法兰克福病倒记

我个鼻不嬲都唔好, 点讲咧? 因为我患有鼻敏感, 所以但凡有少少灰尘、臭味、烟味、油烟味.. 好快就会伤风流鼻涕, 由出世到加下都系咁. 曾经都有睇过专科医生, 医生话因为我鼻入便条软骨歪咗, 如果想减低鼻敏感, 就唯有施手术移返正条软骨. 但系因为我惊做手术, 所以拖到加阵都冇整.

MH6飞往法兰克福嘅班机如常喺半夜12点起飞, pax唔会好满, 前边20个, 后边EY大约160个, about 70% of total load. Service一切如常, 但系唔知系咪个crew bunk太冻咧? After rest返嚟, 个鼻就开始觉得唔舒服, 冇几耐就流鼻涕. 惨囉! 跟住落嚟嘅第二餐就辛苦囉, 鼻涕流个唔停, 个3柴阿姐又冇谱, 仲问我点解佢讲嘢我冇乜睬佢. 阿大姐, 我都已经周身唔舒服架啦, 仲边有心情答你啲唔重要嘅问题喎..

经过咗13个钟嘅飞行, 航机终于喺当地时间6.30am抵达Frankfurt. 虽然冬天已经完咗, 但系Frankfurt嘅weather依然好冻, 得0度. 晏昼就好啲, 气温回暖返到11-12度. China Airlines跟住我哋前后脚到达, clear immigration时佢哋排喺我哋后面. 唔知系咪我真系有个病样睇咧? 一个CI(China Airlines)crew行前嚟问我系咪唔舒服, 跟住又俾咗啲感冒药我, 仲叫我如果下次有飞去台北嘅话, 记住揾佢添, 佢会带我周围去玩. 嗰刹那我忽然间觉得好warm囉, 难道要我高呼: 我爱台妹, 台妹爱我??

到咗酒店冲咗凉, 食咗药就瞓觉, 一直瞓到下昼4点先醒, 跟住5点就自己一个人出去买我呢个trip最重要嘅嘢--朱古力. 唔知点解, 喺法兰克福买朱古力特别平, 价钱系KL嘅60%, 所以我就唔客气买咗满满两袋嘅朱古力返嚟准备派俾啲亲朋戚友、姨妈姑姐、三姑六婆、七嫂八婶.

相比于罗马, 法兰克福俾我嘅感觉完全唔同, 因为我觉得佢系一个好先进嘅城市, 一切都好现代化, 好commercial
就连街道规划都好城市化. 好多人以为法兰克福系德国嘅首都, 其实法兰克福系德国工商业、金融、经济同埋交通中心, 呢度有300几家银行, 700几家保险公司以及无数嘅广告公司; 而德国嘅首都系柏林(Berlin)
好大嘅Euro标志
德国人嘅英语程度都好ok架, 如果你德文唔掂嘅话, 讲英文都冇问题, 佢哋都听得明架, 而且我觉得德国人都几friendly架
呢度就系人潮最多嘅市中心一带
街道都好干净
图中担遮嗰位仁兄喺度卖紧德国好出名嘅香肠, 1.30Euro一条, 都算好平架喇. 今次德国之行好遗憾冇食到名气响当当嘅德国咸猪手~ 唯有下次啦~
第一次见到, 请问tom boy可唔可以入去啊? :p
亦都系第一次睇到, 唔知入会要乜资格咧? 唔通都要有platinum card?
Part of the chocolates that i bought, 我每次嚟Frankfurt一定会买嘅Hanuta chocolate waffle, 好正斗架!! 喺KL暂时仲未见到有得卖

终于pass咗啦!

一年一度, 最无奈嘅SEP(Safety Emergency Procedures)终于都过咗啦! 又系时候将本safety manual收埋起嚟, 等佢又封尘. :p

不经不觉飞咗6年, 再次返到嚟Kelana Jaya MAS academy, 又令我谂返起6年前第一次踏入呢度, 一切一切仲系好似发生喺冇几耐咁, 一切仲历历在目. 但系岁月催人, 想当初嘅热诚都唔见晒, 停不了的起飞降落, 离马回马, 始终最爱回家.

返回现实, 一连3日嘅SEP好轻松就咁过咗. 每日6.45AM起身, 7.25AM出门, 由我屋企去Kelana Jaya有一段距离, 再加上Kesas Highway同埋Sunway Toll嘅塞车黑区, 虽然提早出门, 但系每日依然迟到. :p

呢3日做过啲乜? 都系嗰句, 老调重弹. 急救重温、紧急救生、开机门、Arm door、Jump Slide、Raft management等等… 不过今次嘅instructor好好人, 放足料, 俾晒贴士我哋. 自从公司将考试嘅模式转去电脑化之后, 偷睇就变得好难咗. 因为你架电脑嘅第一条问题可能系我架电脑嘅第6条问题, 你嘅第一题答案嘅A可能系我第六题答案嘅C, 所以偷睇已经冇咁容易咗. 虽然系咁, 但系仍然冇咗我哋继续出猫嘅决心, 飞纸仔、长颈鹿、send sms嚟问答案... 全部可以用嘅招数都驶晒出嚟, 到最尾梗系全部都过晒关, 皆大欢喜啰..

Flying license已经renew咗, 亲爱的SEP, 我哋一年后再见啦, 到时又要嗌Evacuate! Evacuate! Hurry!! Hurry!! Jump! Jump!! Jump!!!

意大利的快乐传说

究竟乜嘢系快乐咧?
喺佛罗伦斯, 有一个女仔, 每日卯喺马路14个钟, 用粉笔重画惊世名画, 然后将心血亲手毁灭. 咁就系快乐?
喺大卫像嘅出生地, 大理石城卡拉拉, 嚟自世界各地嘅艺术家, 追随米高安哲奴嘅足趾, 要重现鬼斧神工, 咁又系唔系快乐咧?
喺山城蒙塔奇诺, 过千意大利古装人, 大锣大鼓大巡游, 为胜利而呐喊, 为快乐而狂欢, 你, 又可唔可以学佢哋咁快乐咧?
每个人都想生活得开心快乐, 但系快乐系咪好难得到咧?
今次就等我带大家, 去追寻意大利嘅快乐传说, 一齐向世界出发!

各位, 点啊? 系咪觉得个开场白好熟悉咧? 盏唔盏啊? 哈哈..

之前讲过最嬲就系喺weekend返工, 尤其是系星期六晚, 偏偏呢班机就系喺Saturday night depart, 再加上临返工时又落狗屎, 仲整到我懒上加懒, 不过谂到可以同batch girl Nicole一齐飞, 心情都好过啲.

喺咁嘅时势, 谂住班机应该都会系好light load啦, 点知竟然全院满座, 由前边满到后边, 一个空位都冇. 查实罗马呢个航线并唔系想像中咁好做, 唔系讲啲意大利人好demanding, 只不过系觉得佢哋有一个怪癖, 就系唔钟意坐低, 好似张凳有虫咬佢哋咁, 一定要企起身行嚟行去. 闲时个aisle已经够窄架啦, 再加上佢哋又栋喺度, 行上行落都顶鬼住, 简直就系阻街.

虽然系咁, 但系依然有大把crew仆住去做, 点解? 咪就系因为钱作怪囉! 罗马嘅allowance非常之可观, 有大约成6百蚊一日, 两日就千二, 3日就千8, 4日就2千4, 再加上FTL allowance6百蚊同埋overtime incentive allowance, 闲闲哋就有几千蚊落袋, 试问又会有边个嫌钱腥?

呢程人虽然好满, 但系好surprise好多人都冇食, 唔知系咪啲意大利人爱靓, 惊肥, 所以唔食supper咧? 做晒成个aisle, 我嘅cart仲有好多meal净. 好快就派完第一餐, 跟住就嗱嗱声做埋个inflight sales. 因为冇乜人买, 所以好快就搞掂. 睇一睇表, 已经系半夜2点咗, 嘢都冇食就落crew bunk瞓觉.

话咁快3个半钟嘅rest period又过咗, 又到我on duty嘅时间. 唔知系咪班Italian pizza真系好well rest咧? 我返到galley冇几耐, 竟然好多起晒身, 起咗身唔紧要, 但系我之前讲过佢哋有一个怪病, 就系唔可以乖乖咁坐喺度, 整班人喺个cabin度磩灼咁转, 行嚟行去, 行上行落, 晨运啊? 到派第二餐嘅时候, 由于遇到强烈气流, 成架机搖晃不定, service都drag咗落嚟. 推住几百磅嘅餐车就更加寸步难行. 时间一分一秒咁过去, 净低一个小时, 但系早餐只系派咗半个cabin, 仲有一半人未serve. 航机开始下降Roma我哋仲未完成tray collection. 嚟唔切喇, 冇时间, landing with tray就会好大镬!! 阿姐话唔理得咁多喎, 将嚟唔得切收嘅tray同埋head phone冚把冷丢入大rubbish bag. 多得大家发挥肌肉潜能, 总算喺aircraft touch down前将个cabin同埋gelley收拾好. 呼~ 真系险过剃头!

好彩回程时super light load, business class 7个pax, EY 50个, 正! 冇乜驶做! 我哋仲坐喺度睇戏听歌添.

意大利一向都系我好向往嘅国家之一, 佢冇英国人懒有文化嘅装扮; 冇德国高傲森严嘅建築; 亦都冇法国人傲慢自大嘅嘴脸. 脑海中嘅意国就系晴朗的天气, 土黄色残旧嘅建筑, 蔚蓝嘅地中海国家. 從登機嗰一刻感受到嘅意大利人, 虽然只系簡單嘅服飾(不过都系名牌), 但系已經非常合適及有型, 臉上仲會掛住陌生而親切嘅笑容.

喺Europe咁多个国家之中, 意大利都算系属于比较穷嘅一个.
Roma, 唔见得有特別現代化嘅建築, 一切一切就好似貼上保鮮紙咁, 從古時一直保留到現在. 唔同嘅大概只系多咗電燈同電腦. 國家情願日復日, 年復年修建舊時嘅建築物, 都唔願乾脆将所有舊東西重建. 睇嚟意大利人就系咁樣以自已嘅歷史為傲喇!

Compare with Paris, 我个人觉得Roma比较游客friendly, 因为佢嘅旅游地区比较集中, 都系喺市中心附近一带, 唔似得巴黎咁, 由一个名胜地到令外一个名胜地相隔好远. 不过喺意大利, 真系要好小心自己嘅银包, 因为扒手真系好多, 唔好谂住扒手就一定系成年人, 对啲细路仔就冇乜戒心, 分分钟呢啲细路就系扒手界嘅老手!!

羅馬古墟(The Roman Forum)

喺古羅馬嘅七座山丘中, 位置居中嘅卡庇托利諾山(Monte Capitolino)同埋帕拉提諾山(Monte Palatino)無疑系最重要嘅兩座, 佢哋系昔日古羅馬市中心所在, 政治、宗教、商業、娛樂等建築都集中喺呢度, 稱为「羅馬古墟」(The Roman Forum).

呢個位於市中心嘅舊址, 一直荒廢住. 政府默默進行修補, 但系却刻意保留頹垣敗瓦嘅景象. 今日, 呢個古羅馬城區, 不論喺考古上、建築上、古代社會生活研究上, 又或者系旅遊觀光價值上, 都系羅馬各地點之冠, 而集中喺呢个地區周圍嘅旅遊點更加系不計其數.

進入古墟, 我见到處處都系斷牆斜柱, 遍地都系殘缺不全嘅塑像同浮雕. 每一小截都代表住昔日嘅光輝, 每一塊殘片, 都喺度訴說昔日嘅榮耀. 大件嘅代表宏偉; 小件嘅代表精緻. 呢啲都系歷史, 實實在在嘅歷史..

呢一大片廣場分為東、西兩區, 里面有神廟、大會堂、小型劇場及教堂等遺跡, 佔地好廣, 建築物好多. 呢個羅馬古墟其實埋喺地下八米深, 直至十九世紀先被開挖, 得以重見天日. 呢度最初本来系沼澤地, 其後喺公元前羅馬共和時期, 日漸發展為羅馬公共場所集中地, 到咗帝國時期, 呢度更成為龐大版圖嘅權力中心. 今日, 睇到分布其間殘破嘅建築遺跡、孤獨挺立嘅石柱、青苔滿布嘅石塊, 真系好難想像昔日嘅繁榮富裕.














p.s.: 我记得以前嚟呢度嘅时候系free entrance, 不过加阵要收入门费咗. Adult 9Euro, Children 4.50Euro. 证明咗一样嘢, 经济不景, 连意大利人都识得要钱咗~~ :p

鬥獸場(Colosseum)

羅馬古墟隔离就系古羅馬鬥獸場(Colosseum), 相信唔驶我多讲, 大家对鬥獸場应该都已经好熟悉架喇. 鬥獸場原名系Flavian Amphitheatre, 建於公元前72年, 到如今, 已经有二千几年嘅歷史, 系Roma嘅标志.
鬥獸場直徑大约189米, 有80个入口, 可容納五萬五千到七萬三千名觀眾, 系古時用嚟格鬥、鬥獸、殘殺異教者、奴隸同埋戰俘嘅地方. 不过我觉得呢度已经变得好商业化咗, 有好多当地人同你又或者帮你影相都要收钱.









萬神殿(Pantheon)

游北京要睇天坛, 咁游罗马, 就要睇睇萬神殿(Pantheon)喇. 萬神殿系一座紀念古羅馬女神Minerva嘅寺廟, 估計建於公元前27年, 有将近二千年歷史, 其後毀於公元80年一場大火. 現今嘅萬神殿, 系喺120至125年间由Hadrian王朝重建, 基本上仍然維持原貌.

睇萬神殿, 主要系欣賞佢嘅建築特色. 萬神殿嘅外觀其實唔算好宏偉, 但点解又会咁出名咧? 就系因为佢嘅建筑难度, 所谓嘅建筑难度系指佢嘅圓形穹頂, 整個圆顶無任何支撐, 而且陽光仲可以从个大圆顶嘅天窗度照射入嚟. 當太陽射入嚟時仲會睇到四周嘅圖畫, 系一个天文建築, 又系一個物理建築. 人進入萬神殿就好似入咗球體嘅中心點, 向上仰望, 大廳嘅穹頂, 就好似半個球體罩喺頭頂. 估唔到二千年前嘅建築師, 都可以有咁樣嘅建築技術, 確實令人驚嘆!









許願池 or 特雷維噴泉(Fontana di Trevi)

呢个地方唔驶我多介绍喇, 我谂有睇过“冲上云霄”嘅人, 对呢个场景应该都唔会感到陌生, 冇错喇, 呢度就系阿Bell同阿Sam许愿嘅地方. 呢度俾我嘅感觉就系“超多人”, 水泄不通. 建于1735年, 噴泉建築完全採用左右對稱, 喺中间有一尊被兩匹駿馬拉住奔馳嘅海神普西頓(Poseidon)像, 泉水被稱為「處女之水」, 傳說只要背住呢個許願池, 将硬幣拋入池中, 將來就有機會再重遊此地.






罗马街头掠影