.. 对咯, 他的扮嘢功夫真的是一流! 超搞笑!

希爾門: 欢迎光临, 对. 他是最出色的一个.

Chris said...

Sam Wong: 根本就是整晚show他一个人玩晒!

Ben||Lew: 10号是所有参赛者当中, 最居香港先生相的, 也是综合所有条件最好的..

墨鱼 said...

哗。。。厉害!像在阅读杂志似的,好仔细呀!

那张“Pooh Corner” 的照片很可爱,你的头上好像戴着高高的帽子,哈哈哈。。。。

Chris said...

墨鱼: 哦, 呵呵, 谢谢喔~

Jeremy O. said...

哈咯~ 我又回来了~

香港的disneyland去了两次~呵呵
之前的港澳行 = 热+湿,不过还蛮好玩~ :)

顺祝,生日快乐~ ^^

Chris said...

Jeremy O.: 欢迎回来.. 你最近去了哪里哦?

谢谢你的生日祝福喔.. :)

Duncan Kon said...

寿星仔,生日快乐!~

Chris said...

dUn_K: 多谢多谢.. 哦? 你点知我今日生日架??

ben said...

你好open左ler, 不過我接受到羅,仲好支持添!

Duncan Kon said...

嗯。。。有心咪知咯!~

Jeremy O. said...

哈哈~ 也没有去哪里啦。。 就只是忙工作。
差不多到一个段落了,是时候计划下一个trip咯!呵呵~

treefishangel said...

香港迪士尼比法国的好很多。好久没有到香港走走,想念那儿的甜品

Chris said...

ben: 哦? 我点样open啊?

dUn_K: 喔~~ 咁真系好有心wo.. 多谢多谢..

Jeremy O.: oIC..

Fallen angel: 法国的没去过, 会比香港的差吗?

Sam Wong said...

want ask u something....Malaysia airline cabin crew and Cadet pilot got intake this year?

Chris said...

Sam Wong: Yeah, got.

Unknown said...

马来西亚那个真的看了。。。。昏!

Chris said...

館長《志強 cK》: 哈哈~ 很多人都这么说.

BB_hwiyee said...

你也试试看 去参加 啊~

Chris said...

BB_hwiyee: 我怕不够资格咧, 呵呵~

ernloy said...

first time saw chris different style of smile :D

沉默天使 said...

这么迟才写出,真不好意思。

#3黄田麒并非马来西亚派他去参选的。根据TVB的参选规则,参赛者必须持有香港护照或香港身份证。所以#3应该持有香港身份证自行去参选的,就如港姐#5庄思明一样也是持有香港身份证。

我们马来西亚所派去参选的,就只有国际中华小姐(或前称国际华裔小姐)。我们的Astro国际华裔小姐2009陈美妤Belle将在下个月飞往天津2010国际中华小姐竞选。决赛日是11月13日。

至于你所#8刘志伟是香港先生有史以来第一位年过30的参赛者,并不对。早在2005年首届香港先生,37岁的郑健乐就夺得健力组冠军。

Chris said...

ernloy: Haha.. Hope u like it lor..

沉默天使: 欢迎光临.. Oic.. 谢谢你纠正我的错误喔.. ;)