话都冇咁快，眨下眼，2008年又嚟到尾声喇。觉得今年嘅时间好似过得好快咁，感觉上Chinese New Year过咗冇几耐，加阵又话要倒数新年喇。嗯.. 又系时候要检讨下自己过去一年嚟所发生嘅嘢。回顾2008年，整体上嚟讲，今年都算系过得几好喇。当然，当中梗系有啲嘢开心；有啲嘢唔开心喇... 咁加阵就一齐嚟回顾一下喇。
1月 - 第一次学人写blog，冇谂住想得到啲乜嘢，净系想无聊时可以有个地方俾我发下嗡疯。
2月 - 过年时返咗怡保一个礼拜，除咗同屋企人一齐食团圆饭之外，仲喺怡保见返好多好耐冇见嘅朋友，好开心，大家都话我冇乜点变到，认真搞笑。2月13号，情人节前夕，同我个ex掟煲，冇第三者出现，只系大家觉得性格唔啱，长痛不如短痛，所以就嚟个了结。唉! 伤心咗一排，好彩有好朋友安慰，多谢晒你哋。
3月 - Uniform indent出现咗问题，冇uniform著，公司话唔驶返工喎，好嘢!! 仲好!! 停飞咗差唔多一个月。虽然冇flying allowance，但系公司傻咗，唔单止basic salary照俾，仲冇扣我嘅annual leave添。唔驶做坐喺屋企又有钱收，嗯.. 唔错唔错... 哈哈.. 好享受呢一个月嘅悠闲假期。
4月 - 公司宣布07年嘅financial year全年业绩，net profit 八亿五千万。为咗慰劳班员工，公司俾咗两个月bonus，加薪8.5%，同埋每人1 lot公司嘅股票。虽然觉得唔算好多，但系总好过乜都冇啰。啲bonus用晒嚟还卡数，Ease咗我好多burden。
5月 - 失惊无神喺随时候命时俾公司捉咗去做16日南非/阿根廷super long trip。第一次离开屋企咁耐，觉得好辛苦，好唔钟意呢种感觉，唔该以后都咪再搞我! 我宁愿做short flight，快、靓、正。
6月 - 为咗可以方便上网同埋打发啲无聊时间，买咗生平第一架lap top。9 months installment，用咗好多钱，好鬼死心痛。
7月 - 趁住Great Singapore Sales，同朋友铲落去Sin Jia Bo扫货，虽然话住喺朋友度，慳返酒店钱，但系依然买咗好多嘢，尤其是系衫裤同埋skin care，亦都驶咗好多钱。成个trip最开心嗰part，梗系喺Tanjung Pagar clubbing啦，仲驶讲嘅...
8月 - Annual leave rejected咗，搞到我生日都要返工，好鬼死嬲公司啰。好彩喺Perth有好nice嘅set crew members同我一齐庆祝生日兼送好多礼物俾我，同埋收到好多朋友嘅call兼sms，感觉好touch，好warm啰! Thank you u all... Muaks!!!
本来谂住跳槽到Cathay Pacific，点知发觉CX嘅人工原来同马航咁上下，相差唔多，再加上要喺香港based，嗰度消费咁高，而且又冇transport，俾嘅accomodation又喺元朗咁远。左计右计之下，支出分分钟仲会多过我加阵，咁每个月save到嘅钱又唔多，no point跳槽过去啰，几经考虑之下，虽然觉得好可惜，但依然决定留返低。
9月 - 可能系蒲得太多，身体负荷唔嚟，呢个月里边一共病咗3次。咳、伤风、头痛、喉咙痛、呕吐、发烧… 仆街啊! 乜都嚟齐晒，搞到成个人都迷迷糊糊、混混沌沌、手软脚软咗成个月。连食嘢都冇胃口，即刻瘦咗兼成个人落晒型。食药都食到惊鬼咗啊~
10月 - 妈妈由怡保出咗嚟探我，住咗大约3个礼拜，佢仲买咗好多燕窝俾我食。正啊! 我最钟意食燕窝架喇，差唔多每隔两、三日就食一次，3个礼拜后，好似连皮肤都靓咗、滑咗噃。每次做完工都嗱嗱声返屋企陪妈妈，做咗3个礼拜嘅乖乖孝顺仔。妈妈返咗怡保后，我又嚟唔生性喇，忍咗3个礼拜，终于都可以放监啦!! 顶唔顺，即刻同班friend又去落D clubbing。俾人灌酒同埋自己又索咗啲"嘢"，搞到成个人好HIGH，好兴奋... 同班friend饮到阿妈都唔认得，醉到几乎不省人事，企都企唔稳，成个人好痹，要人扶住嚟行，车都揸唔到。最后仲迷迷糊糊咁跟咗人返屋企，发生咗咩事都冇乜记得清楚，好似俾人揽住嚟锡，有人除我啲衫，跟住就... 醒咗之后发觉自己身边瞓咗几个人... :p
11月 - 好忙嘅一个月份，可能临近年尾兼学校假期，所以roster好pack，飞出飞入。虽然飞多咗，但系相对嚟讲，收入都增加咗。好鬼死嬲公司，applied咗嘅Christmas，New Year同埋Chinese New Year annual leave，除咗Christmas 25号嗰日approved咗一日俾我之后，其余嘅通通帮我reject晒! 系啰!! 你哋要过年，咁我就唔驶返屋企过年啰!? Yer!! 谂到都嬲啊! 今年我仲有balance 24日嘅annual leave未攞，睇嚟都要carried forward到明年架喇。
12月 - 成年入边我最钟意嘅一个月份，因为节日同埋假期气氛浓厚，亦都系好忙嘅一个月份。不过唔系做工，而系有好多大大小小嘅party同埋gathering要去。净系买礼物都驶咗唔少钱。不过都好开心啰，因为可以同啲friend一齐庆祝一齐玩，同埋仲识到好多好唔错嘅新朋友添，嘿嘿~~
好喇，就讲到呢度为止。2009年但愿继续享受我嘅飞行生活，仲有事事顺利+从心所欲+身体健康^^
朋友们，喺度祝你哋各位新年快乐... 开开心心... 最重要嘅系继续揾大$$$$$$!!! Happy New Year!!
2025年蛇年風水佈局
1 year ago
