黑色空间

Singapore Universal Studio 2

2011-09-17T16:45:00.001+08:00

继续第二篇新加坡环球影城之旅..

好熟悉嘅造型, 但系就记唔起佢扮紧边个.

呢个都系一样, 好熟悉但系就记唔起, 大家知唔知佢哋扮紧边个啊?

Singapore Universal Studio 1 + 说不哭 - 潘嘉丽

2011-09-12T00:56:00.001+08:00

Singapore Universal Studio 1

二月时同几个朋友一齐去新加坡玩. 新加坡, 一个已经好熟好熟嘅国家, 一个已经去过无数次嘅地方, 应该参观嘅旅游景点都已经参观过, 唯独系呢个新起嘅环球影城仲未去过, 所以今次嘅新加坡之旅都系冲住呢个地方而嚟. 入门费还可以, 唔会平, 大约系七十几蚊星纸.

大门口, 亦都系环球影城嘅标志.

4D??

话是话, 爆炸场面都几逼真架~

嚟张大合照先~

恐龙地盘~

估唔到仲有古埃及游乐园添.. 莫非同法老王玩过山车?

*************************************************************************************
说不哭 - 潘嘉丽

呢首歌实在系太好太好听喇~

验身

2011-07-27T20:31:00.001+08:00

前两日去咗做身体检查, 验身报告话大致上ok, 冇乜大问题, 净系条尾龙骨有少少problem, 要做physiotherapy, 一共11个lessons. 话事话, 人到咗一定年纪, 身体机能同埋体能都会逐渐退化, 正所谓"年纪大就机器坏", 有啲钱真系唔悭得, 一定要适时保养, 辛苦揾钱之余, 亦都要食好啲、着好啲、对自己好啲.

chok样 + 那谁 - 苏永康

2011-07-07T22:20:00.000+08:00

chok样

新照片, 个样系咪好chok啊? 哈哈~

香港summer sales又嚟啦, 已经攞咗假准备去shopping~ hehe...
近排啲朋友话我个样残咗好多, 黑眼圈好明显, 有咩办法可以补救咧?

*************************************************************************************
那谁 - 苏永康

呢几日一直听那谁, 好有意思嘅一首歌, 除咗曲超正之外, Wyman嘅词简直一绝, "她怎傷害你可否就當做老天完整你那沒挫敗波折一生之旅功德圓滿方可愛下去帶笑歸去" 劲!!! 听咗之后好有感触. 睇嚟呢首歌好有可能会横扫今年年尾嘅各大颁奖礼, 成为苏永康继"越吻越伤心"之后嘅令一首代表作. How to forget/forgive?

换发型 + 半死 - 狄易達

2011-06-21T21:06:00.001+08:00

换发型

睇厌咗旧嘅发型, 系时候换一换, 但系由于工作上嘅规限, 一啲比较前卫嘅发型系唔允许嘅, 所以唯有作改变之余同时间又唔会被人叫入房照肺.

最近真系好忙, 啲roster pack到好似蜜蜂竇咁, 连off days都系minimum, 想攰死人咩? 大佬~

*************************************************************************************
半死 - 狄易達

最近好钟意嘅一首歌, 因为系我最喜爱嘅典型港式k歌.

很色的我

2011-05-16T02:08:00.001+08:00

不同颜色的我, 怎么样? 还好吧? :p

Bee's birthday @ 古月天酒楼 + Smiley face - 周柏豪

2011-04-30T00:06:00.001+08:00

Bee's birthday @ 古月天酒楼

朋友牛一, 所以同班friends嚟呢间叫做古月天酒楼度庆祝, 系属于中西合璧嘅fusion style. 第一次帮衬, 价钱会有少少贵, 但系食物味道同卖相都唔错架.

四眼斯文look.

*************************************************************************************
Smiley face - 周柏豪

最近劲钟意呢首歌, 虽然系好k, 但系我就系钟意佢够k.

台北/香港之旅 3

2011-03-15T11:32:00.001+08:00

喺台北过咗3晚, the next day我哋就飞过去香港. 由于只系喺香港留一晚, 所以基本上净系探朋友、食嘢同埋shopping. 由于当时冇折, 所以都冇乜收获. 都系留番8月嘅summer sales再去买过, 哈哈哈~

CX469班机过香港.

每次到香港我一定帮衬嘅翠华茶餐厅.

翠华嘅奶油猪仔包(奶油猪), 正! 5星推介~

最后CX721班机飞番吉隆坡, 完成晒5日4夜嘅台北/香港之行.

玩谢咗嘅残样一幅, 哈哈~

台北/香港之旅2 + 盆栽 - 周慧敏

2011-03-07T11:30:00.001+08:00

台北/香港之旅2

由于前一日睇pride时淋雨淋病咗, 所以今日边度都冇去, 净系去商场度行街shopping. 其实台北已经嚟过好多次, 要参观嘅地方都已经参观过.

每次嚟台北必到嘅诚品书店, 喺呢度买书真系平过KL好多.

台北嘅地标-101(Day view)

(Night view)

好热闹嘅台北东区.

新开嘅商场, 唔知叫乜鬼名.

由于唔舒服, 所以影嘅相都唔多.

*************************************************************************************
盆栽 - 周慧敏

久违了嘅Vivian新歌, 一个字形容--正~ 而佢除咗冇乜点变到之外, 真系越嚟越有味道, 越嚟越索~

台北/香港之旅1

2011-02-18T23:11:00.001+08:00

十月尾同几个朋友去咗台北玩, 諗諗下都有年几冇去过台北, 心情都几兴奋. 班机via香港到台北, 到台北已经系晚上9点几, 嗱嗱聲check in hotel冲凉换衫之后就铲落去club. 一到, 哇~~ 啲人多到排队都要排一个钟! 人潮来自五湖四海, 除咗本地姜台湾人之外, 仲有过江龙香港、中国、日本、新加坡、韩国、泰国、同埋当然唔少得马来西亚嘅代表啦. 简直系爆场! 音乐正唔在讲, 啲人靓先至系highlight of the night. 大家除咗跳舞劈酒之外, 当然唔少得要到处放生电啦, 电嚟电去, 搞到成个场好鬼死热~ 好high! 台北啲club通常都系开到5点, 大约3点几我就走. 返酒店? 梗系唔系啦, 系去最正最好玩嘅home party~ :p

第二日晏昼, 我哋去参观台北一年一度嘅同志大游行, 亦系我第二次参观. 听讲今次嘅游行系全亚洲最大兼最多人参与. 由于当时落紧微微细雨, 所以围观嘅路人唔算太多..

Wa lau ye! 大家睇下红发"姐姐"嘅奶头! So "outstanding", lol

Super Mario造型!! So cute~

Oh my god!! What is this??!! 好肉酸囉! Yer~~~

SM, 呢款比较重口味~

相中著住花圈嗰个我会颁个"最佳造型大奖"俾佢囉~ 点解? 请睇下一张相..

Para para sakura~! 哈哈~ 真系勇气可嘉囉~

台北最多P聚集嘅地方之一.

After the pride, 喺西门町度食嘢.

恭喜发财

2011-02-01T14:24:00.001+08:00

过年囉, 过年囉~ 今年好好彩annual leave又approve, 一共7日, 所以等阵会balik kampung. 喺呢度祝大家兔年行大运、心想事成、横财就手、最重要系身体健康. 恭喜发财~ muak~~ ^.^

生日饭局 + 周子扬 - 可惜所需不是我

2011-01-15T11:50:00.001+08:00

生日饭局

几个月前生日时, 同一班朋友去咗呢间位于时代广场嘅皇龍海鲜大酒楼度食dinner, 食物口味好一般, 亦唔见得有好多人, 感觉好似包场咁.

又一年, 又大一岁, 又老咗一年. :(

食完之后, 由于时候尚早, 所以就去咗楼下嘅Starbucks度hea下, 跟住就铲落去club囉.

*************************************************************************************
周子扬 - 可惜所需不是我

最近好钟意呢首歌, 喺度推荐俾大家~

峇里島之旅

2011-01-07T11:46:00.000+08:00

Bali, 相信好多人都去过. 早几个月前, 就同几个朋友去咗Bali玩, 亦都系我第一次去Bali. 峇里島俾我第一个印象就系好热、好热. 无论去到边度, 都会好快流汗. 成个旅程4日3夜, 由于时间唔长, 所以成个trip都好赶, 因为要try to cover as much places as possible.

落机到咗酒店check in之后, 我哋就去Kuta食嘢. Kuta系Bali嘅市中心, 有好多商场同埋店铺, 同时亦都系全Bali最热闹嘅地方.

Kuta Beach嘅sun set.

Wa lau!! D&G buy 1 free 1~ 你敢买冇??

传统嘅Bali Dance, 睇足全场都唔知佢噏乜.. 净系觉得有好多人喺度扮鬼扮马, 行出行入, 又嗌又叫, 闷到我抽筋.

Goa Gajah - 因象神Ganesh而得名, 系十一世纪遗留落嚟嘅古迹. 1954年被发现, 推断系当年印度教或佛教嘅遗迹, 具有高度历史价值. 象洞嘅洞外以及洞内都有精致嘅雕刻, 充满咗浓厚嘅印度教及佛教嘅神秘色彩. 与洞穴同时出土, 系一个传统印度式建筑嘅浴场遗迹, 浴场拥有6座女神造型出水口.

传闻中超正嘅Bali美食Babi Guling, 好对唔住, 我觉得一啲都唔好食囉~

MT. Kawi - 十一世纪嘅建筑, 沿住山谷一路往下行可以见到山谷翠绿嘅梯田同埋椰子树. 当年嘅国王喺呢度挖建石室作为冥思地方.

圣泉庙 Pura Tirta Empul - 旧王朝遗迹, 始建于962年. Tirta就系圣水嘅意思, 因为系从寺庙水泉中涌出嘅圣水, 所以将呢度称为圣泉庙. 庙内有除魔泉同埋沐浴场, 所以有好多人前来祈祷沐浴. 洗过圣泉浴之后, 据讲因病而引起嘅衰气都会被洗去, 所以有好多外地游客或朝圣者都嚟呢度, 希望喺山泉水中冲凉以洗去一身罪孽, 以及医治各类疾病.

Mountain & Lake Batur - Batur火山, 位于峇里島北面, 火山有3个火山口. 登上海拔1717公尺嘅火山, 可以观看到迷人嘅景色. 而Batur火山湖, 就系由Batur火山口积水而形成嘅火山湖. 根据探测, 火山湖深达88公尺, 系峇里島第一大湖. 相传Batur火山湖系女神Danu嘅栖息之所.

Bukit Jambul梯田 - 位于峇里島东部通往火山嘅路上. 严格嚟讲, 呢度净系一个路边嘅观光点, 系供旅途中旅客停车影相嘅地方, 喺呢度可以见到好靓嘅梯田风光.

Pura Tanah Lot - 海神庙, 建于16世纪, 系爪哇高僧Nirartha为咗祭祀海的守护神而建造嘅寺庙. 主要用嚟祭祀海神. 被公认为拥有峇里島最美丽嘅崖壁夕阳, 晴天黄昏时刻, 海水会倒影出庙嘅影子; 日落时分, 就会变成金黄色嘅天空同碧绿嘅海面, 构成动人如画嘅风光. 海神庙与陆地之间有岩礁相连, 一旦潮涨, 岩礁就会被淹没, 海神庙就完全隔绝.

Besakih Temple - 位于Mt. Agung嘅山腰. 由3个寺院为中心并结合大小30座寺庙嘅复合式庙宇, 亦都系峇里島印度教大本营, 更加系峇里島极具代表性嘅庙宇, 有"千庙之母"嘅美誉. 庙宇门外两侧有18座神像, 西周有几座庙坛, 充分显示出呢座庙宇嘅宏大.

Pura Goa Lawah - 蝙蝠洞庙, 印度教庙, 系峇里島6大庙宇之一. 传说系高僧Mpu Kuturan于1007年建造. 由于有好多蝙蝠进驻栖息, 所以又叫做蝙蝠洞. 呢度啲蝙蝠被印度教徒认为系神蝠, 不可骚扰.

Puru Uluwatu - 又叫做小海神庙, 建于高达70公尺峭壁之上, 放眼就系印度洋, 景色令人惊叹. 底下系万丈深渊嘅大海, 经常惊涛骇浪. 寺庙相传系喺十世纪左右为祭祀海上嘅精灵而建造, 为峇里島6大寺庙之一, 亦都系欣赏日落最佳地点之一. 唔知点解, 呢度有好多马骝..

话明嚟Bali度假, 咁点都要拣番啲靓嘅酒店嚟叹番下, 而今次我哋就入住呢间Pan Pacific五星级酒店. 地点虽然比较偏僻, 距离Kuta大约45分钟车程, 但系胜在环境一流, 幽静之余风景又靓, 地方又大, 真系relax悠闲嘅好地方, 如果大家下次有去Bali嘅话, 不如考虑下呢间酒店.

喺度祝大家新年快乐~

相一张 + 2010万千星辉颁奖典礼预测 + 鄭欣宜 - 有故事的人

2010-12-04T16:27:00.001+08:00

相一张

就净系相一张, 哈哈.. :p

*************************************************************************************
2010万千星辉颁奖典礼预测

一年一度嘅万千星辉颁奖典礼将会喺12月5号晚举行. 每年到咗呢个时候, 又系視帝視后爭奪戰再起之时. 横观今年嘅走势, 視后方面以鄧萃雯呼聲最高, 而視帝方面, 陳豪、林峰及黎耀祥斗得難分難解.

以下系我嘅心水:

最佳綜藝資訊節目: 荃加福祿壽 - 热爆全城, 攞唔到真系无话可说.

最佳節目主持: 荃加福祿壽汪明荃、阮兆祥、李思捷、王祖藍 - 既然tip咗荃加福祿壽攞最佳綜藝資訊節目, 咁顺理成章最佳節目主持都系非佢哋莫属.

飛躍進步男藝員: 黃浩然 - 資歷唔算短, 拍過電影, 以前喺隔離台拍開劇做開二三線, 而家無記力捧佢, 好多劇都有佢份, 谷得佢好行.

飛躍進步女藝員: 唐詩詠 - 個人好鍾意呀雁個角色, 可能真係覺得佢太可憐, 唐詩詠又做得OK. 佢真係進步咗好多, 睇得出佢好有heart.

最佳女配角: 惠英红 (鐵馬尋橋) - 话晒都系影后嘛, 表现有目共睹.

最佳男配角: 麦长青 (義海豪情) - 非凡哥!!!!!!!!!!!! 我撑你~~~

我最喜愛的電視男角色: 黎耀祥 (義海豪情) - 視帝机会微啲, 呢个奖最有可能.

我最喜愛的電視女角色: 鄧萃雯 (義海豪情) - 同旧年一样, 两个拍住上.

最佳女主角: 佘詩曼 (公主嫁到) 今年視后都係姣佘同雯女之争, 我觉得九姑娘冧莊嘅机会唔大, 因为无可否认姣佘喺公主嫁到演得非常出色老练, 表情丰富, 收视又高, 所以出线机会较高.

最佳男主角: 陳豪 (公主嫁到) 大热, 同姣佘嘅三公主一样, 同刘醒有得fight.

最佳劇集: 公主嫁到 - 呢套剧真系好好笑囉, 不过通常喜剧比较难跑出, 今年唔知会唔会例外咧?

*************************************************************************************
鄭欣宜 - 有故事的人

正歌一首, 介绍俾大家..

High Maintainance + 明明 - 钟一宪

2010-11-19T11:06:00.001+08:00

High Maintainance

唔知点解, 好多人话我会系一个好high maintainance, 好物质主意嘅人, 即系话需要用钱嚟包养嗰种, 乜我外表真系俾人一种咁嘅感觉咩?

其实我觉得呢个世界系好现实, 尤其是P嘅圈子. 你有样, 好自然就会有一大堆狂风浪蝶涌埋嚟; 反则, 就只会无人问津食自己. 试问呢个世界上有边个会唔钟意靓嘅嘢? 有时并唔系话自己巴闭, 对于唔系我杯茶嘅人, 我真系会好懒去应酬, 做朋友系冇问题, but other than that, 好对唔住囉, 因为我真系冇兴趣. 即然入得嚟呢个圈子玩, 就要明白呢个圈子嘅游戏规则, 唔合资格嘅, 唯有好残忍被踢出局..

近照一张.

前一排比较忙, 所以少update个blog, more update will be at Facebook. ;)

*************************************************************************************
明明 - 钟一宪

今年嘅新人, 对佢并唔系好了解, 净系觉得佢呢首歌好好听.

舊唱片　完全塵封不已　陳舊信物　上世紀不翻揭
誰也知　件件沒落物件　已經不新鮮　無奈我　永遠自我欺騙
舊照片　遺留曾一起的笑臉　誰自信日後就算怎樣也不變
而你竟　逐步逐步撥開掙脫該識穿　仍未撇脫怪罪我死心不竭

* 明明早該放手　但有眼看不到
明明慘過沒有　仍留住　未接受
盲目太久　無用製造理由　無視我或鄙視我也不會走
明明早想我走　但有耳聽不到
明明誰亦受夠　卻奢盼　廿年後
陪你白頭　求惰性令你未能真的說出口
物證般廝守我就夠

舊照片　仍然塵封不已　陳舊信物　用以追索著某段從前
而你竟　逐步逐步撥開掙脫　早該識穿　仍未撇脫怪罪我死心不竭

Repeat *

其實我漸發黃　難道廢物之內你想起我躲於這暗房
和物證在對望　期待你肯抽一天探訪

明明早該放手　但有眼看不到
明明慘過沒有　仍留住　未接受
盲目太久　無用製造理由　無視我但我已經不懂放手
明明知她很想我走　但有耳聽不到
明明誰亦受夠　卻奢盼　廿年後
陪你白頭　求惰性令你未能真的說得出口　物證般廝守也足夠

Munakata 日本餐 + 钢铁是怎样练成的 - 何韵诗

2010-10-14T00:54:00.001+08:00

Munakata 日本餐

朋友牛一, 我哋决定去位于Life Centre嘅Munakata度食日本嘢. 日本餐不嬲都系我嘅至爱, 第一次帮衬呢间嘢, 味道真系几唔错, 不过价钱就有啲贵, 耐耐地食一次都ok嘅.

*************************************************************************************
钢铁是怎样练成的 - 何韵诗

最近劲钟意阿诗呢首新歌, 旋律、歌词都好正. 比较国语版, 我觉得广东版好听啲, 因为Wyman啲词比较有fu, 越嚟越淋漓盡致, 而且只mv仲拍到阿诗好靓仔添.

美味园 Mid Valley + 冇变 + 阿菲新海报

2010-09-29T00:04:00.001+08:00

美味园 Mid Valley

早排同friends嚟呢间为于谷中城ground floor嘅美味园食dinner. Selling point系住家饭, 不过我就觉得味道嘛嘛, 冇乜特别原因嘅话都唔会特别想到番去帮衬.

*************************************************************************************
冇变

呢一排周不时都撞番好多好耐冇见又或者失去联络嘅朋友. 大家都讲虽然咁耐冇见, 但系我嘅样依然冇乜点变到, 所以一眼就可以认得我. 其实有时喺度谂, 咁样会唔会系一件好事咧? 当你一直keep住咁嘅样, 但系人始终都系会老, 会残架嘛, 正如如妃所讲: "即使家阵多麼鮮豔, 都有花殘粉退嘅一日, 可以留得住風華正茂咩?"

有时候见到啲老p, 年老色衰, 几十岁冇人要, 仲要俾啲后生一辈喺背后嘲笑、奚落、指指点点一番(尤其是p把口特别衰, 特别臭), 都觉得佢哋好阴公, 心谂自己唔知会唔会有咁嘅一日咧? 如果有一日当你变老咗嘅时候, 好自然market value就会越嚟越细, 到时候唔知会唔会好难接受咧? 又或者可以好潇洒咁一笑置之, 接受现实? 再唔系又再或者应当趁后生嘅时候及时行乐? 俗语有云: 人生得意須盡歡莫使金樽空對月. 当你人老猪黄嘅时候, 就系你有心无力嘅时候..

一字记之曰: 要得到男人嘅心, 最下乘嘅方法就系千依百順, 咁樣會讓男人覺得索而無味; 中乘嘅方法系若即若離, 讓男人覺得可望而不可及; 最上乘嘅方法就系求而不得..

呢句嘢---绝!!!

*************************************************************************************
阿菲新海报

呢张系阿菲演唱会第二波宣传海报, 依然都系一个字--型!

热辣辣的杜拜 + 生日礼物

2010-09-16T23:06:00.003+08:00

热辣辣的杜拜

早前做咗转6日Dubai/Beirut航班, 虽然话班机唔算好长, 由KL直航到Dubai只需7个钟, 但系你哋知架喇, 中东机一向都唔容易做, 系after印度机之后排名第二最难顶嘅航班. 如果大家有serve过中东客嘅话, 都应该知道佢哋有几难搞..

一直以嚟都冇乜钟意中东呢个地方, 除咗对啲中东人冇乜好感, 同时又觉得佢哋有少少变态兼恐怖之外, 令一个原因就系好热、热、热!! 喂! 大佬! 平均温度40度以上, 一出去即刻变成鐵木真打仔--大汗耷細汗, 搞唔好分分钟皮肤被晒伤仲会中暑添, 你都咪话唔少嘢. 而且又冇嘢做, 闷到飞天. 购物商场嚟嚟去去都系咁嘅样, 虽然话啲商场越起越大间、越起越靓, 但系啲嘢都买唔落手嘅, 因为真系好贵、好贵. 同一样物品嘅价钱比起大马平均多出两三成, 唔值得. 上网仲衰! 呢个网站又NO ACCESS, 嗰个网站又BLOCKED, 结果?? Scan到净番啲真系"干净到一尘不染"嘅website先可以access! 算数! 熄机煲碟好过~

喺Dubai night stop, 公司安排我哋入住Hyatt Regency Hotel, 都算系唔话得架啦. 间酒店真系好靓好豪华, 而且location又好, 座落喺市中心, 去边度都方便.

酒店门口嘅logo.

间酒店里面仲有一个溜冰场添, 认真夸张!

间房几正, 张床仲好soft. 入到房间第一件一定要做嘅事就系较恒个冷气~

厕所都靓过人.

酒店lobby.

自从发生咗金融危机之后, 杜拜嘅发展真系大不如前, 好多商店都冷清清, 拍烏蠅. 风光不再. 听讲好多公司都冇钱出粮俾啲员工, 大多数啲员工都系外劳, 通常都系来自印度、巴基斯坦、菲律宾等比较贫穷嘅国家. 梗系喇, 早几年咁样嚟烧钱法, 又要世界最高、世界最大, 你估你国家真系印银纸嘅咩? 仲夸口话要取代香港成为亚洲金融中心, 唉~ 谈何容易啊?

反正冇事做, 就同crew members一齐去新开嘅Dubai Mall度hea下. 呢个系间Mall入面其中一个我好钟意嘅装修, 简直型爆啊!

咁正嘅背景, 梗系要影番张相啦~ V~

另一个屋顶嘅design, 都系好型~

Dubai Mall入面嘅Burj Dubai模型.

Comparison with other buildings, it's the tallest in the world.

Burj Dubai系目前全球最高嘅建筑, 楼高808米, 座落Dubai Mall隔离. 我个人认为, 同我哋嘅KL Twin Towers比较起嚟, 有好多相似嘅地方, 摆到明就系抄袭Twin Towers嘅设计理念. 第一: 两座大楼都拥有超大型购物广场. 第二: 都系连住一个人工湖. 第三: 同样一样有喷泉. 第四: 同样一样有个水族馆. 你哋话系有咁啱得咁橋吖又抑或系copy from Twin Towers嘅concept咧? 虽然话系世界最高, 但系我始终觉得成个建筑物好似一碌蔗咁, 高高直直, 毫冇线条美可言; 反而我哋嘅Twin Towers会比Burj Dubai靓同埋型得多..

迟啲应该可以上去参观, 因为暂时仲未对外开放.

隔离嘅Dubai Mall, 又系一个名店云集嘅地方, 同一般Dubai其他嘅Mall冇乜分别.

不过话是话, 个view又真系几靓个噃.. 好有地中海fu~

艳遇: 话说我哋间酒店同Thai Airways crew住嘅酒店系share同一个shuttle bus去Dubai Mall. 咁嗰日个shuttle载咗TG crew之后先至载我哋. 上咗车冇几耐我就发觉有条几唔错嘅Thai周不时转头望过嚟仲同我笑, 可能对方友善, 咁出于礼貌我都要同人哋笑番, 我都觉得好正常. 当到咗Dubai Mall之后就大家各有各行. 行行下我忽然间发觉佢出现喺我背后, 我都吓到下. 跟住佢好直接咁自我介绍, blah blah blah... 讲讲下佢就入正题, 问等阵返个阵时可唔可以drop by我嘅酒店, 因为佢想参观吓我嘅房间(有冇搞错啊? 咁旧嘅桥都仲有人用..) 我心谂都估到你架喇, 讲咗咁耐, 终于都嚟到戏肉喇. 虽然话佢嘅样都算几好, 但系唔知点解我始终对Tom Yam冇乜兴趣, 如果系好似Chinese嘅Thai Chinese我应该冇问题. Anyway, 中华料理、Sushi同埋Kim Chi始终都系我嘅首选, 其他种族我真系冇乜兴趣. 尤其时Nasi lemak同埋Roti Canai我仲会立刻turn OFF添.. :p

*************************************************************************************
生日礼物

呢架相机系今年收到最大份嘅生日礼物, 仲喺度研究紧点用, 有边位仁兄可以赐教下小弟?

又见香港4 - 澳门

2010-09-03T20:54:00.000+08:00

又见香港已经嚟到最后一篇啦, 呢日我哋过大海去澳门, 其实最主要都系参观上次我哋嚟唔切冇时间参观嘅地方. 第一站我哋嚟到妈祖阁.

妈祖阁(A-Ma Temple)相传建于1488年, 庙宇依崖而建, 庙内供奉大海守护神妈祖, 有大约500年历史, 系澳门现存庙宇中有实物可考嘅最古老庙宇. 间庙主要由4座建筑组成.

妈祖阁嘅大门、牌坊、正殿、弘仁殿、观音阁排成直线, 沿住山崖往上行, 可以见到唔少嘅石刻.

供奉天后嘅弘仁殿, 系全庙历史最悠久嘅建筑, 由石窟开凿而成.

妈祖阁内到处都可以见到石刻题字.

东望洋炮台(Guia Fortress) - 东望洋山系澳门半岛最高嘅山峰, 而山顶嘅东望洋炮台修建于1622年. 上有灯塔、圣母雪地殿教堂同埋防空洞3组建筑物, 与大三巴附近嘅大炮台遥遥相对, 系澳门嘅标志. 东望洋灯塔系中国海岸第一座现代灯塔, 旁边嘅小教堂属罗马式建筑, 墙身厚重, 室内嘅壁画揉合咗中西方嘅艺术风格, 喺澳门教堂中可谓独一无二.

东望洋灯塔于1864年建成, 系远东区第一座灯塔, 目前仍然操作, 其所在位置系澳门于世界地图上嘅座标, 其重要程度可想而知.

炮台入口处上方, 放咗一只大海锚, 但点解会放喺度? 就连旅客中心嘅姐姐都唔知.

炮台于1638年建成, 目的为抵抗荷兰军队.

呢个位于大三巴草堆街嘅档口仔虽然毫不起眼..

但系佢嘅煎釀三寶好食到令我停唔到口, 食完又再食.. 正过香港嗰啲多多声~

又见香港3 - 迪士尼 + 一額汗港姐决赛 + 2010香港先生预测

2010-08-19T14:47:00.001+08:00

又见香港3 - 迪士尼

基本上呢日嘅行程几乎全日都系喺迪士尼入面度过, 亦都系我第一次游览香港迪士尼. 如果同其他嘅迪士尼乐园比较, 我觉得香港迪士尼真系好细, 而且唔好玩. 大部分嘅游客都系内地嘅朋友, 所以时不时都可以听到有人喺度高声呼叫倾偈, 感觉好似去咗街市咁.

迪士尼游行騷, 我觉得唔好睇之余仲有一个好肉酸嘅白雪公主.

飞天大象, 勾起好多童年时嘅回忆.

Adventure Land, 但系我一啲都feel唔到冒险嘅感觉.

嗯... 呢度我只会嚟一次, 应该唔会再有下次.

Sing and Delius go to Disneyland as well.

*************************************************************************************
一額汗港姐决赛

上两个礼拜为咗睇港姐final, 虽然系星期日, 但依然好乖咁留喺屋企度睇直播. 个show开始还可以, 但越到后面就惊喜连连, 真系一面睇就一面抹冷汗..

以下系今年嘅港姐结果:

冠軍：13號陳庭欣
亞軍：15號張秀文
季軍：5號莊思明
最上鏡小姐：9號李雪瑩
國際親善小姐：13號陳庭欣

今年大会司仪飞咗Amigo, 换咗当红得令嘅福禄寿, 再加上港姐司仪台柱阿叻同埋曾志伟, 合五人之力力挽每况愈下嘅港姐收视. 老实讲, 今年嘅质素比起旧年又真系好好多, 都几平均, 有好几个都系大热, 都好有机会跑出. 以为喺咁嘅情况之下, 班评判都会几难拣, 点知唔系, 一啲都唔难, 因为佢哋全部拣晒啲原本以为冇乜機會嘅...

Part 1: 自我介绍

呢part几正, 佈景門一開, 班候选佳丽喺門後擺好甫士一个个行出嚟自我介绍, 同埋讲下点解自己可以攞冠军嘅理由. 经过TVB再精心执过之后, 班佳丽果然省镜咗好多. 几乎个个都好有自信, 冇边几个行差踏错. 其中2号同10号表现好好, 好有台型.

Part 2: 低B儿歌环节

都唔知点解TVB要做呢part, 要班港姐著晒娃娃裙扮细路女我觉得有少少搞笑囉. 话晒港姐都系要高贵嘅形象, 点知整呢part出嚟就spoilt咗, 仲要佢哋擺埋啲白痴甫士. 唉~

Part 3: Catwalk

呢部分其实几好睇, 班佳丽著晒唔同嘅服装表演自选花生騷, 算系几有新意. 只不过嫌班准港姐啲手势稍微多咗啲. 其中10号表现好好, 其实佢件衫真系好难carry到, 不过以佢5尺9寸嘅身高嚟讲, 梗系冇难度喇, 台型够, 样又靓, 简直就似成个专业模特儿. 另外8号个樣真系超哂班, 够自信兼嗰下单眼, 令人昏晒大浪. 有几个就好嘛嘛, 12号行到好似机械人咁, 硬蹦蹦. 4号扮cool个样令人顶唔顺.

Part 4: 泳装问答

呢part系成晚嘅high light. 其中由王祖蓝扮演嘅女导游阿珍简直令我笑爆嘴!! 个样劲搞笑之余讲啲嘢又抵死, 最惨就系6号林碧珍, 被抢晒风头之余成part只系讲得嗰一句嘢: 我冇欠你架.

Part 5: 歌舞环节 and 历届港姐致敬

摆明车马就系林峰个人騷, 搞到吳卓羲好似个大配角咁. 不过我觉得徐子姗真系越嚟越索~
我記得以前請啲表演嘉賓, 都係同候選港姐一齊, 一邊跳舞一邊拖住佢哋嘅手介紹港姐, 點解依家好似冇咗呢樣嘢嘅?

近呢几届都会有呢个环节. 有好多年过四十嘅前辈港姐仲靓过一班妹妹仔港姐添, 其中89年冠军陈法容真系keep得好好, 二十年前同二十年后嘅样貌身材竟然冇乜点变到.. 真系唔知佢点keep, 再加上佢嗰句: 一日港姐! 一世港姐! 哼! 邊個夠佢威啊!!

黃浩然唔系歌手都无话可说啦, 话晒都算做系歌手嘅郑嘉颖真系唱得好难听囉..

Part 6: 8强

当8强宣布嘅时候, 先至系眼镜开始爆裂嘅时候.

1)3号張藝婷 - 第一个被嗌出嚟. 我真系成个人傻咗! 有冇搞错?? 佢入圍已經系好牽強, 仲可以入到8强添? 個樣包底, 女生男相, 件猪扒憑咩入到8强? 我真系唔明!

2)4號文凱玲 - 呢个还可以.

3)5號莊思明 - 讲真, 佢嘅"達摩髮型"真系吓死人! TVB点解要咁玩佢? 虽然有啲紧张, 但系谈吐都几OK.

4)8號彭慧中 - 真系好sweet, 好sweet嘅佳丽. 大热门之一, 预咗佢会入, 仲会系4强人马, 点知... 我都好意外! 如果话佢矮嘅话, 既然同屬5尺3嘅9號都入到4強, 佢有乜理由入唔到先?

5)9號李雪瑩 - 问答系几ok, 几淡定. 8强算系咁架喇.

6)10號馬均怡 - 同8号彭慧中一樣, 係今屆輸得最唔抵嘅佳丽. 我横谂掂谂都唔知佢输乜. 有样、有身材、有身高、有台型、有大将之风、谈吐又大方、表现又好. 点解? 点解咧? 天理何在? 唉~ 我嘅10号吖10号~

7)13號陳庭欣 - 都估到佢会入8强, 但就誓死都谂唔到佢会去到冠军呢个位置.

8)15號張秀文 - 喺带病之下上阵有咁嘅表现, 都算做唔错架喇. 口才几好, 讲嘢都几风趣幽默.

遗珠: 11号虽然广东话唔正同埋答问题有少少白痴, 但系点都好过3号同9号呱. 2号虽然一副邪牌相, 但系都唔至于入唔到8强呱.

Part 7: 4强

一如以往, 呢part例牌都要请班佳丽讲下佢哋呢几个月里面嘅辛苦法, 讲讲下班佳丽例牌洒几滴眼泪, 跟住就喺亳冇比賽環節下再宣布4強, 再跟住就系连啲无聊问答环节都冇又宣布3甲. 咁点解唔立刻宣布3甲咧? 摆明就系一早已经选咗架啦! Please la, 做戏都做全套啦, 起码中间扮下嘢加插两个无聊对答环节都冇咁肉酸啦~

1) 5號莊思明
2) 9号李雪瑩
3) 13號陳庭欣
4) 15號張秀文

8号同10号同时落马, 睇到呢度已经跌到成地眼镜碎!

Part 8: 赛果

最上镜小姐: 9号李雪瑩. 我谂住应该都会系8号, 点知系隔离嘅9号! 简直系震惊! 而且好難服眾囉! 唔知系咪个妆嘅问题, 个样睇嚟好老. 既然今年有咁多高质素嘅佳丽, 请问有咩可能佢会攞最上镜咧? 又请问班评判觉得佢边一忽系上镜咧?

季軍: 5號莊思明. 佢可以去到季軍真系令我估唔到. 佢嘅"達摩头"惊吓指数真系惊人! 虽然话佢嘅谈吐几大方得体, 但系靓过佢又答得好过佢嘅人大有人在, 我同大家都系一样: 十万个为什么?

亚军: 15號張秀文. 去到呢个位, 都令我好意外. 不过佢嗰晚嘅表现真系几好.

冠军: 13號陳庭欣. 嚟到呢个地步, 都已经冇得拣. 除咗佢之外, 都冇边个有冠军相. 起码有5尺7寸, 仲好过只得5尺3嘅9号李雪瑩. 成晚表现都算四平八稳, 但又唔会特别特出, 笑容系佢最大嘅死穴. 入到冇哂大熱嘅四強, 真係如果唔揀佢都唔知揀邊個..

总结: 今年明明quality几高, 但系点解会揀晒啲最差嘅? "好爆切", 個賽果"我接受唔到囖"!

*************************************************************************************
2010香港先生预测

Right after港姐之后, 紧接落嚟粉墨登场嘅大show就系香港先生, 亦都系大家都好期待嘅城中盛事. 决赛定于8月21号星期六晚晚上8.30pm, 同港姐一样, Astro华丽台都会同步现场直播. 今年嘅港男人数, 由旧年嘅12位减至10位, 同时亦唔会再分成少年组以及盛年组比赛, 而系由10位参赛者直接竞逐香港先生殊荣. 横观今年嘅10位入围"佳丽", 老实讲, 除咗兩三個叫做睇得下之外, 其他嘅"姿色"真系好一般. TVB相关人士表示将为此次比赛增加制作费, 为观众带嚟3D视觉效果欣赏著泳裤、湿身港男, 咁喺呢啲咁嘅3D效果之下, 各參賽者會唔会变得激凸咧? 嗯.. 真系好令人期待, 哈哈~

以下系入围参赛者嘅名单:

年龄: 20
身高: 183cm
体重: 76kg
职业: 学生

讲真, 当我第一次睇到佢嘅时候, 我真系以为佢最起码都会有35岁, 点知睇咗佢嘅profile之后, i was like "Oh my god"! 原来佢只得20岁!! 但系点解佢嘅样咁老成嘅? 我真系幻想唔到如果当佢到咗35岁嘅时候, 佢嘅样会系点? 有"露點柴九"之稱嘅佢, 喺面試時露出單邊胸肌成為焦點. 日前更获选为"至Smart型男". 身形健碩, 喺TVB港男人气榜中高居冠军, 热门马之一.

出线机会: 70%

年龄: 28
身高: 185cm
体重: 76kg
职业: 舞蹈员

来自内地嘅朋友, 能操流利嘅普通话. 最钟意施冧功放生電. 个样嘛嘛, 胜在够高, 但系我始终觉得佢好紧要重"乡土味". 呢种"土味"咁重嘅货色, 班港女应该唔会buy.

出线机会: 0%

年龄: 25
身高: 167cm
体重: 56kg
职业: 服務研習導師

唯一来自马来西亚嘅代表. Sorry都要讲句, 并唔系我唔要支持自己人, 但以佢咁嘅quali, 冇样冇身材, 真系好难令我support佢囉. Malaysia靓仔唔算少, 但系点解会派一件咁嘅次货去参选嘅? 我真系唔明. 可能搞到分分钟啲香港人以为所谓马拉嘅美男就系咁嘅样. 喺TVB港男人气榜中包尾, 唉~ 冇嘢讲!

出线机会: 0%

年龄: 21
身高: 167cm
体重: 64kg
职业: 私人健身教練

前港男冠军袁偉豪嘅好朋友. 有少少似孫耀威, 充滿陽光氣息, 身材劲爆, 事業線惊人, 著起緊身衫之下更加顯得逼爆兼凸點. 身高比较矮, 略為輸蝕, 同埋负面新闻多, 被传媒狂插自恋兼花心! 睇形势, 同10號應該有得爭下. 绝对系我心目中嗰杯茶, 我自己都好嗒佢糖架.. hehe.... bleh... :p

靚仔即系靓仔, 唔使搞乜花臣, 只系輕輕一笑, 就已經跑贏一班乜貨物貨九條街...

出线机会: 80%

年龄: 29
身高: 173cm
体重: 67kg
职业: 表演者

个样算做唔错, 其他方面就普通咗啲, 睇成数都系掹車邊陪跑居多.

出线机会: 20%

年龄: 21
身高: 173cm
体重: 70kg
职业: 学生

来自温哥华, 样几cool, 身形都唔错, 但系就系唔够特出, 系令人"一见即忘"嘅佳丽.

出线机会: 10%

年龄: 24
身高: 178cm
体重: 66kg
职业: 辦公室助理

个样比较成熟, 有高度, 身形几fit, 属于稍微above average嘅货色. 醒醒定定嘅话会系一匹几掂嘅黑马. 不过输咗都冇所谓, 干脆叠埋心水入TVB拍剧.

出线机会: 50%

年龄: 35
身高: 182cm
体重: 72kg
职业: 理財顧問

系今年咁多位参赛港男当中, 年纪最大嘅一位, 所以佬味十足. 身形都几健碩下, 样样都四平八稳, 世界仔一名, 比较钟意特出自己, 即系识搏出位. 未知属于粗獷型嘅佢能否成為評判嘅心水咧? 过去咁多届港男冠军当中, 从来未有一位超过三十岁嘅, 睇下今次劉志偉可唔可以改写历史.

出线机会: 60%

年龄: 18
身高: 174cm
体重: 68kg
职业: 学生

同劉志偉相反, 系今届咁多位参赛港男当中, 年纪最细嘅一位, 仲系應屆會考生, 面试时仲要阿妈陪同. 外型几好, 浑身散发青春魅力嘅佢应该会系好多成熟女人嘅最爱. 不过年纪细, 社会资历尚浅, 可能系佢夺冠嘅绊脚石.

出线机会: 40%

年龄: 25
身高: 178cm
体重: 75kg
职业: 翻譯員

曾经系亞洲先生亞軍, 今次打破宿命顺利入围由TVB举办嘅港男, 算唔算表现TVB作为一个大台应有嘅风度咧? 被媒体形容为笑容似三哥苗僑偉, 系今年嘅大热门. 有外形有高度, 系好多人嘅至爱. 入5强唔会有难度, 我睇好佢分分钟会成为今届嘅票王添. 同4号应该会叮当马头, 相信到时会有一番龙争虎斗, 不过我始终睇好佢会脱颖而出.

出线机会: 90%

今年大會司儀繼續由DoDo姐鄭裕玲領軍, 忠實「粉絲」伍詠薇亦會加入助陣, 加上三位充滿青春活力嘅美女呂慧儀、官恩娜及名模Mandy Lieu, 艷光四射, 与10位型男互相輝映. 我真系好期待港男嘅"台柱"伍姑娘到时嘅表现及反应, 哈哈!

介绍咗咁多, 咁大家又觉得边个会跑出咧?

又见香港2 + 10年香港小姐预测

2010-07-31T21:03:00.002+08:00

又见香港2

第二日, 我哋先去上环嘅港澳码头食点心, 跟住去黄大仙拜神, 再去朗豪坊shopping.

信德中心嘅富临渔港囍临门. 我哋嘅点心早餐.

特别要介绍呢个豆腐花, 超正! 口感一流, 香滑入口即溶, 系我食过最好食嘅豆腐花, 我俾5粒星.

黄大仙太多人喇, 要拜神都要同人逼.

置地广场, 我最钟意hea嘅地方之一, 名店同世界名牌专卖店集中之地.

至于晚上嘅节目, 梗系离唔开clubbing喇. 去边度? 咪PP囉, 仲驶问嘅. 其实觉得Volume都唔错嘅. 建议大家最好喺11点钟之前入去, 因为价钱平好多. Stamped咗之后可以去附近嘅兰桂坊先劈两嘢, high high地之后跟住大约1点几再到番嚟, 因为呢个时候人潮先开始多, 音乐亦都开始正. 至于我有唔有艳遇?? 唔... 唔话俾你哋知, hehe....

*************************************************************************************
10年香港小姐预测

话咁快, 今年嘅港姐决赛即将于听晚(8月1号)举行. Astro都会现场直播. 一如旧年, 我都会喺决赛前预测下赛果, 睇下自己嘅心水中唔中. 为咗提高质素, 今年无记将候选佳丽由旧年嘅12位增加到15位, 年纪极限亦扩大到27岁. 不过, 虽然系咁, 但系比起旧年, 班佳丽啲整体质素依然都系好一般, 毫无惊喜, 唔会令人有眼前一亮嘅感觉.

1号: 黄安琪


年龄: 24
身高: 5尺5寸半
体重: 98磅
三围: 32.5 22.5 33
职业: 学生

海外佳丽. 我觉得佢有几分似03年嘅冠军曹敏莉, 不过系老气版. 旧年参加《温哥华华裔小姐竞选》三甲唔入, 喺零人气、零新闻嘅情况下, 竟然可以喺TVB港姐官方网页嘅"人气排行榜"度力压李文煊(传闻内定冠军)登上第一位, 实在离奇. 外貌虽然端庄得体, 但系身材唔起眼, 土味十足, 而且纪录中1号甚少会跑出, 印象中只有94年嘅1号譚小環跑出过咁大把..

2号: 张莉莎


年龄: 25
身高: 5尺6
体重: 108磅
三围: 34 24.5 35
职业: 学生

女子组合Jelly Girls成员, 热门之一. 但系是非多多. 先被爆整容, 张莉莎眼大高鼻瓜子脸, 再加上32C激凸身材, 确实系好多人心目中嘅女神. 不过有张莉莎旧同学爆料, 指佢曾返内地变脸变身, 08年仲系大腮骨、扁鼻同平胸嘅佢, 事隔两年后面目全非.. 后来又被爆曾经喺澳门赌场做过Poker Baby, 陪客赌钱及为免费杂志做封面. 个样其实几ok, 表現都几大方得體, 如果负面新闻少啲嘅话, 应该有机会入5强.

3号: 张艺婷


年龄: 21
身高: 5尺7半
体重: 123磅
三围: 35 24 35
职业: 学生

我认为最样衰佳丽之一, 身高虽然系好不过有少少大份, 属于大山婆. 不过佢上围竟达35吋, 成为巨胸之最.

4号: 文凯玲


年龄: 27
身高: 5尺6
体重: 106磅
三围: 33.5 23 34.5
职业: 空姐

系今届候選港姐中年紀最大嘅一个. 日前被传为整容佳丽, 其后佢忙加否认, 扬言系角度问题. 后来又被爆系豪放女, 钟意夜蒲兼被人提供照片话佢如姣精上身般向高大猛男投怀送抱, 以双手熊抱猛男表现狂野. 一向身材唔突出嘅佢喺日前嘅珠宝秀上突然间"升CUP", "事业线"变得大有睇头. 外在条件系抢镜嘅必备武器, 睇嚟众佳丽"临阵磨枪"都兴头大起. 论外貌属于中庸之色, 不过照目前形势嚟睇, 情况未许乐观.

5号: 庄思明


年龄: 23
身高: 5尺8
体重: 114磅
三围: 34 24.5 35
职业: 学生

先被传为金手指, 钟意爆佳丽是非. 再被爆系同性恋, 同亲密女友同居兼贴钱俾对方开酒吧. 庄思明仲有一个癖好, 就系喜欢将与女友嘅亲密照放上facebook同朋友分享. 拥有5尺8身高, 不过条腰好似唔见咗, 有钱女. 既然系Malaysian, 点都要支持下嘅.

6号: 林碧珍


年龄: 23
身高: 5尺4寸半
体重: 105磅
三围: 33 24 34
职业: 学生

有人爆料指林碧珍本身家境欠佳, 过去几年喺美国生活一直获有钱男友Hanson支持, 有吸烟习惯, 又八卦又是非. 除咗负面新闻多之外, 其实佢一路表现都几唔错, 虽然系咁, 我都依然tip佢为陪跑一族.

7号: 何乐翩


年龄: 22
身高: 5尺6
体重: 102磅
三围: 32 23 33
职业: 见习审计员

Oh My God!! What is this?? So scary! 火柴人, 心口可以弹琵琶, 睇到都冇晒胃口. Out啊! Out啊!

8号: 彭慧中


年龄: 21
身高: 5尺3
体重: 98磅
三围: 33 22 33.5
职业: 学生

今届嘅咪神, 抢尽风头. 样子甜美, 有"嫩口钟丽淇"之称. 个子虽小, 但暴乳天成, 尤其是佢嘅D Cup巨乳, 横扫全场佳丽, 简直令人流晒口水. 我最钟意嘅佳丽之一, 输会输喺身高度, 入5强应该唔会系问题.

9号: 李雪莹


年龄: 24
身高: 5尺3
体重: 93磅
三围: 32 21 32.5
职业: 法律事务助理

样貌系几好, 输身高, 虽然比初入围好好多, 不过始终系争减啲, 陪跑居多.

10号: 马钧怡


年龄: 24
身高: 5尺9
体重: 119磅
三围: 33.5 24 35
职业: 客户经理

溫哥華海外佳麗, 另一名超级蒲精, 劈酒揽仔啜咀照曝光, 形象大受影响. 高度赢晒, 不过有少少偏瘦, 同7号何乐翩、9号李雪莹一样, 都系属于排骨组成员. 我眼中大热之一, 3甲应该有佢份.

11号: 李文煊


年龄: 22
身高: 5尺8寸半
体重: 115磅
三围: 33 24 35
职业: 项目统筹

11号李文煊一直系传媒焦点, 除因佢嘅提名人系张天爱之外, 其丰厚嘅家底亦都系话题之一. 有"翻版汤唯"之称. 因被指为内定冠军, 无记对佢又特别厚待, 所以搞到佢被其他佳丽杯葛, 惨变独孤精. 不过自从李文煊泳装造型曝光, 突显佢平平无奇嘅身材之后, 佢嘅攻击力明显减弱, 人气亦被"咪神"彭慧中从后赶上. 不过点都好, 我依然tip佢为我嘅心水, 顶头大热!! 不过佢嘅廣東話絕對係佢奪冠嘅最大阻礙.

12号: 汤宝珍


年龄: 24
身高: 5尺6
体重: 98磅
三围: 32 23 33.5
职业: 空姐

参选港姐以嚟, 负面新闻不绝, 除被中学同学狂数贪小便宜、视追求者如提款机及怀疑同性恋等, 整容疑云亦使佢一直被诟病, 系今届嘅是非精. 整容无疑为抢镜, 虽然被指责却可以换嚟关注度, 不失为上位高招. 外表查实几靓, 不过是非多之余, 搶鏡動作又多, 一開口把港女聲嚇親街坊. 醒醒定定可能仲会有機嘅.

13号: 陈庭欣


年龄: 22
身高: 5尺7
体重: 104磅
三围: 32.5 22.5 34
职业: 人事顾问

从到印度拍外景开始就出尽招数, 成功赢得赞助商之一、旅游公司太子爷黄进达嘅"友谊", 为攞奖铺路. 嗲功了得, 成功吸引咗唔少富商献殷勤, 而绯闻亦为佢大大提高咗人气, 越戰越勇, 绝对系黑马之选!

14号: 李俍嬿


年龄: 25
身高: 5尺8寸半
体重: 122磅
三围: 32.5 22.5 34
职业: 幼儿课程导师

唔好怪我口衰, 我真系觉得佢好唔掂囉, 个样怪怪咁. 虽然好多港姐"專家"都好buy佢, 但系我真系接受唔到囉~ 同3号一样, 我拣佢系大冷门之一.

15号: 张秀文


年龄: 22
身高: 5尺5寸半
体重: 109磅
三围: 32 24 34
职业: 学生

哇! 好大块面啊!! 成旧发水面包咁! 曾被爆长期喺酒吧打工养家, 更有吸毒习惯. 胜算唔高, 10强应该系极限.

我预测嘅赛果:-

冠军: 11号李文煊
亚军: 10号马钧怡
季军: 2号张莉莎
最上镜小姐：12号汤宝珍(通常最上镜小姐都会系冠军人马, 睇下今次会唔会例外)

又见香港1 + 王菲演唱会 + JW & 卫兰 - 男人信什么

2010-07-15T00:01:00.003+08:00

又见香港1

过完年之后, 为咗要clear 09年嘅leave, 就去咗香港揾"好朋友". 撇开工作嘅原因唔好讲, 如果系以私人理由嘅话, 香港系我一年入边去最多次嘅地方. 今次嘅行程为6日. CX724班机大约喺晚上9点半到达香港机场, 过咗海关攞咗行李之后, 就嗱嗱声搭機鐵赶去九龙, 再转线前往太子, 因为朋友住喺嗰度. 其实本来想一次过post晒香港嘅trip, 但系因为相太多, 所以冇办法唯有分几次嚟post.

第二日起咗身, 就嚟铜锣湾, 因为呢度开咗几间新店, 所以过嚟睇下有乜嘢买.

我哋嘅午餐. 扒王之王嘅猪扒. 扒王之王系全港好出名兼最大嘅牛扒餐廳連鎖專門店. 味道几ok架, 价钱都唔算好贵.

等紧嘢食.

我觉得香港恭和堂嘅龟苓膏同马拉恭和堂嘅龟苓膏喺味道上都冇乜大分别.

全新1881 Heritage古迹主题观光区, 位于尖嘴香港法定古迹嘅前香港水警总部. 集酒店、购物商场、餐饮于一身. 同时间, 仲睇到好多人喺呢度影婚纱相添.

我都要整番两张相先.

由尖嘴海港城望过去嘅中环维港夜景, 嗰日比较大雾.

广东道AX有折, 梗系要入去睇下有乜靓嘢执啦~

喺海港城shopping其实都几方便, 因为好多大牌子都可以喺呢度揾得到.

无论几时都系人山人海, 人逼人嘅旺角. 喺波鞋街又买咗几对鞋, hehe...

*************************************************************************************
王菲演唱会

万众期待嘅王菲演唱会日期终于都确定咗啦! 由10月29号到11月28号, 北京上海共十场. 为演唱会而拍嘅宣传海报都喺日前曝光. 今次阿菲喺演唱会海报上化身为"红斗菲鹰", 造型前卫兼潮爆. 今次演唱会最高门票售价为人民币二千五百蚊, 创下华人歌手内地演唱会门票定价最高纪录. 另外, 亦系首位歌手於内地同一场地举行五场演唱会. 听讲最贵门票於开售后首十分钟已经全部卖晒, 认真犀利! 我都好期待阿菲今次嘅演唱会, 粉丝们, 仲唔嗱嗱声扑菲!!

*************************************************************************************
JW & 卫兰 - 男人信什么

又到咗新歌介绍嘅时间喇. 今次要介绍嘅系由最近黎明力捧嘅新人JW同埋佢师姐卫兰合唱嘅呢首好正嘅情歌. 老实讲, 佢哋两个嘅声线真系几相似, 唔仔细听, 真系分唔清邊個打邊個. 不过认真比较起嚟, JW把聲係比較幼嫩少少, 高音方面比较弱啲(卫兰嘅高音比较实), 不过话晒都系新人嘛, 俾啲时间佢, 我相信佢应该可以carry到好啲. 呢首歌系今年到目前为止我最钟意嘅合唱歌, 希望大家都会喜欢喇. ;)

新年槟城游 + 五十年不变 + Lady Gaga - Monster

2010-06-28T02:45:00.001+08:00

新年槟城游

各位好耐冇见喇, 由于近排真系好忙, 所以冇时间更新, 趁呢几日得闲, 嗱嗱声update.

今年新年好好彩, 公司approved咗我6日嘅annual leave, 再加上2日off days, 一共八日. 好耐都试过新年可以休息咁耐. 年三十晚就返怡保. 过年做啲乜? 都系离唔开饮饮食食、睇戏煲碟、瞓覺(所以过年我一定肥), 仲有梗系几乎每晚都去Friend's cafe打卡返工, 去到就嚟连个menu都可以俾我背熟晒. :p

初三, KL朋友话想去Penang玩下食下嘢, 顺路经过怡保就兜埋我一齐上槟城. 到槟城大约已经5点几, 就急急脚去订酒店, 只可惜G Hotel已经fully booked咗, 咁我哋就唯有入住离开G Hotel冇几远嘅Evergreen Laurel Hotel. 虽然话都系5星酒店, 但系俾我嘅感觉就嘛嘛(唔关服务质素, 而系整体感觉), 都系比较钟意G Hotel, 可能装修比较fusion同埋靓啲呱.

After checked in搞掂晒, 我哋就去新开嘅Hard Rock Hotel参观下.

酒店都几唔错, 不过唔近市区, 有啲唔方便.

酒店泳池边.

太黑咗, 个沙滩都唔知靓唔靓.

摄于酒店entrance.

参观完Hard Rock Hotel, 跟住就嚟呢度饮嘢, 我都系第一次嚟, 对住个海, 个feel都几ok架. 可能系新年关系, 半夜一点几依然爆场.

第二日食完早餐之后, 跟住就去咗佛庙拜神, 之前都嚟过几次, 但系佛庙名已经唔记得咗.

嚟呢度装香祈福, 可能系新年期间, 好紧要多人以及游客.

大家知唔知道呢间佛庙叫咩名咗啊?

Before返怡保前, 嚟Queensbay Mall食下嘢同埋meet下几个朋友.

*************************************************************************************
五十年不变

早两个礼拜前为咗要give away伊斯坦布尔, 冇时间兼冇办法之余唯有硬食呢件猪头骨-孟买. 话事话, 谂谂下我对上一次嘅印度机都已经系7-8个月前嘅事, 咁耐冇做, 心谂佢哋嘅attitude应该会好转呱. 虽然系好咗啲, 但基本上依然系好似中国对香港嘅政策一样 - 五十年不变.

"Madam, am i handsome?"
"Yeah, u r.."
"Oh... this is y u alwaz press button because juz want to c me la.."(Yer... 好衰架你, 咁识氹人开心嘅.. :p)
"......"
"Thank u, you make my day. I will give u a 5 star service."

"I am a doctor."
得啦得啦.. 我知架啦.. 你哋唔驶每次都提醒我嘅...
你系医生、你系律师、你系工程师、你系太空人、你系世界杰青喇嘛.. 我知架喇, 你哋成班人都系世界上至叻、至无敌、数一数二、有头有面、万人敬仰、连耶稣见到都要下跪嘅人中龙凤喇嘛.. 得架喇, 我知架喇, 我识do架喇..

"Sorry sir, we have only 1 choice left."
大大声闹:"Means i dun have a choice."
"No sir, who said u dun have a choice.. U still can choose not to eat."

*************************************************************************************
Lady Gaga - Monster

最近好钟意Gaga嘅呢首歌, 音乐好听之余再加上"劲正"嘅歌词. 点解会plug Alejandro而唔plug呢首先咧? 我接受唔到囉.. :p 哈哈~

新年前晚餐 + 毒气

2010-05-20T12:10:00.002+08:00

新年前晚餐

新年前临返怡保过年时, 同班朋友去咗Desa Park City度食嘢, 属于新地区, 环境都几唔错架, 大家有时间嘅话不妨可以去hea下..

Sing and Ah Bee

Jimmy and Danny

Kaman

Kaman

Delius, Kaman, Me and Ah Sing

*************************************************************************************
毒气

早几个礼拜前做咗转turn around. 其间after the service, 有个pax press call button, 咁我就行前去问有乜嘢可以帮到佢. 点知唔行前去就由自可, 一行前去就大鑊. 佢一开口讲嘢: 哇! Wa lau! 成阵腐尸味吹埋嚟, 其中仲混杂咗唔知系乜嘢讲唔出嘅怪味, 简直系毒气攻心, 入心入肺, 把口臭到好似十年冇擦牙咁, 真系屎咁臭. 我第一个反应就系: 救命啊! I need fresh air! 我又冇得罪你, 点解你要咁样嚟折磨我? 冇几耐, 我就开始觉得想呕、头痛, 跟住就straight away running nose流鼻涕, 争在未呕白泡, 可想而知啲气有几紧要毒. 我喺度谂: 我都顶唔顺, 我都好怀疑坐喺佢隔离啲乘客唔知点样可以"生存"到嘅咧? 睇嚟下次我都要准备副氧气桶同氧气罩以测安全, 咁落去分分钟会死人架, 命仔紧要吖, 大佬~

X'mas buffet + 大马人衣着打扮好唔掂? + S.H.E. - 你不会

2010-05-03T12:27:00.001+08:00

X'mas buffet

早几个月前嘅X'mas eve, 同一班朋友去食dinner. 每年嘅X'mas eve都系例排食buffet, 今次就拣咗Prince Hotel. 第一次食, 味道-ok囉, cuisine选择-ok囉, 环境-ok囉, service-ok囉, 价钱-ok囉, 总结嚟讲-ok囉.

Danny and Kaman

Danny and Harry

Daniel and Harry

Harry

Daniel

Me and Delius

This is how i blow. :p

This is the original color of the photo.

Playing with my camera, this is another color features of the photo.

*************************************************************************************
大马人衣着打扮好唔掂?

香港朋友早前嚟吉隆坡揾我, 期间梗系要带佢四周围游览参观下, 行行企企买买食食. 有一日佢忽然间同我讲: "我觉得你哋马拉啲人著衫好有问题. T-shirt, 短裤, 拖鞋, 头又冇梳, 咁都可以出街嘅? 啲女仲劲, 著到好似村姑不得止, 啲配搭仲由头到脚撞到磅磅声. 长裙配松糕鞋、牛仔裤衬人字拖.. 哇! 简直系唔掂吖! Failed吖!" 身为大马人, 听咗之后, 梗系要极力平反喇. 什么什么天气关系喇, 潮流质讯问题喇, 通通都搬出嚟辩驳. 不过话是话, 我觉得有啲Malaysians著衫方面真系好有问题. 有啲老土、有啲好"lala"、有啲好是但、有啲好不知所谓.

我曾经见过有啲人著住件t-shirt去mamak食嘢. 著t-shirt去mamak食嘢唔系问题, 弊就弊在件t-shirt心口度竟然印住I LOVE LANGKAWI嘅字眼. Oh my god! 摆明就系一间旅游纪念衫, 最顶唔顺就系件衫发黄走晒样不得止, 喺膊頭度仲穿咗个窿添, 而且佢著到件衫前面仲飞晒钉! 哎唷, 好心囉, 著好啲喇, 唔系话要成身名牌, 最低限度都要整齐企理囉, 尊重下人哋当系尊重下自己囉.

其实一路以嚟我觉得P著衫系冇乜问题, 好多紧贴潮流之余有啲仲著到好好睇添. 问题系大部分其他人都冇乜点注重打扮, 求求其其, 是是但但就算架喇. 我觉得今时今日喺呢个社会度咁样系唔得架, 尤其是加阵啲人都系先敬羅衣後敬人, 所以1st impression系好重要. 我啲日本妹同事仲夸张, 佢哋同我讲如果返工出门时间系9点嘅话, 佢哋早2个半钟前, 即系6点半就要起身擦牙、洗脸、冲凉、梳头、化妆架喇.. 哗! 真系劲吖! 佢哋讲喺日本如果唔打扮过出街嘅话会俾人讲, 话系冇礼貌. 其实有好多Malaysians女都系冇化妆出街, 就连最基本嘅粉底同埋唇膏都冇. 一系, 佢哋对自己嘅外貌好有信心, 觉得自己天生丽质. 二系, 冇钱买化妆品. 唔系嘅话, 我都系建议化下妆好啲, 可以令到自己更加有信心之余, 人哋睇到又上心, 又唔会影响市容, 何乐而不为咧? 最重要嘅就系以后啲外国人唔会再讲马拉冇靓人囉~ ;)

*************************************************************************************
S.H.E. - 你不会

S.H.E.新专辑首支派台歌Shero我唔系好钟意, 反而我觉得呢首抒情主打仲好听添~

同事聚旧 + 新精华素 + 欧洲航班取消

2010-04-19T13:18:00.000+08:00

同事聚旧

都有一段时间冇同我嘅batchmate见面喇. 早几个月前, 咁啱大家有同一日off day, 所以就约出嚟见下面, 聚下旧, 吹下水兼hea下. 唔经唔觉由training到而家, 大家都识咗成7年几8年喇, 由想当初二十几岁嘅靓仔靓妹到加阵3张冇得找, 真系唔可以唔讲句: 时间过得真系快吖~ 希望个样仲可以keep得到喇.. :p

My batchmate - Jericho and Nicole

Me and Nicole. We were having a gathering at 1 Vietnamese restaurant in 1U.

Jericho, a very humorous guy.

*************************************************************************************
新精华素

我用紧嘅资生堂serum就嚟寿终正寝喇, 谂住换下牌子. 早几日前终于的起心肝买咗我aim咗好耐嘅SK II美白精华素, 仲好豪咁一口气买咗两只, 成千蚊一下就咁冇咗, 哎~ 认真败家~

*************************************************************************************
欧洲航班取消

唔知乜鬼嘢火山爆发, 搞到欧洲上空乌烟瘴气, 导致航班取消, 机场关闭. 公司全部飞往欧洲嘅航机都无可避免冚把冷cancelled晒, 除咗Rome同埋Istanbul. At base要飞去欧洲嘅同事就重伤囉, allowance全部冇鬼晒. 掉番转out port嘅同事就执到囉, 航班取消所以stranded冇得返, night stop allowance逐粒钟嚟计, 下个月salary爆硬吖.

Last day at HK + Bee's birthday + 阿菲新造型 + 泰航好唔大方 + 美丽密令

2010-04-14T12:45:00.002+08:00

Last Day at HK

临上机返马拉之前, 趁住仲有少少时间, 就去中环呢间沾仔记食佢好出名嘅云吞面..

超大粒鲜虾云吞, 正到爆~

*************************************************************************************
Bee's birthday

有个friend生日, 所以我哋就去咗Pandan Indah度食泰国餐嚟帮佢庆祝. 呢间泰国餐厅(餐厅名我唔记得咗, 佢位于肥婆鸡后面街)我周不时嚟. 讲真, 佢啲嘢真系好掂架, 我几buy架. 有少少美中不足就系佢啲嘢真系好鬼死辣. 基本上佢啲嘢分为小辣, 中辣同埋劲辣. 佢所谓嘅小辣我都已经顶唔顺咗, 劲辣简直就唔系人食, 所以我每次嚟都系叫--不要辣, 哈哈哈~

Bee and Ah Sing

Kaman

*************************************************************************************
阿菲新造型

为咗复出造势, 早前阿菲专登返港拍咗辑全新造型照. 呢次嘅造型由佢御用嘅形像设计师Titi Kwan同化妆师Zing一手包办. 我觉得相中嘅阿菲好型啊!! 好有天后架势. 尤其是佢嘅眼部化妆, 睇嚟又会掀起一股模仿热潮(尤其是P).

*************************************************************************************
泰航好唔大方

话说加阵曼谷兵荒马乱, 为咗安全起见, 我班friends last minute postponed咗我哋一年一度嘅曼谷泼水之旅. 其实心入边系好想去, 只不过既然班friends话postponed, 咁就唯有postpone到6月, 希望到时情况会好转囉. 既然决定postponed, 咁之前做嘅准备功夫梗系要全部cancelled. 首先就系hotel, 酒店方面都好明白事理, all the charges fully refund, no extra cost incurred. 接落嚟就到机票. 由于担心系peak season, 所以当初我并冇买ZED ticket, 而系买full fare firm ticket with Thai Airways for on the way up to BKK; on the way back i take Lufthansa.

当我call去TG ticketing office话要cancelled张机票时, 个staff同我讲如果要取消张机票嘅话要RM200 penalty fees per person. 咁我就问如果amendment咧? 佢同我讲都系一样, RM200 per person, 如果到时机票价唔一样, let's say如果我加阵买嘅机票价钱系4百蚊, 到时如果六月机票价系6百蚊, 咁我就要pay the 2 hundred differences! 如果到时机票价系2百蚊嘅话, 咁佢哋照样charge番我4百蚊嘅机票价, 唔会扣番俾我. 我心谂: 哇哇哇!! 你哋TG认真要钱囉! 加阵咁嘅形势, 取消/更改机票你哋仲要罚钱, 其他航空公司都好understanding, 例如AK可以改时间同地点without any extra charges. 自己嘅公司就可以准许改期到4月30号之前, 又系冇extra charge. Lufthansa就最大方, ticket can be cancelled and full refund, no extra charges as well. 撞鬼火! 既然cancelled同埋amend都系一样要罚2百蚊, must why我cancelled咗佢再买过, 分分钟到时其他airlines仲平过TG.

*************************************************************************************
美丽密令

上个礼拜同朋友去睇呢出戏. 未入场之前我已经估到会系一套胡闹剧, 即系冇乜营养, 睇咗得啖笑嗰种. 讲真, 全片都算做几搞笑, 有几part简直系夸张添. 最令我惊喜嘅系竟然见到Gag姐, 佢扮演嘅"岑志文"(即系TVB嘅陈志云)真系好鬼死cutie, 无论系表情、或者系造作嘅演讲台型, 都令我觉得比陈志云更加陈志云. 而且, 片中仲反复强调谢娜所饰演嘅另一电视台高层"陆伍易珊"(影射乐易玲)小姐同佢大斗法, 抢完艺人抢情人. 阿Sa做戲淨係識得傻笑, 话事话, 佢做咗就快十年戏都可以演到初出予盧嘅感覺, 咁多年嚟都冇乜进步, 认真劲! 吴君如依然好搞笑, 保持一贯水准, 算系交足功课. 陳偉霆好似个大花瓶咁, 毫无演技可言, 尤其是接近ending时佢跳舞嗰part, 搞到好似个人mv咁. 而王晶仲玩緊八十年代精裝追女仔個套爛gag橋, 仲係扮女人啦、出痕粉啦, 大佬! 唔悶嘅咩?

澳门 (Day 5) + 四月航班更动

2010-04-05T16:54:00.001+08:00

澳门

抵达香港第二日, 起身之后, 先同朋友去北京道吃点心. 搞掂之后, 就准备过大海. 由于我哋住喺尖沙咀, 过澳门当然系去中港城嘅中国客运码头喇. 今次系我第一次嚟澳门, 对于澳门嘅印象, 除咗个牌坊之外, 就系赌场喇.

澳门好出名嘅鲜奶炖蛋, 够滑, 啱晒我口味, 但我朋友话好騷喎.

食完炖蛋, 我哋就行去新马路, 新马路系澳门最繁盛嘅地区, 亦系昔日澳葡政府嘅行政中心, 故此人流极多.

玫瑰圣母堂(St. Dominic's Church)系我哋第一个参观嘅地方. 玫瑰圣母堂建于1587年, 由于堂内供奉玫瑰圣母, 所以又叫做[玫瑰堂].

其实间间教堂都大同小异, 冇乜特别.

例排嘅耶稣同圣母像.

除咗主殿外, 玫瑰堂旁边仲设有圣物宝库, 里面收藏咗大约300件嘅珍贵圣物, 有好浓烈嘅宗教艺术风格.

如果半夜三更睇到呢啲神像, 我应该会惊囉. :p

喺呢条大三巴手信街可以买到好多澳门嘅手信, 杏仁饼、凤凰卷、肉干等, 通通都可以喺呢度揾到.

穿过大三巴手信街, 就到咗澳门最有标志性嘅地标-大三巴牌坊(Ruins of St. Paul's). 其实[三巴]系教堂嘅葡文译音(Sao Paulo)转译过嚟, 同数目无关.

睇相睇戏就睇得多喇, 今次系我第一次亲眼睇到个牌坊. 大三巴前身系圣保禄教堂, 建于1580年. 后来被大火烧毁, 变成加阵咁嘅样. 前壁共分5层, 每层嘅雕刻各有唔同嘅意思. 最高3层代表天国, 中央分别有青铜白鸽、少年耶稣同圣母, 底下两层代表人间.

大三巴牌坊嘅变迁.

先喺入境处见到, 然后再喺呢度遇到佢, oh my god! The guy in灰黑間條衫can kill me!! bleh.. :p

哪咤庙位于牌坊隔离, 建于1888年, 改建于1901年, 系一间好细嘅庙.

赌场风云-见到呢栋嘢, 唔驶我多讲, 大家都应该好熟啦. 新葡京, 系赌仔都会去架啦, 可惜要赶返香港同朋友食dinner, 冇时间入去玩两手, 下次喇~

大炮台(Mount Fortress)原为大三巴嘅祭天台, 后来被葡人于1626年改建为炮台.

大炮台系中国现存最古老嘅西式炮台.

大炮台公园, 风景都几靓架~ 好凉爽~

我和大炮.

卢家大屋-呢座大屋系当时澳门嘅富商卢九嘅旧居, 卢九系澳门第一代赌王. 两层高嘅中式大宅落成于1889年. 屋内嘅砖雕、青花瓷砖布置得极具中式韵味, 但系同时间又有好多西式风格例如彩绘玻璃窗、假天花等, 如此设计, 喺广东地区十分罕见.

扉门嘅设计为中式, 但却配上西方嘅彩绘玻璃, 中西合璧.

扉门上刻住富贵荣华四个字.

旅游指南讲卢家大屋系一间极具欣赏价值嘅旧式建筑, 好可惜我真系唔系几识得欣赏囉, 我净系觉得平平无奇.

参观完卢家大屋, 就急急脚赶返香港会合朋友.

At中环, after finish劈酒with frens at蘭桂坊. 已经feel like wing wing and high high地~

*************************************************************************************
四月航班更动

踏入四月, 又系summer schedule on嘅时间喇. 前一排收到公司嘅memo, 讲during summer schedule航班会有改动. 首先Paris改为每日一班, Auckland and Perth分别增加到每星期5班同埋10班. 另外每星期会有两班新增嘅KL/Brisbane direct flight. 而之前嘅KL/Male/Colombo航班将会拆散, 变成KL/Male and KL/Colombo直航班. 我好想去Male啊~ 听人讲馬爾代夫(Maldives)嘅海真系好靓, before佢陆沉之前, 好想去睇下.

Last day at Shanghai (Day 4) + Twins - 人人弹起 + 板面细, 多啲粉

2010-03-23T12:50:00.001+08:00

Last day at Shanghai

喺内地嘅最后一日, 离开上海之前, 趁住仲有些少时间, 就赶去上海嘅地标-东方明珠塔同埋静安寺参观.

东方明珠塔高468米, 系亚洲第一, 世界第三嘅电视塔. 主体由3个直筒体加上3个斜筒体作支柱, 中间有11颗大小不同嘅[明珠]. 塔内设有高速升降机, 其中一部更加系四面透明, 乘客只需40秒就可以到达塔顶.

塔内嘅升降机.

明珠塔太空舱(350米)望到嘅浦东及浦西地区.

明珠塔内仲设有上海历史发展陈列馆. 运用蜡像、模型、道具及音效营造上海旧貌, 因此又名为[老上海蜡像馆].

静安寺系一座佛教寺庙, 相传始建于三国东吴赤乌十年(公元247年), 初名沪渎重玄寺. 宋大中祥符元年(1008年), 改名静安寺, 距今已有1700几年历史. 现主要建筑有山门、兜率殿、大雄宝殿、观音殿、方丈楼、念佛堂, 系一座比较完整嘅佛庙. 静安寺最著名嘅有"静安八景", 即系:赤乌碑、陈朝桧、虾子潭、讲经台、沪渎垒、涌泉(天下第六泉)、芦子渡、绿云洞. 至今, 寺内收藏有历代名人字画、云汉昭回之阁碑、明朝洪武大钟等.

After静安寺, 我哋就出发到机场. 由市中心到机场, 最快嘅方法梗系乘搭磁浮列车. 无人驾驶嘅列车由电磁力推动, 最高时速可达430km/h. 由龙阳路站到机场只需7分20秒, 绝对系悭时间之选.

讲真, 啲座位真系好唔正囉, 好low quality嘅布料.

时速已经到达422km/h. 快!

乘搭上海航空(Shanghai Airlines)由上海飞往香港, 航程只需要两个半钟.

First time fly with Shanghai Airlines, 啲飞机餐不过不失, Ok囉.

香港

由尖沙咀天星码头望过去嘅中环夜景, 好靓.

许留山卖嘅燕窩椰皇燉雪蛤(Stewed bird's nest with harsmar in coconut, HKD58)超正! 5星推介~ 一定要试!!

************************************************************************************
Twins - 人人弹起

"艳照门"事件单飞咗两年之后, Twins终于都复合啦~ 一连两场《Twins人人弹起2010演唱会》, 将于四月十六及十七日喺红馆举行. 今次Twins再度强势合体, fans反应非常热烈, 听讲内部认购早已爆满, 相信势必掀起扑飞潮, 所以近日宣布18号再加开一场. 而今次演唱会首先派台嘅就系呢首正到爆嘅演唱会主题曲, 强劲嘅音乐同节奏, 听咗之后劲high, 好想喺演唱会度同Twins一齐高唱: 齐人了大家请起舞全场尖叫为你自豪人人尽情Hey Hey 弹起!!

*************************************************************************************
板面细, 多啲粉

噚日我去屋企附近嘅茶餐室食晏, 落咗单之后, 我就坐低. 冇几耐, 一条好样衰嘅肥婆行入嚟, 好大声同板面婆讲: 喂! 我要打包一包板面, 细嘅, 不过要多啲粉. 我听到咗之后, 就谂: 有冇搞错啊? 死肥閪啊, 市儈得你吖, 乜嘢叫做细嘅, 多啲粉啫? 睇你嘅身形, 就知你大食啦, 好心就叫份大架啦.. 学人扮咩细食啫, 想食多啲又惊大份俾多啲.. 你真系cheap到爆啊!! 如果我系板面婆就一定串佢: 细大都系一样价钱个噃, 咁你要大定要细啊!!?

杭州之行(Day 3) + 二月&三月roster + 卢巧音-三角志 + 陈百强-等

2010-02-27T11:54:00.002+08:00

杭州之行

第三日, 我哋嘅目的地锁定为杭州. 距离上海大约200公里, 杭州系中国著名嘅风景旅游城市, 每年吸引两千几万中外游客. 杭州以佢美丽嘅西湖山水著称于世, "上有天堂、下有苏杭", 表达咗古往今来人们对于呢座美丽城市嘅由衷赞美.

由上海到杭州, 我哋乘搭中国铁路高速(CRH-China Railway High-speed)动车组-和谐号. 时速高达200km, 由上海南站往返杭州只需1小时18分钟.

上海南站

呢个铁路高速站系新起嘅, 真系好紧要宏伟, 应该使咗唔少钱.

我哋乘搭嘅和谐号班次.

和谐号列车

所谓嘅头等车舱, 我觉得冇乜特别囉.

飞来峰 - 我哋喺杭州嘅第一站系灵隐寺, but before that, 我哋先去位于灵隐寺前嘅飞来峰参观. 飞来峰高大约170米, 山体由石灰岩构成. 由于长期受地下水溶蚀, 飞来峰形成咗好多奇幻多变嘅洞壑, 例如龙泓洞、玉乳洞、射旭洞、呼猿洞等, 洞洞有来历, 极富传奇色彩. 飞来峰面朝灵隐寺嘅山坡上, 遍布五代以嚟嘅佛教石窟造像, 多达三百四十几尊, 系古代石窟艺术瑰宝, 亦都系飞来峰一大特点之一.

多闻天王, 特征系右手持宝伞, 左手拉住一头银鼠, 负责降魔伏妖.

灵隐寺 - 灵隐寺(Temple of Soul's Retreat)系中国佛教著名寺院, 又名云林寺. 座落喺飞来峰与北高峰之间, 创建于东晋咸和元年(公元326年), 至今已有一千六百几年历史嘅灵隐寺, 系一个古朴幽静、景色宜人嘅游览胜地. 相传1600几年前印度僧人慧理嚟到杭州, 睇到呢度山峰奇秀, 以为系"仙灵所隐", 就喺呢度建寺, 取名灵隐. 后来济公喺呢度出家, 由于佢游戏人间嘅故事家喻户晓, 灵隐寺因此名闻遐迩.

摄于灵隐寺入口处, 我手上嘅爆谷系我嗰日嘅早餐. 同埋我一副瞓唔醒嘅样.

灵隐寺正门为天王殿, 殿内嘅正面佛龛供奉弥勒佛, 两侧为怒目圆睁嘅四大天王.

经过天王殿后庭院, 就进入灵隐寺嘅主殿大雄宝殿. 该殿为三层重檐构造, 高达33.6米,, 雄伟庄严. 殿内正面为释迦牟尼莲花坐像, 该神像造于1956年, 高19.6米, 连座高24.8米, 用香樟木仿照唐代佛像雕刻而成, 佛像外敷金箔. 当时经过周恩来总理嘅批示, 动用咗黄金六十几两制成金箔. 目前该佛像系中国国内最大嘅木雕佛像.

位于大雄宝殿之后中轴线上嘅佛殿仲有药师殿.

位于药师殿隔离冇几远就系济公殿.

药师殿再上就系华严殿. 华严殿系灵隐寺内位置最高嘅建筑, 殿内供奉华严三圣-毘盧遮那佛、文殊菩萨同埋普贤菩萨.

另外, 喺灵隐寺出口处近旁建有规模宏大嘅罗汉殿, 内有五百罗汉像, 神态、服饰各不相同, 令人叹为观止.

藏经楼下方有一幅刻上经文嘅石碑, 吸引游客摸壁祈福.

永福寺 - 经过灵隐禅寺继续向韬光观海方向行, 如果你唔留意, 好难会发现喺呢条曲径通幽嘅小道旁有一个岔口, 左转入去系另一番天地, 嗰度就系永福寺喇. 佢座落喺灵隐寺隔离. 永福寺自东晋慧理禅师开山至今, 已有1600几年历史, 同灵隐寺同岁, 同为慧理禅师开山创建. 永福寺与我哋常见嘅寺庙唔同, 并冇遵循中轴法则, 而系依山而建, 随山势高下有致, 组成咗一个立体嘅佛教园林景区. 全寺占地约二百亩, 寺内古木参天, 溪水潺潺, 几座石桥坐于溪上, 古朴中带有灵性, 其环境之优美不可言语, 系杭州又一圣地胜景.

永福寺四个院落系高低错落而置嘅, 我哋沿着山间小路曲折而上, 路边嘅风景令人感觉惬意. 古石铺嘅小道边系潺潺流动嘅溪水, 隔着溪水系别致嘅寺院, 错落喺山林中, 隐约可见.

好型嘅棋盘.

龙井 - 龙井乃中国名茶之首, 相传杭州翁家山有一口清甜水井[龙井], 村落因此命名为龙井村, 而此地出产嘅茶叶就系龙井茶.

龙井茶叶-属于绿茶一种. 被视作去脂减肥嘅饮品. 中医则认为佢系寒凉之物, 体质虚弱或肠胃欠佳者不宜多饮. 买咗包特级龙井孝敬老豆, 价钱真系好贵!

岳王庙 - 位于西湖栖霞岭南麓. 建于南宋嘉定14年(公元1221年), 明景泰年间改称"忠烈庙", 经历咗元、明、清、民国至今, 代代相传. 现存建筑于清康熙54年(公元1715年)重建, 1918年曾大修, 1979年进行咗全面整修, 使岳庙更加庄严肃穆. 岳王庙分为墓园、忠烈祠、启忠祠三部分.

忠烈祠有门楼、正殿及配殿, 殿前庭园空旷, 古木萧森. 正殿为重檐歇山顶, 檐间"心昭日月"匾额系叶剑英元帅于1979年岳王庙重建时题书嘅.

正殿中间为岳飞塑像, 高4.54米, 身穿紫色战袍, 臂露金甲, 显示咗武将嘅英雄气概. 座像上高悬"还我河山"巨匾, 气势恢宏, 传为岳飞手迹.

岳飞墓园喺忠烈祠西侧, 正中嘅岳飞墓呈圆形, 石砌墓椁, 青草封顶, 墓碑上刻住"宋岳鄂王墓", 左边系岳云(岳飞长子)墓, 墓碑上刻住"宋继忠侯岳云墓", 两墓保持宋代嘅式样.

墓道阶下有陷害岳飞嘅四个奸臣-秦桧、王氏、万俟呙、张俊跪像, 反剪双手, 长跪于地.

墓园东侧, 启忠祠原祀岳飞父母、妻儿, 现辟为岳飞纪念馆, 陈列岳飞嘅生平事迹, 供游人瞻仰.

西湖 - 嚟到杭州, 梗系唔可以唔参观杭州嘅镇城之宝-西湖啦. 佢以秀丽嘅湖光山色同埋众多嘅名胜古迹闻名中外, 系中国著名嘅旅游胜地, 亦被誉为人间天堂.

苏堤俗称苏公堤, 为西湖十景之首. 系一条贯穿西湖南北风景区嘅林荫大堤, 全长2.8公里. 堤上有映波、锁澜、望山、压堤、东浦、跨虹六桥, 古朴美观.

苏堤嘅美丽不仅在于佢喺秀丽嘅西湖中穿越而过, 仲因为系堤上种满咗形态优美嘅香樟树及其他各种植物, 系一条全年都常绿嘅长堤, 特别系到咗春天, 堤上桃花盛开, 树发新叶, 一派生机盎然嘅景象, 令人心旷神怡.

雷峰塔 - 杭州虽然系旅游名城, 但仍有人对佢作出负面评价, 最常见嘅一项系:[雷峰塔唔系原本嘅雷峰塔]. 指雷峰塔早已经唔存在. 的确, 西湖十景之一[雷峰夕照]嘅雷峰塔已经倒塌, 新塔喺原址重建并于2002年10月落成. 雷峰塔始建于公元977年, 相传吴越王钱弘俶(吴越乃五代十国嘅十国之一)爱妃黄氏诞子, 为感谢佛祖, 建造一座收藏佛螺髻发舍利嘅砖塔, 取名"黄妃塔", 呢个就系雷峰塔嘅真身. 塔建成后几次遭到战争嘅创伤. 北宋宣和年间嘅方腊起义中遭受重创, 南宋初年再次摧残. 南宋元年由于战争嘅蹂躏, 塔已经遍体鳞伤, 于是南宋政权对塔进行咗重修, 砖砌塔身由原来嘅7层减为5层. 明嘉靖34年(公元1555年)雷峰塔再次遭到战争破坏, 倭寇烧塔, 外围木制结构同塔顶烧毁. 二十世纪初, 江南一带洪涝灾害不断, 军阀混战, 阴霾笼罩. 1924年9月25日下午1点40分, 以砖砌塔身之躯苦苦支撑咗400年遍体鳞伤嘅雷峰塔轰然倒塌...

扶手电梯+升降机-由塔底到塔顶完全唔使行楼梯, 行动不便者亦可以轻松游览.

新雷峰塔就建喺旧雷峰塔嘅原址之上, 塔基部分成为遗址嘅展示厅, 并有好多文献资料供人参观. 对于塔基下是否有地宫, 多年嚟一直存在着争论, 后来终于借助"雷达探测"等得以确认. 2001年3月11日雷峰塔地宫被打开, 地宫口被一块重750公斤嘅石头所覆盖, 地宫正中系一只铁制舍利函, 铁函边上有一尊小铜佛像、4面铜镜同埋大量嘅铜钱. 铁制舍利函打开后, 内有鎏金银质嘅金涂塔一座、方形铜镜一块、铜镜上嘅鎏金银盒一个、带抠完好嘅皮带一副以及小蓝玻璃瓶一个. 其中, 鎏金银质嘅金涂塔里供奉住佛螺髻发.

由雷峰塔顶望到嘅西湖山水美景以及繁华嘅杭州市全景.

夜晚灯火通明嘅雷峰塔. 雷峰塔系西湖十景之一, 因传说《白蛇传》而扬名. 话说西湖有白蛇同青蛇喺度修炼, 佢哋化成靓女白素贞同青青, 后来佢哋遇上许仙, 许仙睇中白素贞并同佢结婚, 可惜法海和尚睇穿白素贞同青青系蛇妖, 一场激战之后, 法海以雷峰塔嚟镇压住白蛇.

旅游杭州其实都几方便, 因为佢大多数嘅名胜古迹都集中喺西湖附近一带, 所以当游览时可以悭番唔少时间.

*************************************************************************************
二月&三月roster

02/02: Sydney
03/02: Sydney
04/02: KL
05/02: OFF
06/02: OFF
07/02: Osaka
08/02: Osaka
09/02: Osaka/Kota Kinabalu/KL
10/02: OFF
11/02: KL/Dhaka
12/02: Dhaka/KL
13/02-18/02: Annual Leave (For CNY)
19/02: OFF
20/02: OFF
21/02: KL/Manila/KL
22/02: Adelaide
23/02: Adelaide
24/02: Adelaide
25/02: KL
26/02: OFF
27/02: OFF
28/02: Sydney/Brisbane
01/03: Brisbane
02/03: KL
03/03: OFF
04/03: Osaka
05/03: Osaka
06/03: KL
07/03: OFF
08/03: Safety Recurrent, Kelana Jaya (It's exam time again)
09/03: Safety Recurrent, Kelana Jaya
10/03: Safety Awareness Programme, Kelana Jaya
11/03: OFF
12/03-17/03: Annual Leave (Going to Hong Kong to meet my darling :p)
18/03: Auckland
19/03: Auckland
20/03: Auckland
21/03: KL
22/03: OFF
23/03: OFF
24/03: OFF
25/03: Standby (6am-2pm)
26/03: Standby (6am-2pm)
27/03: Standby (6am-2pm)
28/03: KL/Jakarta/KL
29/03: OFF
30/03: Dubai
31/03: Dubai
01/04: Dubai
02/04: Dubai/Beirut/Dubai
03/04: Dubai
04/04: KL

*************************************************************************************
卢巧音 - 三角志

前几日无意中听番呢首歌, 觉得好有feel, 用嚟形容呢个"圈子"啲人, 简直冇得弹.. 尤其是Wyman嘅歌词, 真系句句入肉~ 唔信?? 大家不妨留意下...

*************************************************************************************
陈百强 - 等

一首我好钟意好钟意嘅歌, 唔知加阵仲有几多人记得起呢首歌咧?

朱家角, 同里, 苏州太湖公园&夜景(Day 2) + 第32屆十大中文金曲颁奖典礼预测 + X'mas present + 雨过天阴-谢安琪 + 不要惊动爱情-郑秀文

2010-01-25T15:19:00.001+08:00

朱家角

第二日, 我哋一早就出发去位于上海郊区嘅朱家角. 朱家角系上海保存得最好嘅江南水乡古镇. 根据淀山湖考古发现, 早在新石器时代已经有人类活动. 1700几年前嘅三国时期就形成村落集市, 明代万历年间发展为繁华集镇. 朱家角喺清代已经系交通发达商镇, 如今更被上海市政府定为文化名镇之一. 呢度一年四季都可以游览, 气温同上海差唔多. 由上海出发大约需要1个钟车程.

悠闲安逸、古朴恬淡嘅田园韵味.

弯弯曲曲嘅石板小径, 迂回于狭窄的街巷店铺之间.

相中嘅船叫做"罗窝船", 因刘镛(民间传说清官刘罗窝)而命名. 船手清一色男班.

从高处望落去嘅风景.

我哋嘅早餐-点心. 味道算ok囉, 不过价钱都唔平.

弊家伙~ 张相背光添~

点解呢度啲椰青咁cutie嘅?

呢度啲大闸蟹卖得好平, 亦比较新鲜.

好恐怖嘅猪手, 睇到都怕怕.

小桥流水、深巷幽弄嘅寂静民居.

放生桥-大约建喺明隆庆5年(1571), 全长72m、最高点7.4m、宽5m. 系上海地区最长、最大、最高嘅五孔石拱桥. 桥顶有迎客石狮4尊及雕花石板, 设计栩栩如生, 更加系远眺朱家角水乡风貌嘅理想地之一. 呢度有好多小贩兜售放生鱼, 价钱亦唔会贵.

桥顶迎客石狮

我在桥上看风景(杨千桦嘅歌)

放生亭-旧放生亭已毁, 而家嘅放生亭为1993年建造, 亭旁有旧"重建放生桥记"石碑. 碑文提及清嘉庆17年(1812)曾重建放生桥, 当时放生桥年久失修, 仲有民风问题, 所以要求重建, 竖碑纪念.

放生桥石碑

北大街-北大街系镇内最大嘅商店街, 因水陆两便, 明清时期已经系商贾云集嘅"明清第一街", 茶楼杂货等百业俱全, 有"长街三里, 店铺千家"称誉. 呢度嘅手信店同埋小食店最多, 仲有好多土特产、工艺品、书画、米雕、签名设计等商店. 如果时间唔多, 净系行呢条街就可以架喇.

江南第一茶楼-朱家角历史悠久嘅名茶楼之一, 馆内放置八仙桌同长凳, 设计具清代茶馆风范. 因茶楼面临漕港河, 所以可以远望放生桥嘅景色.

涵大隆酱园-拥有注册商标嘅百年老店. 其土产手信有双套晒油、腐乳、酱菜等.

朱家角城隍庙

圆津禅院-座落于漕港河边, 建于元末至正年间(大约14世纪中). 院内并冇好多佛像, 主要供奉嘅金佛像都雕刻精细, 庄严穆萧. 禅院曾经系镇内文物保管所, 可惜大多数唔系被偷, 就系被战火摧毁, 净番落嚟嘅就被政府移往别处展览.

清华阁于清顺治15年(1658年)重修寺院时建成, 系远眺近望、拍摄朱家角全镇嘅理想地点.

喺清华阁最高层影低嘅朱家角全镇风景.

课植园-行过放生桥, 经过宁静嘅西井街民居, 就会搵到课植园. 原名"马家花园", 由园主马文卿用咗30万两建成, 于1911年开始建造, 历时15年. 马氏对园林设计有一番心得, 课植园嘅厅堂区、假山区、园林区, 集合江南园林景于一身, 规模宏大, 各有特色. 从呢3区中可以细致欣赏到民初朱家角大户人家嘅深幽私宅.

同里

After朱家角, 我哋嘅next destination就系位于江苏省嘅同里. 同里镇位于太湖边, 四周为五湖(同里、九里、叶泽、南星、庞山)环抱. 建于宋代, 至今已有1000几年嘅历史, 系名副其实嘅水乡古镇. 佢系江苏省最早(1982年), 亦都系唯一将全镇作为文物保护单位嘅古镇. 成个镇被川字形嘅15条小河分隔成七个小岛, 而49座古桥又将小岛串为一个整体.

归纳各景点特色, 同里主要有三多: 桥多, 明、清建筑多同埋名人雅士多.
1: 名人多-自宋代至清末年间, 先后出状元1名, 进士42名, 文武举人93人.
2: 明清建筑多-镇志记载, 自1271-1911年, 镇上先后建成宅院38处, 寺、观、宇47座.
3: 水、桥多-镇上有各朝代嘅古桥四十几座, 有南宋诗人叶茵建造嘅思本桥, 元代嘅高观桥等.

古镇前嘅牌坊.

古时候酿酒嘅地方.

同里建筑依水而立, 以"小桥流水人家"著称.

水乡观光船, 系传统手摇木船.

同里系目前江苏省保存得最为完整嘅水乡古镇.

亦已被列为太湖十三大景区之一.

清丽古朴嘅同里小镇, 水田肥沃, 物丰富庶, 人杰地灵, 素有"东方小威尼斯"之誉.

退思园-建于清光绪11至13年(1885-1887年), 2001年被列入世界文化遗产目录. 整个建筑群由东到西有3重横向布局: 西宅、中庭、东园. 特点系建筑物贴水而建, 每行一步都可以睇到唔同景致嘅变化.

因江南气候潮湿闷热, 所以呢度啲地面都以石板铺成.

呢度就系退思园嘅园林. 背后建筑为退思草堂, 系乘凉、品茶、赏月、弹琴嘅地方.

内宅叫做"畹芗楼", 系两栋用作起居室嘅楼房. 彼此以走廊相连, 属于"走马楼"格局.

园林外有围墙, 呢度有一条"九曲回廊", 墙上通花窗有用先秦石鼓文写嘅9个大字:"清风明月不须一钱买". 大家估下呢个系咩字?

珍珠塔景园-呢个地方背后有个故事, 系关于一个大家闺秀同穷书生嘅爱情故事(好老土).

好靓嘅一幅画.

呢只咁嘅嘢就系所谓嘅珍珠塔喇.. Cheh! 我仲谂住会系好大嘅一座塔添.

耕乐堂-系同里唯一对外开放嘅明代建筑. 原有5进52间建筑, 今日仅存3进41间. 园林有好多贴水而建嘅厅、阁、轩、楼, 以及树龄超过4百年嘅白皮松.

苏州太湖公园

苏州太湖公园位于苏州太湖国家旅游度假区, 面临太湖背靠香山. 公园由风车堞影、栈桥探幽、悠然双亭、八仙过海、鸥鹭栖归、芦荡迷宫、渔舟唱晚、落日听涛等八大景观串连而成, 系一个休闲旅游嘅好去处.

苏州市夜景

After太湖公园, 我哋就打的去苏州市, 因为要喺苏州市搭火车返上海. 由于仲有时间, 所以晚餐就干脆喺苏州搞掂, 顺便参观下苏州嘅夜景.

*************************************************************************************
第32屆十大中文金曲颁奖典礼预测

2009年度十大劲歌金曲颁奖典礼终于顺利举行咗, 由于四大唱片公司与TVB因为歌曲版税问题决裂, 旗下歌手集体缺席颁奖礼, 一预我所料, 四大唱片公司歌手全部捧蛋. 英皇喺TVB鼎力相助之下, 不费吹灰之力狂扫19个奖成为霸主. 睇咗颁奖礼之后, 我觉得今年嘅十大劲歌金曲颁奖典礼应该改名为"2009年英皇娱乐有限公司颁奖典礼". 东亚、金牌大风等其它唱片公司皆沦为陪衬. 容祖儿更加破晒记录, 获TVB赏赐7个奖项, 秒杀群雄. 祖儿有两首金曲打入十大, 轻易蝉联"亚太区最受欢迎香港女歌星", 再凭《搜神记》夺得"金曲金奖". 而千桦就霖莊"最受歡迎女歌星". 旧年过档英皇嘅古巨基亦都顺利梅开二度蝉联"最受欢迎男歌星".

成个颁奖典礼我觉得最搞笑嘅就系TVB亲生仔林峰, 佢竟然攞咗"亚太区最受欢迎香港男歌星". 回顾喺94年开始设立嘅"亚太区最受欢迎香港男歌星"奖, 刘德华保持绝对嘅记录, 一共攞咗9次. 其次, 张学友有3次、陈奕迅有2次、城城有1次, 再冇其他人攞过. 得奖嘅都系喺整个华语乐坛极有影响力嘅歌手. 林峰07年先至出道, 出过三张粤语专辑, 冇国语碟, 资历浅, 冇过硬嘅作品垫背, 而且喺大中华地区佢嘅音乐影响力根本就唔大, 何得何能成为"亚太区最受欢迎香港男歌星"? 简直就系笑话! 一句讲晒, 我觉得今次系史上最星光黯淡、最缺乏公信力、最有闹剧色彩嘅一届劲歌总选!

Ok, 讲完劲歌总选, 接落嚟将会举行嘅就系最尾一个颁奖典礼-第32屆十大中文金曲, 我预测嘅赛果如下:

十大金曲獎

1)陈奕迅 - 七百年后
2)容祖兒 - 搜神記
3)蔡卓妍 - 二缺一
4)古巨基 - 地球很危險
5)楊千嬅 - 原來過得很快樂
6)谢安琪 - 年度之歌
7)張敬軒 - 相對論
8)Mr. - 如果我是陳奕迅
9)陳柏宇 - 你瞞我瞞
10)鍾舒漫 - 給自己的信(近期喺香港大hit嘅一首歌)

(预测基本上同十大劲歌一样, 只不过何韻詩嘅金剛經同林峯嘅如果時間來到replaced by陳柏宇嘅你瞞我瞞and鍾舒漫嘅給自己的信)

優秀流行歌手大獎
容祖儿、古巨基、蔡卓妍、林峰、陈奕迅、谢安琪、张敬轩、Mr.、杨千嬅、卫兰、G.E.M.、王菀之同埋方大同

(各大唱片公司尽最后努力帮歌手争奖, 名额由十位卖大包增至13位, 至于原本有奖嘅陈柏宇则成为牺牲品被踢出局, 从有奖变冇奖)

優秀流行國語歌曲
方大同 - Red Bean (or容祖兒嘅 - 這就是愛嗎?)

全年最佳進步獎
蔡卓妍 (单飞后嘅阿Sa似乎越战越勇)

最有前途新人獎
金獎: 徐子珊 (以新人嚟讲, 佢嘅表现都算唔错)
銀獎: 王梓軒 (乐坛新才子)
銅獎: 余翠芝 Chita

全國最佳男歌手
陳奕迅

全國最佳女歌手
容祖儿

全國最佳中文歌曲獎
陳奕迅 - 七百年後

全國最佳組合
蘇打綠 (2nd choice: 五月天, 3rd choice:SHE)

全年最高銷量歌手獎
男歌手: 陳奕迅
女歌手: 容袓兒
組合: Mr.

CASH最佳唱作歌手獎
王菀之 (唔系Ivana, 就会系側田或者GEM鄧紫琪)

最優秀流行男歌手
古巨基 (全國最佳男歌手俾咗陳奕迅, 呢个奖留俾基仔)

最優秀流行女歌手
谢安琪 (同全國最佳男歌手奖一样, 全國最佳女歌手俾咗祖儿, 呢个奖reserve俾阿kay. 2nd choice: 千桦)

全球華人至尊金曲獎
陈奕迅 - 七百年后 (2nd choice:容祖兒 - 搜神記)

金針獎
陳百強 (已经公布咗)

四台聯頒傳媒大獎
容祖兒 (如无意外, 呢个奖祖儿应该十拿九稳)

我预测何韻詩同李克勤有可能会食蛋.

*************************************************************************************
X'mas present

Friend bought this I-Phone 3GS as my X'mas present. Still figuring out how to use it. Can anybody teach me?

*************************************************************************************
雨过天阴 - 谢安琪

越嚟越钟意谢安琪. 收录喺佢嘅最新专辑Slowness入面. 系一首好抒情嘅k歌. 我听到My FM已经开始plug紧呢首歌. 我本人就非常之喜欢, 唔知大家又觉得点咧?

*************************************************************************************
不要惊动爱情 - 郑秀文

After 信者得爱, Sammi嘅第三首派台歌就系呢首. 原唱者系高皓正. Sammi翻唱. 但系我个人比较喜欢Sammi呢个版本. 佢将呢首歌发挥得好好, 唱得好有feel, 好有感情, 令我好感动, 好touching. 好正!

上海之行(Day 1) + 09十大劲歌金曲颁奖典礼预测 + Telephone - Lady Gaga featuring Beyonce + 一月飞行班表

2010-01-11T15:21:00.000+08:00

上海之行(Day 1)

为咗clear leave同埋relax下自己, 十月尾applied咗annual leave. 同朋友展开为期6日嘅上海、苏杭、港澳自由行. 由于年假start之前一日being standby called up to operate Bangkok flight. Suppose touch down KLIA at 8.30pm, so我仲有时间返屋企冲凉攞行李. 点知班机到咗BKK后竟然坏鬼咗, 仲delayed咗2个钟添, 返到KL已经贴11点咗, 我又要搭半夜1.40am班机, 认真迫戚! 冇时间喇, 唯有叫我朋友去我屋企帮我攞行李到机场, 而我自己就留喺机场等朋友嚟会合. 好彩我哋紧紧嚟得切搭上1.40am飞去上海嘅航机.

老实讲, 呢一排公司啲机票价真系掟到好紧要平. 就以上海嚟讲, 单程价只需九百几蚊, compare SQ要千三蚊, 悭成四旧水. 而我staff price机票就更加平, 只需RM258. :p

航程只需要5个钟. 到咗上海, 大约早上7点, 就打的去hotel check in. 我有一种习惯, 就系喺飞机上冇乜可以瞓得着, 所以成个人好攰. 到咗酒店入房执嘢冲凉跟住就瞓下觉先, 一直到两点几先至起身, 梳洗完毕就嗱嗱声出去游览. 上海, 我已经嚟过'N'次, 我飞国际航线第二个PORT就系上海. 虽然系咁, 有啲地方我仍然系未去过, 所以我哋第一个目的地就系豫园.

上海浦东国际机场Terminal 2

豫园surrounding

豫园周围嘅建筑物

啲建筑物好古色古香

上海老饭店-原名"荣顺馆". 原为家庭式小店, 最初只服务城隍庙一带嘅劳动阶层, 供应平价家常菜. 后来渐有名气, 就聘请国家级厨师嚟担任总厨, 更经常接待各国元首及中外宾客.

冇乜点瞓到, 个样好残.

豫园出边嘅老街

位于豫园外围嘅老街其实系一条好多嘢买、好多嘢睇嘅街.

虽然系咁, 我依然觉得呢条街好似一般专斩游客嘅老衬街.

豫园

从历史计起, 豫园系明代四川布政使潘允瑞, 由明嘉靖38年(1559年)起, 花咗十几年时间兴建而成. 至今已有四百几年嘅历史. 从考古学嚟睇, 豫园格局并唔系全部都系明代内容, 而系明清期间多次重建嘅版本. 豫园嘅首次变化系喺清乾隆时, 当时潘氏中落, 园林被瓜分, 各堂功能发生变化, 后经鸦片战争、英军、清军镇压小刀会等破坏, 纵使重建园林格局, 但当中已渗入咗唔少清代嘅设计. 豫园系著名嘅江南古典园林, 全国重点文物保护单位, 闻名中外嘅名胜古迹同游览胜地. (参观时间 0830-1700)

豫园简介

三穗堂-清乾隆时, 喺[乐寿唐]原址重建, 曾作为县城官差办公场所.

园林景色, 有假山, 有池塘.

个地面啲石头铺得好靓.

点读啊? 系咪峰回路转??

我身后嗰幅雕像画好靓.

我觉得呢间嘢嘅屋顶好有型.

里面嘅设计就系咁样.

和熙堂内用榕树根做嘅座椅, 我觉得好冇美感囉.

大多数喺豫园里面嘅建筑物嘅屋顶都有好多好靓嘅雕刻, 如果大家有去嘅话, 不妨留意下.

南翔馒头店-由南翔人吴翔升于清光绪26年(1900年)开设, 排队人龙超级长. 但系我觉得味道其实认真麻麻, 唔知点解咁多人排队买嚟食.

湖心亭茶楼-湖心亭本系明代豫园一部分, 后来清乾隆时被瓜分, 变成议事场所, 不属豫园范围. 咸丰、同治后又演变成茶楼. 两层茶楼中, 当然以招待多国元首嘅二楼名气最大, 景观最佳, 当然收费亦都比较高. 建议如果要帮衬, 最好拣二楼窗口位, 如果只净番中间位, 不如唔好帮衬仲好.

上海城隍庙

参观完豫园, 我哋就行去城隍庙. 座落喺豫园隔离, 又叫做老城隍庙, 系上海道教正一派主要道观之一. 明朝永乐年间(1403- 1424年), 由知县张守约将金山神庙改建而成. 距今已有近六百年嘅历史. 内有霍光殿、甲子殿、财神殿、慈航殿、城隍殿、娘娘殿、父母殿、关圣殿、文昌殿九个殿堂. 正门为四柱三门, 飞檐牌楼上塑有八仙, 门旁有石狮一对. 大殿翠瓦朱檐, 峥嵘璀璨, 香火极盛.

城隍庙大门口

城隍庙宝殿

城隍庙简介

文昌殿

关圣殿

龙华寺

趁未天黑前, 我哋嗱嗱临赶去龙华寺. 龙华寺系上海市历史最悠久、规模最大、建筑最雄伟嘅佛教寺院, 同静安寺齐名. 相传三国时, 东吴孙权于赤乌五年(公元242年)为孝敬其母而建造, 并按佛经中弥勒菩萨于龙华树下成佛嘅记载而名. 而家嘅龙华寺建于清光绪年间, 但基本上仍保持住宋代佛教禅宗嘅伽蓝七堂制原貌, 系一组较完整嘅寺庙建筑群. 寺内珍藏有唐、五代、明、清年间嘅经书、金印、佛像等.

龙华寺门口

龙华塔位于龙华寺前, 相传初建于赤乌十年(公元247). 为楼阁式七层八面砖木宝塔, 高40.4米, 塔体橙黄, 刹杆高耸, 其砖身同基础部分, 系宋太平兴国二年(公元977年)建造时嘅原物. 宝塔各层都系飞檐曲栏, 姿态雄伟美观, 为上海地区至今保存最完美嘅古塔之一.

寻找失落的大门-龙华寺广场除咗龙华塔之外, 仲有两条令人莫名其妙嘅短柱(喺我身后)同埋石狮. 原来呢两条废柱, 系以前嘅山门(寺庙最外嘅入口)门柱. 而两只石狮就被雕刻成怀抱戏球幼狮, 据说呢种独特石狮喺江南只净番两对半.

夜游外滩

夜晚嘅节目, 唔使讲, 梗系乘搭渡轮, 游览上海闻名于世嘅外滩, 一齐感受繁华嘅夜上海.

日落前嘅上海市.

呢边系怀旧嘅浦西地区, 昔日嘅上海滩.

而呢一边就系先进嘅浦东, 上海嘅金融中心地带, 中间隔咗条黄浦江.

虽然上海嘅夜景系好靓, 但系同香港比, 我觉得始终都系差个马位.

南京路步行街

游完外滩, 我哋就行去位于附近嘅南京路步行街shopping. 南京路步行街系上海最繁华嘅商业街, 系上海嘅城市标志之一. 至今已有百几年嘅历史. 南京路步行街, 西起西藏中路, 东至河南中路, 步行街嘅东西两端都有一块暗红色嘅大理石屏, 上面系江泽民主席亲笔题写嘅"南京路步行街"6个大字.

*************************************************************************************
09十大劲歌金曲颁奖典礼预测

话咁快, 香港每年一度嘅音乐颁奖典礼就已经有两个举行咗-劲派猪肉嘅新城劲爆颁奖典礼同埋大爆阴谋论嘅叱咤乐坛颁奖典礼. 接落嚟将会举行嘅就系喺16号晚8.30pm嘅十大劲歌金曲颁奖典礼同埋喺30号晚8.30pm嘅第32届十大中文金曲. 两个颁奖典礼Astro华丽台都会现场直播. 趁十大劲歌金曲颁奖典礼仲未举行之前, 我嚟预测一下今年嘅劲歌成绩单, 睇下会keep中几多个. 如果HKRIA同TVB搞掂咗件事, 我预测嘅得奖名单会系:

十大勁歌金曲

1. 陈奕迅 - 七百年后 (点都唔会少咗Eason嘅份)
2. 容祖兒 - 搜神記 (有Eason, 当然唔会少得Joey啦)
3. 蔡卓妍 - 二缺一 (旧年Twins惨食白果, 今年单飞嘅阿Sa应该都会有一首金曲)
4. 古巨基 - 地球很危險 (今年基仔冇乜大hit歌, 呢首都算做唔错架喇)
5. 楊千嬅 - 原來過得很快樂 (新婚嘅千桦讲: 其实佢都过得很快乐)
6. 何韻詩 - 金剛經 (呢首歌系阿詩今年最高播放率嘅歌)
7. 谢安琪 - 年度之歌 (继旧年热爆全城嘅喜帖街之后, 今年呢首年度之歌应该会帮阿Kay攞到唔少奖)
8. 張敬軒 - 相對論 (今年軒仔嘅走势都好强劲, 同Eason有得fight)
9. 林峯 - 如果時間來到 (点都唔可以少咗亲生仔嘅一份)
10. MR. - 如果我是陈奕迅 (今年大hit歌之一, 系人都识哼番几句, 如果唔入围就真系认真太过喇)

最受歡迎国語歌曲獎
金獎: 容祖兒 - 這就是愛嗎？
銀獎: Red Bean - 方大同
銅獎: 林峯泳兒 - 明天以後

最受欢迎改编歌曲奖
金奖: 钟舒漫 - 给自己的信 (好意外呢首歌会咁hit)
银奖: 蔡卓妍 - I'm Sorry (我都系比较钟意原唱者Eva Avila嘅版本)
铜奖: 陈伟霆 - 今天终于知道错 (第一次唔以快歌嚟攞奖)

最受歡迎合唱歌曲獎
金獎: 泳兒海鳴威 - 我的回憶不是我的 (应该都冇乜对手呱)
銀獎: 張智霖胡杏兒 - 一刀兩斷 (今年Chi Lam嘅表现都唔错, TVB应该会俾番个猪肉奖佢)
銅獎: 方力申鄧麗欣 - 七年 (Stephie今年表现差, 呢个奖都系搭小方嘅顺风车)

最受歡迎廣告歌曲大獎
金獎: 容祖兒 - 可歌可泣 (基本上廣告歌都系祖儿嘅天下)
銀獎: 古巨基 - 周星呢
銅獎: 陳柏宇 - I Will Be Loving You (今年Jason啲歌都有好高嘅流行度, 睇好佢会有唔错嘅成绩)

最受歡迎唱作歌星獎
金獎: 王菀芝 (Ivana好似例牌攞呢个奖)
銀獎: 側田 (走势都唔弱, 银奖应该有佢份)
銅獎: 鄧紫琪 (以新人嚟讲, 佢都算做几有才华架喇, 人仔细细但系把声够响)

2009年度傑出表現獎
金獎: 陳柏宇 (今年成绩不俗, 被视为各大乐坛颁奖礼嘅黑马)
銀奖: 鍾舒漫 (表现ok, 等待再发力)
銅奖: 蔡卓妍 (二缺一嘅阿Sa, 虽然冇咗阿娇并肩作战, 但系应该都会有一番作为)

新人薦場飆星獎
Rubber Band (今年几热嘅一个band, 一首阿波羅拥有好高嘅播放率)

最受歡迎男新人獎
金獎: 王梓軒 (今年嘅新人王)
銀獎: 李治廷
銅獎: 周子揚 (唱作新人, 有才华)

最受歡迎女新人獎
金獎: 徐子珊 (呢个奖TVB应该都会俾番自己人)
銀獎: 余翠芝 Chita
銅獎: 麥嘉瑜

最受歡迎組合獎
金獎: MR. (凭住大hit嘅"如果我是陈奕迅", MR.要攞呢个奖应该唔难, 最大对手会系农夫)
銀獎: 農夫 (都系大热人选, 同MR.叮当马头)
銅獎: Hotcha (今年表现麻麻)

最受歡迎男歌星
古巨基 (环球恶斗英皇, 应该会系陈奕迅与古巨基之争. 英皇喺商台做咗大输家, 势必要喺《劲歌》收复失地, 相信被指与英皇友好嘅无线都会全力配合. 基仔虽然今年人气麻麻及负面新闻多, 又同Paco同埋郑中基闹翻, 但系有英皇撑腰, 我谂应该会有戏.)

最受歡迎女歌星
謝安琪 (竞争最激烈嘅奖. 虽然东亚唱片正为千嬅力争连庄, 但系千桦今年人气确实一般, 再加上阿诗又得唔到传媒欢心, 所以照形势嚟睇, 应该会系祖儿同阿Kay之争. 祖儿今年一心要打破梅艳芳嘅5次最受欢迎女歌星纪录, 但系中途却杀出环球嘅谢安琪拦路. 虽然祖儿呼声最高, 但系我tip阿Kay. 同Eason嘅绯闻搞到满城风雨, 又被人讲话唱歌成日走音, 搞到阿Kay形象插水. 不过虽然系咁, 佢嘅人气依然坚挺, 佢啲歌依然好hit, 再加上又不断向无线献殷勤, 拍旅游特辑等, 开斋之心路人皆见, 同时又系志雲愛將, 我谂应该有机会首夺此奖)

亞太區最受歡迎香港男歌星
陳奕迅 (最受歡迎男歌星俾咗基仔, 而且基仔旧年又冇出过国语碟, 所以呢个奖非Eason莫属, 佢都当之无愧啦)

亞太區最受歡迎香港女歌星
容祖兒 (如果祖兒失意于最受歡迎女歌星, 咁佢攞呢个奖嘅成数就最大, 阿Sa同千桦应该会系陪跑居多)

金曲金獎
陈奕迅 - 七百年后 (如果Eason攞唔到, 咁应该会系祖儿嘅搜神記)

四台聯頒歌曲大獎
古巨基 - 地球很危險 (名单外泄话基仔会攞四台聯頒歌曲大獎, 唔知系真唔系真)

万一四大唱片公司(环球、华纳、EMI同Sony)同TVB倾唔掂数, 咁陈奕迅、謝安琪、李克勤、张敬轩、MR.、陈柏宇、薛凯琪同方大同将会全部食蛋. 而其他唱片公司例如英皇、东亚、金牌大风嘅歌手将会渔人得利, 大唱丰收.

*************************************************************************************
Telephone - Lady Gaga featuring Beyonce

继hit爆全城嘅Bad Romance之后, Lady Gaga最新专辑"The Fame Monster"推出第二首派台歌-Telephone, 搵Beyonce嚟伴唱. 两位人气女歌手联手出击, 梗系冇得顶啦. 第一次喺Hitz.fm听到呢首歌后, 成个人觉得好high, 好有冲动要即刻落D跳舞. 呢首舞曲节奏强劲, 真系好适合攞嚟做club song, 而且歌词又盏. Official MV仲未出, 所以我搵嚟呢只都相当唔错嘅fan's made MV嚟俾大家睇. 之前有一首歌系Beyonce featuring Lady Gaga嘅Video Phone, 嗰首我俾0分; 呢首Lady Gaga featuring Beyonce嘅Telephone, 我俾10分~

*************************************************************************************
一月飞行班表

可能系New Year嘅关系, 今个月嘅roster出得特别早, 17号就已经out咗. 今个月roster如下:
Jakarta + Manila + Melbourne + Frankfurt + Amsterdam + Tokyo + Delhi + Standby
不过, Frankfurt同Amsterdam呢两班长途机已经俾我以9秒9嘅速度调走咗啦! Kakaka...

01/01: OFF
02/01: KL/Jakarta/KL
03/01: KL/Manila/KL
04/01: Melbourne
05/01: Melbourne
06/01: KL
07/01: OFF
08/01: OFF
09/01: Adelaide
10/01: Adelaide
11/01: Adelaide
12/01: KL
13/01: OFF
14/01: OFF
15/01: OFF
16/01: Adelaide
17/01: Adelaide
18/01: Adelaide
19/01: KL
20/01: OFF
21/01: KL/Madras
22/01: Madras/KL
23/01: KL/Jakarta/KL
24/01: Standby Airport 5pm-8pm
25/01: OFF
26/01: OFF
27/01: Tokyo
28/01: Tokyo/Kota Kinabalu/KL
29/01: OFF
30/01: New Delhi
31/01: New Delhi
01/02: KL

有朋自香港来 + 12月飞行班表 + 吸血新世纪 - 羽翘 + 信者得爱 - 郑秀文

2009-12-15T14:20:00.002+08:00

有朋自香港来

难得香港朋友一场嚟到马拉玩, 咁身为地主嘅我, 梗系要帮人哋洗尘兼做柴可夫载人哋周围去玩啦, 顺便去old town coffee食下嘢. Haha..

Me and Ferris

我哋似唔似姐弟恋啊?

我最钟意呢张, 最有feel~

Me and Natalia. Natalia话old town嘅white coffee系佢嚟咗马拉咁多日, 饮过最好饮嘅嘢.

*************************************************************************************

12月飞行班表

经过两个星期不停嘅调班、调班、再调班, 12月嘅飞行班表终于都finalised啦. 所有嘅long trip同长途机已经俾我调走晒. 换番嚟嘅, 全部都系我嘅至爱: short-medium flight.

踏入十二月, 航班都系满满嘅. 老实讲, 自从做咗呢份工后, 都好害怕大时大节. 圣诞新年、春节, 拖住行李返工, 心情都系沉重嘅. 好彩, 公司今年待我不薄, 虽然annual leave rejected咗兼班表密密麻麻, 但系Christmas eve总算off, Christmas嗰日嘅东京都系晚机, 都算系咁啦. 希望New Year都off啦, 咁就可以count down喇~

01/12: OFF
02/12: Jeddah
03/12: Jeddah
04/12: KL
05/12: OFF
06/12: KL/Jakarta/KL
07/12: Sydney
08/12: Sydney
09/12: KL
10/12: OFF
11/12: Perth
12/12: KL
13/12: OFF
14/12: KL/Madras
15/12: Madras/KL
16/12: OFF
17/12: OFF
18/12: Melbourne
19/12: Melbourne
20/12: KL
21/12: OFF
22/12: KL/Guangzhou/KL
23/12: OFF
24/12: OFF (Got friend ask me to go to X'mas private party, still thinking want to go or not. :p)
25/12: Tokyo
26/12: Tokyo
27/12: KL
28/12: KL/Kota Kinabalu/KL
29/12: OFF
30/12: OFF
31/12: OFF

*************************************************************************************

吸血新世纪 - 羽翘

一个唔知乜水嘅香港女新人最新嘅派台歌. 喺某个网站听到, 觉得好听所以就介绍俾大家. 听讲系电影Twilight - New Moon嘅中文主题曲. 唔知点解, 始终搵唔到佢嘅MV. 大家将就下听住先啦~

多昏暗看不見天也不見星辰
看這里風雨連場日光深沉
迎接你狠心
太動人每一吻給我一撇傷痕
創傷太深痛極也叫天不聞
難逃過這厄運

若你不珍惜不算罪專一都太累
為何讓我跌進你的手里
來到這冰封的堡壘下
差一點埋沒於這廢墟

沒結果仍然迷惑我這個吸血惡魔
越愛越墮落竟吸引麼
喜歡眼淚喜歡折磨
而你卻可忍心將我隨年月消磨
撒旦為何還纏著我逼我想你太多
若施舍一點苦楚寧可親手摧毀我
誰對誰錯誰最難過我很清楚
能親一下亦不錯

捉緊你卻仿似一再親吻死神
至知道天國跟我有多相近
才動魄驚心
多不忿我怎會不配戀上好人
每一次戀愛總會這麼不幸
為何要再苦等

若你不珍惜不算罪專一都太累
為何讓我跌進你的手里
來到這冰封的堡壘下
差一點埋沒於這廢墟

沒結果仍然迷惑我這個吸血惡魔
越愛越墮落竟吸引麼
喜歡眼淚喜歡折磨
而你卻可忍心將我隨年月消磨
撒旦為何還纏著我逼我想你太多
若施舍一點苦楚寧可親手摧毀我
誰對誰錯誰最難過我很清楚
能得到過亦不錯

痛也自愿承受未問你可內疚
再重傷不放手為何還不退後
怎麼你會隨時可見一個愛一個
再一個不可一拖再拖
你欠我也真的太多

困在圍城仍然是我得到只有痛楚
越愛越墮落只得惡果
多少眼淚多少折磨
而你卻不知幾多個同時在生火
最後如何回頭認錯逼我憎你更多
別奢想這一刻知錯可以將功補過
誰對誰錯誰最難過你很清楚
無心戀戰別找我
付出鮮血才得到你已不枉過

*************************************************************************************

信者得爱 - 郑秀文

Sammi最新嘅福音大碟《信》已经上市. 专辑嘅第一首主打歌[罪與罰]经已喺各大电台热播紧. 紧接住第二主打[信者得爱]亦都喺上个礼拜开始派台. 有别于[罪與罰], [信者得爱]嘅曲风系比较重节奏, 歌词好紧要'耶稣', 中间rap嗰part系由MC仁嚟包办, 简直系一绝. 呢首歌系改编自韩国女歌手Jessica H.O.嘅Life Is Good. 唔知点解, 相比于原曲, 我始终都系比较钟意Jessica嘅版本. 唔系讲Sammi唱得唔好, 而系我觉得Jessica略带沙哑嘅声线比较适合演绎呢首歌. 点都好, 可以將一首福音歌嚟咁樣演譯法, 我相信只有Sammi做得到, 掂啊~ "用你心感应天父衪有爱武器会软化掌握手中的十架... 相信愛可統領天下"

Sammi都已经返番出嚟啦! 阿菲, 你仲要我等到几时啊?

一副残样 + 09万千星辉颁奖典礼赛前预测 + S.O.S.(Let The Music Play) - Jordin Sparks + 经典 - 林海峰

2009-12-01T12:39:00.000+08:00

一副残样

一直以嚟, 我嘅睡眠质素都唔系咁好, 仲会经常性失眠, 要食安眠药先可以瞓得着觉. 一般上嚟讲, 我唔可以瞓太多又或者太少. 瞓少过4个钟, 成个人会好攰、唔清醒、stone stone兼浑浑盹盹; 瞓超过9个钟, 我又会头痛、头昏同埋想呕. 所以最好就系in between 6 to 8hours sleep. Just nice. 呢张相系我两日入边冇乜点瞓过个样, 系咪好残啊?

*************************************************************************************

09万千星辉颁奖典礼赛前预测

一年一度嘅TVB万千星辉颁奖典礼将会喺呢个星期五晚举行(Astro华丽台有现场直播). 每年到咗呢个时候, 众TVB小生花旦都会好唔得闲, 纷纷使出浑身解数, 各出奇谋誓要为自己争番个奖. 所以每年到咗呢个时候, 亦都系最多是是非非嘅时候. 阿边个边个同高层有饭局、阿A又同阿B唔啱、签约换奖、亲生仔冇有怕, 肯定有奖攞等等等等..

趁今年成绩仲未公布之前, 我嚟预测一下今年嘅赛果.

最佳综艺资讯节目 - 应该会系超级巨声、美女厨房同星星同学会之争. 我个人就比较睇好星星同学会. 理由系超级巨声声势不及星星同学会, 美女厨房喺06年已经攞过咗, 所以今年应该会轮到星星同学会.

最佳节目主持 - 既然睇好星星同学会, 咁好自然最佳节目主持应该都会系吴君如同埋钱嘉乐.

飞跃进步女艺员 - 老实讲, 我觉得呢个奖应该系属于李诗韵, 无线摆明力捧佢上位. 可惜佢冇入围, 咁陈敏之应该可以有机会冷手執個熱煎堆.

飞跃进步男艺员 - 我tip敖嘉年. 佢喺巾帼枭雄里面饰演嘅大少爷蒋必文有板有眼你睇. 衝動主觀、刻薄記仇、但又戀棧金錢權勢、得罪人多、称呼人少、面目猙獰, 見佢前面憎到佢落后面. 由打雀到捉蟲, 大少爺嘅表現, 確實衰格到想打佢幾巴! 系正牌「乞人憎」嘅角色.

我最喜爱的电视女角色 - 杨怡(姚金铃, 宫心计). 暂时嚟讲, 我觉得杨怡嘅演技始终都系未够火候, 佢仲系唔适合演奸角. 但系佢嘅努力, 我相信TVB已经睇到. 最佳女主角应该冇乜可能, 呢个奖可能性最大.

我最喜爱的电视男角色 - 黄子华(麦提爽, 绝代商骄). Laughing哥同柴九哥已经各有归属, 佘诗曼当年嘅起双飞已成绝唱. 所以我认为, 只有爽哥当此大任, 太爱你喺《绝代商骄》里嘅演出.

最佳女配角 - 谢雪心(殷凤仪, 巾帼枭雄). 大奶奶啊, 睇到你嘅郭皇太后都系依然咁有霸气, 真系令我震惊. 两个角色都非常抢戏, 恶行睇到观众咬牙切齿, 表现出位, 令佢人气急升. 而且我觉得, 宫心计几乎每一集嘅高潮位都系由佢带起. 所以话, 饰演奸角, 尤其是奸到出汁, 始终都会容易俾观众留下深刻印象.

最佳男配角 - 谢天华(梁笑棠, 学警狙击). 一个配角让全港人为之心动, 甚至发起万人签名以改变laughing哥嘅命运, 呢个奖舍你属谁??

最佳女主角 - 邓萃雯(康宝琦,巾帼枭雄). 已经咁多年, 都系时候俾邓萃雯一个名分. 当年如妃一角未能获奖引起全港抗议, 我谂TVB应该唔会再重蹈覆辙. 四奶奶深入人心, 我都系四奶奶帮嘅人.

最佳男主角 - 黎耀祥(柴九, 巾帼枭雄). 顶头大热、名震四海嘅柴九哥, 有边个唔识?? 人生有几多个十年? 最紧要痛快!!

最佳劇集 - 绝对系巾帼枭雄同宫心计之争. 论赢面, 都系fifty fifty. 由于宫心计比较新鲜滚热辣, 所以我拣宫心计.

TVB.com人气大奖 - 邓萃雯. 点解???? 都话咗囉, 我系四奶奶帮嘅人.. :p

*************************************************************************************

S.O.S.(Let The Music Play) - Jordin Sparks

This is another fantastic new song from Jordin Sparks. A very strong dancing feel. And i like the lyrics - (Is that your) boyfriend? Handsome with that girl on the floor We gotta dance now Time to show our weapons of choice. So mean.. Haha.. Hope u guys will like it and Let the music play.

*************************************************************************************

经典 - 林海峰

唔知点解, 每次林海峰嘅新专辑都会带俾我惊喜, 今次亦不例外. 新专辑首支派台歌-经典, 一首甜到溜嘅歌, 第一次听就已经疯狂爱上咗佢. 曲风轻松, 歌词鬼马生动, 听咗后成个人心情都放松咗. 各位如果谂住要结婚嘅话, 不如考虑用呢首歌作为婚宴主题曲, 好正架~

今晚黑大家握手猛講祝福變得親善
不相識大小嘉賓讚她今晚靚得驚艷
一身金手厄頸链金牌掛面
金燒豬突然識飛天

一班班舊的街坊變身閃閃貴賓出現
手鬆鬆丟低一千嘆碗頂級翅撈伊麵
分開的親戚今晚竟然碰面
家家起萬年拍照片

白婚紗西裝加愛神吹一吹戀愛運
囍宴有法術能令你的世界無地震
有一pair心上人改寫千億萬人
令這個晚上人人大變身
花仔變大人

咪高峰顺手拎起佢口嗡嗡你都感動
囍帖街係咁走音你都歡呼拍掌轟動
今晚黑乾一乾杯一場美夢
好姊妹突然挺挺胸

白婚紗西裝加愛神吹一吹戀愛運
囍宴有法術能令你的世界無地震
有一pair心上人改寫千億萬人
在這個晚上劉華做嘉賓

甜到你震唔使避孕弟兄乾杯三生有幸
姨媽姑姐部長親戚大家歡呼等你濕吻

白婚紗真胸的女神拋花拋俾姓鄧
主角最美麗嬴盡喝采你吻我又吻
說一生的世聞多麼經典動人
在這個晚上童話就誔生

唔襯到襯登登登登

食steamboat buffet + 盗墓笔记 + Bad Romance - Lady Gaga + 3 - Britney Spears

2009-11-23T11:35:00.000+08:00

各位, 好耐冇见喇. 由于呢排真系好紧要忙, 所以冇时间update个blog. 趁呢两日比较得闲, 就入嚟update下.

食steamboat buffet

早排同几个朋友去咗位于Lot 10 3楼嘅Shabu One度食dinner. 由于有优惠卡, 所以卖单时一个人30蚊都唔驶, 都算系几ok. 不过啲嘢就普普通通囉, 唔会有乜特别惊喜.

*************************************************************************************

盗墓笔记(The secret of grave robber)

最近除咗忙, 冇时间update之外, 一有时间, 我都会攞起呢本小说嚟睇. 如果你系钟意睇惊怵、嫌疑、探险类型小说嘅朋友, 我本人极力推荐呢本小说俾大家. 自从我第一次睇呢本小说之后, 就俾佢嘅情节深深咁吸引住, 令我欲罢不能. 一得闲就攞嚟睇. 故事嘅主干系从一支考古探险队喺一个海底坟墓里神秘失踪而起, 从而牵然出一个神秘嘅巨大秘密... 故事主角系来自一个盗墓世家. 五十年前, 一班盗墓贼从一个古墓里挖出一部古老嘅战国帛书, 残篇中记载咗一座奇特嘅战国古墓嘅位置, 但系呢班盗墓贼喺地底碰上咗诡异事件, 几乎全部身亡. 五十年后, 其中一个盗墓贼嘅孙(就系男主角)喺佢阿爷嘅笔记中发现咗呢个秘密, 就纠集咗一批经验丰富嘅盗墓贼前去寻宝. 全部事情嘅起因, 就系从呢一份战国帛书而起. 神秘图案、海底古墓、七星疑棺、青眼狐尸、九头蛇柏、风水、寻龙点穴、三条龙脉、宝眼、血尸、蛇眉铜鱼、云顶天宫、青铜巨门、九龙抬尸棺、神秘录影带、西王母国...等等等等. 故事悬念重重、情节跌荡、步步惊心、高潮迭起、峰回路转~ 真系好好好好好好好紧要正!! 如果大家有兴趣嘅话, 可以买嚟睇, 我包保冇介绍错.. ;)

I bought all these...

*************************************************************************************

Bad Romance - Lady Gaga

This is the latest single from Lady Gaga. 一个字-正~ I think will soon be hit爆club. 其实我最钟意佢喺MV里面啲造型, 简直令我叹为观止. 起码超过10个images, 个个新鲜、劲爆、夸张兼有型有格. 大家睇下个MV正唔正? 睇完就一齐嚟Rah rah ah-ah-ah! Ro mah ro-mah-mah! Gaga Oo-la-la! Want your bad romance!!

*************************************************************************************

3- Britney Spears

This is Britney's new song! It's all about threesome and it's so awesome! I like it so much~ So damn cool~

1, 2, 3
Not only you and me
Got one eighty degrees
And I’m caught in between
Countin’
1, 2, 3
Peter, Paul & Mary
Gettin’ down with 3P
Everybody loves fucking!

我似边个? + 09 Astro国际华裔小姐 + Remedy - Little Boots + 十一月roster

2009-10-26T13:33:00.003+08:00

我似边个?

好多人同我讲过话我似呢个啦, 似嗰个啦.. 比如任达华、黄凯芹, 听得最多嘅应该系张智霖, 呢度有几张我嘅近照, 咁大家又觉得我似边个咧?

*************************************************************************************

09 Astro国际华裔小姐

从面试、初赛、半决赛到终极10强, 纷纷扰扰咗个几两个月, 2009年Astro国际华裔小姐决赛终于于上个星期六喺云顶云星剧场盛大举行咗. 成个show以保护海洋为主题, 连个舞台设计都系以海洋为中心, 喺选美嘅同时亦顺便宣扬埋环保嘅重要性, 主办当局都算费尽心机. 佢哋嘅心思, 我觉得应记一功. 老实讲, 今届班候选佳丽啲水准都好高兼几平均, 个个都好有实力.

左到右-1号Janice陈玉薇, 2号Jean陀韵妮, 3号Joycelyn郭俐伶, 4号Kate全莉芳, 5号Christine杨淑怡

左到右-6号Fiona杨琇灵, 7号Polly叶宝励, 8号Katrina何蒉町, 9号Jane陈爱华, 10号Belle陈美妤

讲番个赛果, 我嘅心目中冠军人选, 大热门8号何蕢町竟然大热倒灶, 饮恨沙场, 由10号嘅黑马陳美妤爆冷跑出..

以下系我tip嘅三甲人选:

冠军: 8號何蕢町
亚军: 3號郭俐伶
季軍: 4号全莉芳

正式赛果

冠軍：10號陳美妤
亞軍：8號何蕢町
季軍：9號陳愛華
最上鏡小姐：8號何蕢町

第一part: 问答环节

哇! 呢一part认真攞命! 大部分佳丽啲半咸唔淡嘅广东话真系听死人. 建议如果广东话真系唔掂嘅话, 唔好夹硬嚟, 不如讲番华语啦, 最起码我哋嘅耳仔唔驶受罚. 纵观嚟讲, 2号佳丽Jean陀韵妮对答得最好, 反应敏捷兼落落大方, 佢喺呢个环节应该攞到唔少分数. 最无厘头应该要数4号Kate全莉芳:"After你冲一个niong, 你嘅body会反光.." Huh? 你讲乜嘢啊? 你ok冇?? 7号Polly叶宝励睇得出好紧张, 答问题都答到腾晒鸡. 9号Jane陈爱华劲搞笑:"因为我们的血缘关系是"流脓于水"的!!!" Oh my god!! 哈哈.. 笑到我反胃! 而10号Belle陈美妤就最牙尖嘴利.

第二part: 泳装环节

今年嘅泳装非常有睇头. 3点式tube top将班佳丽啲身材表露无疑. 围喺腰间嘅薄纱就增加咗几分飘逸感. 而蓝色嘅泳衣就配合番大会以海洋为中心嘅主题. 拥有33 23 36再加上5尺7寸身高标准身材嘅10号Belle陈美妤表现得最好, 行起cat walk上嚟有型有款, 佢得到完美体态奖我觉得系实至名归.

左到右-1号Janice陈玉薇, 2号Jean陀韵妮, 3号Joycelyn郭俐伶, 4号Kate全莉芳, 5号Christine杨淑怡

左到右-6号Fiona杨琇灵, 7号Polly叶宝励, 8号Katrina何蒉町, 9号Jane陈爱华, 10号Belle陈美妤

第三part: 才艺表演

总括嚟讲, 班佳丽啲才艺表演可以讲系毫无新意, 都系炒冷饭之作, 除咗一位--9号嘅Jane陈爱华. 佢嘅功夫表演简直令人拍案叫绝、拍烂手掌. 学林德荣话斋, 如果安排佢系第一位出场表演嘅佳丽, 咁我相信其他啲佳丽都唔驶嘥心机再表演喇, 可以悭番啖气返入后台继续休息睇表演. 因为强弱实在差太远. 最佳才艺奖梗系非佢莫属啦!

第四part: 5强5C终极问答环节

2号Jean陀韵妮: 答非所问, 失晒分数. 林佩盈处处逼人嘅词锋搞到佢好尴尬.
3号Joycelyn郭俐伶: 问一句、答一句, 唔识争取机会讲多啲嘢, 搏评判欢心.
8号Katrina何蒉町: 好紧张兼腾鸡, 令到佢答得好唔自然. 虽然论样貌, 佢系众佳丽之冠, 可以话艳光四射; 但系决赛当晚少少失准嘅表现, 令到佢同冠军擦肩而过, 真系好可惜. 不过我相信以佢嘅外貌, 唔忧冇出路.
9号Jane陈爱华: 我觉得佢好cutie同埋好得意, 系一个好容易得人欢心嘅女仔, 就连佢答问题嘅样我都觉得好可爱. 不过佢答问题时好似读错音, 应该系pronounce as鲸(jīng)鱼, 而唔系"情"鱼.
10号Belle陈美妤: 样貌并非惊为天人, 系属于嗰种越睇越顺眼型. 但系佢越战越勇. 我觉得超水准嘅临场表现、大方得体嘅对答、自信自然淡定嘅一面, 系令到佢可以撼低大热8号何蒉町, 成为冠军嘅原因.

2009年Astro国际华裔小姐冠军--陈美妤

*************************************************************************************

Remedy - Little Boots

Gosh!! I love this song so much!! 第一次听到嘅时候就已经觉得好紧要正! 听到后令人有一种好high, 好想跳舞嘅感觉. 虽然系新歌一首, 但系暂时仲未喺KL嘅club度听到有播呢首歌. 不过呢首歌喺香港嘅club就好紧要hit. 希望本地嘅club场尽快plug呢首歌啦, 咁大家就可以一齐嚟Dance with the enemy啦... 哈哈..

I can see you stalking like a predator
I've been here before
Temptation calls like Adam to the apple
But I will not be caught
Coz I can read those velvet eyes
And all I see is lies

No more poison
Killing my emotion
I will not be frozen
Dancing is my remedy, remedy, oh
Stop stop preying
Coz I'm not not playing
I'm not frozen
Dancing is my remedy, remedy, oh

Move while you're watching me
Dance with the enemy
I've got a remedy
Oh, oh-oh, oh-oh
Move while you're watching me
Dance with the enemy
Here is my remedy
Oh, oh-oh, oh-oh

Spin me faster like a kaleidoscope
All I've got's the floor
Yeah, you can try but I've found the antidote
Music is the cure
So you can try to paralyze
But I know best this time

No more poison
Killing my emotion
I will not be frozen
Dancing is my remedy, remedy, oh
Stop stop preying
Coz I'm not not playing
I'm not frozen
Dancing is my remedy, remedy, oh

Move while you're watching me
Dance with the enemy
I've got a remedy
Oh, oh-oh, oh-oh
Move while you're watching me
Dance with the enemy
Here is my remedy
Oh, oh-oh, oh-oh

La-da, da-da, la-da, la-da, da-da-da
Da-da, da-da, da-da-da-da, la-da

And when the music fades away
I know I'll be okay
Contagious rhythm in my brain
Let it play

No more poison
Killing my emotion
I will not be frozen
Dancing is my remedy, remedy, oh
Stop stop preying
Coz I'm not not playing
I'm not frozen
Dancing is my remedy, remedy, oh

Move while you're watching me
Dance with the enemy
I've got a remedy
Oh, oh-oh, oh-oh
Move while you're watching me
Dance with the enemy
Here is my remedy
Oh, oh-oh, oh-oh

Move while you're watching me
Dance with the enemy
I've got a remedy
Oh, oh-oh, oh-oh
Move while you're watching me
Dance with the enemy
Here is my remedy
Oh, oh-oh, oh-oh

*************************************************************************************

十一月roster

05/11: Mumbai
06/11: Mumbai
07/11: KL
08/11: KL/Sydney/Brisbane
09/11: Brisbane
10/11: KL
11/11: OFF
12/11: Standby 6am-2pm
13/11: Standby 6am-2pm
14/11: Standby 6am-2pm
15/11: OFF
16/11: OFF
17/11: OFF
18/11: OFF
19/11: London
20/11: London
21/11: London
22/11: KL
23/11: OFF
24/11: OFF
25/11: OFF
26/11: KL/Bali/KL
27/11: Adelaide
28/11: Adelaide
29/11: KL
30/11: OFF

伦敦早班机 - 八婆! + 09倚天屠龙记 + October roster

2009-10-05T15:01:00.004+08:00

伦敦早班机 - 八婆!

上两个礼拜飞咗转伦敦. 早机, 梗系要早起身啦. 11点几瞓觉, 5点几就爬起身, 6点三出门, transport pick up at 6.35am. 瞓咗6个钟, 都算叫做几well rest架喇. 到咗FMB, signed in report for duty, 一睇crew list, 哇! 大锅!! 同咸虫大佬一齐飞, 要格外小心.. 去cafeteria买啲嘢食之后, 就去briefing喇. 18 of us, I am the second most junior, so都预咗做economy架喇. 一直以嚟我都唔钟意飞Jumbo, 即系747. 机又大, passenger又多, galley又细, 又唔user friendly, 再加上我又系做zone E(又叫做party zone), 即系成个EY最难做兼最多人嘅zone. 伦敦不嬲都好难做, 再加上full load而且又系day flight, 班友仔边度会瞓觉架! 13个钟嘅flight time.. 唉, 真系no play play囉~ 精力少啲都唔掂啊.

基本上呢班机都冇乜大问题, 除咗真系好多ding dong ding dong call button之外.

有一个坐喺52C嘅女人, 真系名副其实嘅番婆兼八婆. On ground时已经样衰衰, 嘴藐藐. 好喇, 派餐时我咪问佢要食啲乜, 佢话要chicken. Ok, 咁我咪pass个chicken俾佢囉.
跟住佢同我讲: Excuse me, I cannot drink this water, I want warm water.
Ok, 咁我就返入galley度倒杯warm water俾佢, 跟住就continue serve其他啲pax. 派晒餐, 搞掂晒, 阿姐入嚟galley同我讲话52C个女人投诉我. 我心谂, 咩事啊?
阿姐讲个女人话我冇帮佢放个chair table落嚟, 所以佢好麻烦, 食唔到..

我第一个反应就系: 佢系咪傻架? 佢只手跛嘅咩??!! 唔识自己unlatch放个chair table落嚟架? 咁简单嘅动作, 连3岁细路都识啦! 其他啲客个个都做得到, 点解你做唔到? 你唔系懒成咁系嘛? 又或者谂住自己系老佛爷, 要奴才侍奉你食嘢啊? 不如咁啦, 你擘大你嘅猪口, 等我喂埋你食啦! 妖!
阿姐都话佢呻呻地, 叫我唔好理佢.

After back from my rest, 有好多side orders, 当我喺galley忙紧嘅时候, 个女人忽然间draw开块curtain大声讲: "Can you do something to the audio system? It’s no sound!"
Ok, 我谂住佢嘅audio hang咗, 需要reset, 所以就去check. 我一路check, 个癫婆就一路喺度嘈... "Aircraft tv screen always got problem la", "Interactive system always not working la"等等等等... Ok啊, 有声啊, 都冇事, 你complaint乜春啫?? 点知条粉肠同我讲: It’s not my audio not working, it’s audio the pax sitted next to me not working!

死八婆! 你有冇癫啲啊你? 人哋嘅audio唔work又关你咩差事咧? 出咩声啫你! 你嘅又冇坏, 人哋坏嘅都冇出声complaint, 又几时轮到你出声complaint咧? 你咁八做咩咧? 有得分咩? 吓!? 你咁鬼死得闲冇事做咁钟意八人哋啲嘢, 不如去帮我洗厕所啦! 去八下个厕所香唔香, 个马桶臭唔臭啦! 笨!

*************************************************************************************

09倚天屠龙记

武林至尊, 宝刀屠龙, 号令天下, 莫敢不从, 倚天不出, 谁与争锋? 一睇呢几句嘢, 我相信大家都应该知道我讲紧乜嘢. 无可否认, 我由细到大都系金庸小说迷, 佢嘅武侠小说我全部都刨过晒. 而呢一套倚天屠龙记就更加系我嘅至爱. 倚天系"射雕三部曲"之第三部. 印象中, 呢部小说曾经被翻拍成电视剧几次, 包括港版、台版同埋中国内地版. 而最新嘅09年版亦都已经拍完, 做紧后期制作. 我都好期待呢套新嘅倚天屠龙记. 而之前嗰几版嘅倚天, 大家又有唔有睇过? 觉得点咧?

郑少秋版-冇睇过, 因为当时仲未出世, 所以no comment. 不过秋官唱嘅主题曲就成为咗经典.

梁朝伟版-我第一出睇嘅倚天电视剧. 最忠于原著, 冇乜点改动. 当时觉得啲打斗场面好正; 加阵睇番, 就觉得啲打斗场面好儿嬉、好屎, 同埋演员啲化妆好娘. 成套剧最令我印象深刻嘅演员只有两位. 第一位-曾江饰演嘅金毛狮王, 觉得佢真系演得好神似, 好有狮王嘅威严. 第二位-李香琴饰演嘅灭绝师太. 唔驶多讲, 佢演到入型入格, 佢啲表情、眼神、神髓, 简直就系灭绝师太嘅化身, 令人睇到都心惊惊. 最钟意佢喺套戏里面嘅一句对白: 知唔知贫尼嘅法号系咩啊? 就系上灭下绝! 哇! 好有型吖~ 系咁多个灭绝师太版本中, 最神似嘅一个. 姜, 始终都系越老越辣.

马景涛版-亦都系台湾版本. 当中改动好紧要多, 好唔忠于原著, 所以有时会睇到头都大埋. 大场面拍得好求其, 俾人一种低成本制作嘅感觉. 例牌台湾剧, 剧情拖泥带水, 而且有好多地方都专登拉长嚟做, 搞到成64集先至肯收科.

吴启华版-史上最烂嘅倚天. 第一, 超龄张无纪, 令人反胃. 第二, 剧情改到乱七八糟, 劲搞笑. 第三, 超多穿崩场面. 钢线、威也, 乜都见到晒. 第四, 俾人一种虎头蛇尾、草草了事收场嘅感觉. 第五, 首主题曲唔掂. 唔好误会, 唔系首歌有问题, 而系吴启华唱到首歌变得好有问题.

苏有朋版-目前为止我觉得最正嘅版本. 虽然有少少改动, 例如五散人变三散人, 但系都无伤大雅. 特技一流, graphic好震撼, 打斗场面亦同样精彩. 成套小说最令人期待嘅两个高潮--六大派围攻光明顶同埋屠狮大会, 都拍得好正斗, 用好多临记同骑呢, 所以拍出嚟真系好有大场面嘅效果同feel, 唔似得tvb嘅版本, 所谓嘅武林大会得嗰小猫两三只, 睇到都冇瘾. 而且我觉得剧中啲主要演员都好紧要靓, 尤其是饰演赵敏嘅贾静雯、周芷若嘅高圆圆、殷素素嘅郭妃丽、小昭嘅陈秀丽, 全部都系A级货色. 靓人靓景, 掂啦~

邓超版-仲未出街, 期待中....

倚天屠龙记主要角色

郑少秋-虽然未睇过呢个版本, 不过秋官嘅大侠形象, 已经深入民心.
梁朝伟-伟仔版嘅张无纪, 带有少少忧郁味道, 亦都系最靓仔嘅张无纪.
马景涛-佢演嘅张无纪俾我一种娇声娇气嘅感觉, 不过个样都几正派.
吴启华-冇嘢讲, 最唔似张无纪嘅张无纪.
苏有朋-唔知点解, 以前都唔多觉, 但系佢喺呢部剧里边变得好有味道、好有魅力、好有吸引力同埋好靓仔.

汪明荃-阿姐版本嘅赵敏. 我觉得好搞笑, 九唔搭八、不知所谓.
黎美娴-演技好普通兼好硬, 完全表达唔出赵敏嗰种冰雪聪明、诡计多端、足智多谋嘅性格. 不过就胜在佢有赵敏嗰种可爱嘅本性.
叶童-论演技, 简直冇得弹, 话晒都系影后级人马. 但系同吴启华一样, 我觉得佢系最唔赵敏嘅赵敏.
黎姿-最姣嘅赵敏, 演得都唔错, 几好.
贾静雯-目前为止被公认为最似赵敏嘅赵敏. 成功咁演活咗赵敏呢个角色, 亦都系最靓嘅赵敏.

赵雅芝-冯程程版嘅周芷若, 有新意.
邓萃雯-好对唔住, 想当年四奶奶嘅演技真系令人不敢恭维.
周海媚-被公认为将角色演绎得最传神, 活生生就系金庸笔下嘅再世周芷若, 将周芷若最初嘅天真无邪、善良到最后嘅心狠手辣、丧心病狂演绎得到丝丝入扣. 暂时嚟讲, 仲未有人超越到佢. 海味版嘅周芷若已经成为经典.
佘诗曼-我觉得姣佘嘅周芷若都几好. 虽然当时演技仲系好嫩, 不过以新人嚟讲, 佢嘅表现都算做几唔错架喇. 话事话, 想当年佢嘅样又真系几纯情, 唔似得加阵咁, 成副姣婆相, 兼系TVB四大荡花之一.
高圆圆-我觉得佢系最索兼最靓嘅周芷若. After周海媚, 佢系第二个将周芷若演得最好嘅人. 同时间, 佢嘅九阴白骨爪恐怖到吓死人.

陈玉莲-原来小龙女想当年都有演过小昭, 我都唔知添.
邵美琪-佢嘅小昭版我都几钟意, 因为觉得佢嘅样有少少鬼鬼地.
陈孝萱-扮相几清秀, 笑容几甜.
江希文-同佢姐姐江欣燕(我好钟意佢架, 因为觉得佢做戏好盏鬼、好搞笑, 尤其是喺娱乐插班生佢所扮演嘅李莉莉, 简直令我笑爆肚!)分别演绎两母女, 成为2001版倚天嘅嚼头之一. 同埋我觉得佢俾我一种混血儿嘅感觉. 不过佢啲戏真系好假、好木独, 摆到明就系做戏俾你睇.
陈秀丽-坡妹, 我觉得佢系最靓嘅小昭. 成个look俾人一种温柔、善解人意嘅感觉. 同时, 又掩藏唔住佢不知不觉所散发出嚟嘅智慧.

陈安莹-傻姑版嘅蛛儿我觉得好搞笑, 佢最钟意用佢嘅千蛛万毒手四处作威作福.
杨宝玮-对佢冇乜印象.
陈采岚-原名陈少霞, 外形清纯, 扮蛛儿显得有啲格格不入. 同唐文龙拍过拖, 现已淡出娱乐圈, 并下嫁澳洲籍华人富商, 先後生咗两个女.
陈莎莎-外表几清秀, 演技都几好, 佢所扮演嘅蛛儿我觉得有少少13点~

郑裕玲-DoDo姐嘅殷素素, 我觉得系咁多个版本中最好嘅. 演技一流, 尤其是佢随夫君张翠山一齐殉情嘅时候, 嗰一part真系好感人, 连我都几乎认唔住流马尿. 记住:越靓嘅女人, 越识呃人!
叶童-一人分饰两角. 殷素素系佢, 赵敏又系佢. 我最唔钟意咁样嘅角色安排. 又唔系twins, 点解要由同一个演员做两个角色咧?
米雪-唔知点解, 我觉得佢同刘松仁所扮演嘅张翠山好衬.
郭妃丽-亦都系坡妹一名, 即系新加坡女仔嘅简称. 无可口非, 我觉得佢真系鬼火咁靓!! 人哋话晒都系新加坡顶级美女.

黄允材-如果唔系呢度睇到佢, 我已经唔记得呢个人咗.
黎汉持-好耐好耐都冇见到佢嘅踪影咗, 佢嘅杨逍版都几正直.
孙兴-佢嘅造型俾人一种污糟邋蹋嘅感觉.
张兆辉-我觉得佢扮演嘅杨逍好唔掂囉, 硬系争减啲嘢, 可能系佢嘅气质唔衬个角色呱.

杨盼盼-80年代TVB首席打女, 有别于其他女星, 凭拳脚功夫杀出一条血路. 曾经嚟大马拍过几出电视剧. 我对佢印象最深刻嘅角色应该要数83年射雕英雄传里边嘅穆念慈, 佢喺套戏入边嘅锋芒仅次于当时得令嘅女主角黄蓉-翁美玲.
吴茜薇-曾经受TVB力捧过, 现在人间蒸发.
潘仪君-佢演嘅杨不悔几好, 好叻用眼神做戏, 嚟刻畫人物嘅內心世界.
滕丽名-唔知点解, 佢喺呢套戏入边嘅角色好唔得我欢心, 睇到佢感觉好济. 一到佢出场, 又系我上洗手间嘅时间喇.
鲍逸琳-对佢又系冇乜好感, 我所指系佢将个角色演到令人冇乜好感.

杨盼盼-阿女又系佢, 阿妈又系佢, 阿婆, 唔知会唔会又系佢咧?
容惠雯-睇番呢啲艺人曾经嘅古装扮相, 是否又有勾起你啲一些回忆呢? 佢系TVB80年代中期女星, 气质温婉柔弱、楚楚可怜, 古装扮相十分秀丽动人. 毕业于TVB第六期艺员训练班(1977年), 同陈玉莲、吕良伟等系同学. 喺TVB剧集里与演员黎汉持合作最多, 所拍过嘅大部分作品, 几乎都系同黎汉持搭档, 后来嫁俾黎汉持, 戏内戏外都系夫妻.
滕丽名-同79年版杨盼盼一样, 一人分饰两角, 可惜两头唔到岸. 新秀出身, 同届参赛者仲有陈奕迅、杨千嬅. 曾经同魏骏杰拍过拖, 现任男友系郭政鸿. 虽当事人死口唔认, 但系被狗仔队踢爆一齐喺湾仔拍拖睇家俬.
陶虹-好溫柔, 但系就少咗曉芙堅強嘅一面. 感覺上就似一個柔腸寸斷嘅紀曉芙.

03年倚天屠龙记片头曲

*************************************************************************************

October roster

This month roster very simple. 1 Shanghai, 1 Melbourne, 2 Osaka and 1 London.

04/10: OFF
05/10: OFF
06/10: Shanghai
07/10: KL
08/10: OFF
09/10: Osaka
10/10: Osaka
11/10: KL
12/10: OFF
13/10: OFF
14/10: London (This London i will go cause will back to KL on Saturday 5.30pm. Night time can go out, then Sunday, Monday and Tuesday off. Just nice.)
15/10: London
16/10: London
17/10: KL
18/10: OFF
19/10: OFF
20/10: OFF
21/10: Melbourne
22/10: KL
23/10: KL/Jakarta/KL
24/10: Standby airport 8pm-11pm
25/10: OFF
26/10: OFF
27/10: Osaka
28/10: Osaka
29/10: KL
30/10-04/11: Annual leave (Will going to Shanghai for vacation with friends)

生日日记 + 我入围咗?? + 张智霖 - 你太善良

2009-09-15T13:21:00.001+08:00

系喇, 冇错喇, 8月30号系我嘅牛一, 话咁快我又老咗一岁喇. 好多人话男人三十一枝花, 女人三十烂茶渣, 又或者男人三十痴胶花, 女人三十吊你阿妈.. 哎.. 乜都好喇, 人应该有目标嘅, 三十岁象征住人生另一个阶段, 唔再似以前咁卜卜脆, 年少无知. 责任、烦恼、压力都会多咗. 但系讲真, 我真系唔想好似一啲人咁, 活咗大半世, 至发觉自己原来乜都冇. 所以三十岁对我嚟讲, 最起码都要有层楼有架车, 银行有一笔储蓄, 咁生活先至会feel到secure. 话晒三十岁人已经好难同啲社会新鲜人争饭食架喇, 所以努力揾钱系好重要, 只不过虽然系咁, 及时行乐亦都唔少得个噃, 嘿嘿~ 最紧要系活得开心吖嘛.

讲番嗰日生日, 一共有3场聚会. 第一场喺Sunway, 跟住两场都喺KLCC.

大约11点几起身, 梳洗完毕跟住就出门, 贴两点钟到Sunway, 同朋友食下嘢、吹下水、唔经唔觉就已经5点咗. 嗱嗱声赶返屋企冲凉换衫跟住直铲去KLCC, 到咗KLCC已经7点几, 我又迟到啦(都惯架喇, :p), 俾原本时间迟咗45分钟. Venue喺荔园. Danny, Tagnan, Sherman, Jovi, Keen Yee同埋Ah Yee全部已经到齐晒, 等紧我, 认真唔好意思. 坐落冇几耐啲餸就开始上台. 第一次嚟呢间嘢, 环境都几唔错, 啲食物都ok架. 食食、倾倾、讲讲、笑笑, 同埋要扮GAGA look俾Danny影相咧, 仲要系摆出最挑逗、最淫贱、最姣、最放荡、最slutty嗰只.. 哈哈... 但系呢啲小儿科又点会难得到我哋喇, 点解? 因为以上几样嘢都系我哋嘅强项囉(哈哈.. 嗱嗱嗱... 唔好打我啊.. :p) 不过都好多谢大家咁有心帮我庆祝生日, 感激感激..

My birthday cake??

搞掂呢场, 又要赶第三场, 由于要悭番啲时间, 唔驶走嚟走去两头腾, 所以我将第三场都约喺KLCC, 方便我. 呢次我哋就转场去Chakri Palace度食泰国餐. 之前嗰两餐已经食到好饱咗, 所以我都冇乜点食, 系咁意试少少. 老实讲, 呢度啲嘢认真麻麻兼好辣, 辣嘢不嬲都唔啱我, 而且价钱又贵, 应该都唔会有下次架喇.

买单之后, 大约十点半, 接落嚟嘅余兴节目梗系clubbing啦. 由于时间尚早, 所以我哋一棚人先去club附近嘅Old Town Coffee消磨下啲时间, 顺便消化下啲食物. 12点, times up, 大家都身痕架啦, 就行过去MP. 跳下舞、饮下酒、发下姣、放下生电... 眨下眼, 已经就嚟3点啦. 由朝出到晚, 真系好攰, 朋友叫饮嘢都要say no喇. 返到屋企, 冲完凉, 都已经4点, 顶唔顺, 嗱嗱临上床瞓觉, 成个人真系残晒~

今年嘅生日就系咁样度过喇. Anyway, big thank u to all my friends for all the lovely birthday greetings from u guys.. Appreciate ya, muak muak~ :)

Me and Daniel

*************************************************************************************

我入围咗??

前日从伦敦返到屋企, 打开个blog, 见到有人留言话恭喜我, 我都一头雾水, 毋啦啦点解会有人恭喜我嘅? 睇落去, 先至发觉我个blog原来入围咗《大馬中文部落格祭》嘅《十強推薦部落格》. 我第一个反应系觉得有啲愕然囉, 我都冇报名参加过, 点解会入围嘅? 再睇真, 原来发觉大会真系好有心囉, 将啲冇自薦參加《部落格祭》嘅blog都介绍俾大家, 等大家认识多一啲潜水多年嘅bloggers. 查实开始写blog嘅时候, 都冇抱住乜嘢心态, 只不过系想得闲时可以写啲嘢, 分享下一啲人生细节、趣事, share一啲新鲜事物、生活上嘅点点滴滴、对某样嘢或事情嘅睇法、工作上嘅所见所闻、抒发下啲心情, 同埋可以打发下啲时间, 呢几样嘢一直以嚟都系我写blog嘅原因. 不过有时可能系冇乜时间, 我update blog嘅次数越嚟越少. But anyway, 真系好多谢大家钟意睇我写啲嘢, 虽然好多都系好无聊、好废、同埋难登大雅之堂嘅嘢, 不过点都好, 都系要同大家讲声多谢~

http://mybloggercon.com/blog/2009-recommend-blog/

大会评语: 全职的空中少爷，部落格中常介绍因为工作关系所发生的大小事和各国介绍及当地的照片。部落格圈公认的靓仔，很有耐心的回复每位游览者的留言，难怪人气超高！

*************************************************************************************

张智霖 - 你太善良

睽违咗五年, 于今年6月宣佈強勢加盟唱片公司Neway Star嘅張智霖ChiLam, 终于推出咗佢嘅新歌-你太善良, 于八月中正式派台. 咁耐冇见, ChiLam嘅新歌梗系采取最稳打稳扎嘅策略喇, 一首非常行嘅k歌嚟作为佢嘅复出之作. MV仲揾嚟劉心悠做女主角, 故事情节就有少少老土. 不过咁耐冇听初哥哥唱歌, 觉得佢把声依然咁好听, 个样依然keep得咁靓仔. 张智霖唱歌依然仲系咁"霖"死人~

你等他悔改　好不過你鬆手放開
有一種固執　得不到喝彩
總擔任偉大角色　獻奉全部愛
寧願悉心灌溉　沒結果的錯愛

理想歸理想　得不到也等於妄想
原諒又原諒　她可有拍掌
諸多忍讓沒有獎　也沒誰人賣帳
難到你夠情長　某某亦會同樣

他不配做對象　可惜你太善良
他背叛你　偏你沒法　睜開眼看真相
馴服就似綿羊　相戀太善良大多打敗仗
受騙的那個　比騙徒更混帳

我可等你嗎　可等到你傷口結疤
我這種固執　不比你更差
好心地但運氣差　做壞人才耀眼
良善太過平凡　怕註定要陪跑

單戀也是正常　天生我太善良
早愛著你　可怕是你　一早看透真相
馴服就似綿羊　相戀太善良大多打敗仗
受騙的那個　比騙徒更混帳

你這樣情長　再等你也是妄想

明明他不配做對象　可惜你太善良
喜愛受騙　只怕共你努力亦沒回響
他不將你放心上　即使再善良未得到景仰
受騙的那個　比騙徒更混帳
我也想騙你　這句才算真相

台北/洛杉矶 + 九月roster + Shakira - She Wolf + 郑秀文 - 非男非女

2009-09-03T15:05:00.002+08:00

Long trip不嬲都唔系我杯茶, 呢次去, 除咗为钱之外, 最大原因就梗系台北啦! My second favourite port after Hong Kong. 话事话, 嚟过台北无数次, 基本上对成个台北都算做好熟悉, 窿窿旯旯嘅地方就例外. 一场嚟到, 梗系要揾班friend出嚟见下面啦, 不过今次嘅pattern就争减啲, weekend喺LA, 所以就冇办法喺台北度clubbing. 不过都冇所谓, 因为有好多home par invitation, hehe.. :p

讲番个trip. Still codeshare with Air India. 比起以前, 今次就好好多, 阿润少咗好多, 而台湾客就多咗好多. Special meal由以前分分钟过百reduce到五十几, 班阿润都算几well behave, 冇乜搞事.

台湾机, 例排都会涌现好多"来一客", 乜嘢系"来一客"? 咪就系杯面囉.
派餐后一个钟头, 已经有好多人开始问:
"先生, 我要一个杯面."
"请问有杯面吗?"
哎... "来来来... 杯面来了~"
我喺度谂, 食咗先一个钟, 乜你哋真系咁大食又或者净话我喂你哋唔饱?

今次都算破咗我自己嘅记录, 一分钟整咗15个杯面, 整杯面整到我手都软. 不过经过一个小时嘅努力, 我同阿姐终于将啲杯面党一一击退. 又到咗我rest嘅时间, 由于系day flight, 所以我都冇乜点瞓得著.

到咗LA, 已经系当地时间中午一点几(由于时差嘅关系, LA比吉隆坡/台北慢15个钟), 但系台北时间已经系半夜4点几. 攰到发瘟, 到咗酒店, 冲完凉就嗱嗱声上床瞓觉.

第二日起身, 就攞住张水蛇春咁长嘅shopping list帮人买嘢. Skin cares、comestics、底裤、jeans、pyjamas、安眠药、foods、chocolates、I Phone 3GS、GPS等等.. 腾上腾落check价钱, size. 基本上first 2 days in LA I only helping others to buy things, 到咗第三日, 谂谂下都唔掂啊, 咁样帮人买法, 而我自己就一样嘢都未买到, 所以都系买咗我自己啲嘢先, 有时间再帮朋友买埋啲balance啦. 成个check-in bag重到我都no eye see.

冇得喺台北club, 就唯有喺洛杉矶度club啦. 而洛杉矶最有名嘅"p"圣地, 就梗系West Hollywood啦. 呢度新开咗个场, 叫做"micky’s", 都几唔错架, 音乐都几正. 唔驶讲"西餐"一定系呢度嘅主餐, 只不过"西餐"呢家嘢我本身就认真麻麻, 冇乜兴趣. 所以I went there on Friday cause every Friday night is Asian night. 而亚洲菜就大多数来自香港、台湾、越南、日本同埋韩国.. 任君选择, haha.. 而来自马拉同新加坡就比较少.

回程返去台北时, 由于系mid night flight, 所以就好容易做, majority嘅pax都冇食. 成个回到台北嘅journey, 我净系整咗一一一一个杯面咁大把... 就系俾我自己食, 哈哈哈. :p

LA downtown from the far

LA downtown

LA downtown

*************************************************************************************

September roster

01/09: OFF
02/09: KL/CHENNAI
03/09: CHENNAI/KL
04/09: SYDNEY
05/09: BRISBANE
06/09: BRISBANE
07/09: KL
08/09: OFF
09/09: OFF
10/09: LONDON
11/09: LONDON
12/09: LONDON
13/09: KL
14/09: OFF
15/09: OFF
16/09: OFF
17/09: OFF
18/09: STANDBY (12AM-8AM)
19/09: STANDBY (12AM-8AM)
20/09: STANDBY (12AM-8AM)
21/09: KL/MANILA/KL
22/09: OFF
23/09: OFF
24/09: KL/JAKARTA/MELBOURNE (New flight pattern, Melbourne via Jakarta)
25/09: MELBOURNE
26/09: KL (Touch down at KLIA on Saturday 9pm, go back home shower, change then can go out already, friends, wait for me ya. ;)
27/09: OFF
28/09: KL/DENPASAR/KL
29/09: OFF
30/09: STOCKHOLM
01/10: STOCKHOLM
02/10: STOCKHOLM
03/10: KL (Reach KLIA on Saturday morning 6.30am, sleep first, then at night can go out "wet" already~, hehe...)

*************************************************************************************

Shakira - She Wolf

Oh my god!!!!! This song is rock!! The music video is awesome!! And Shakira is fucking HOT!! 尤其时佢喺mv著嘅嗰件黑色紧身超少布连身裤, 真系超级虾人著, 身上多一寸肥肉都会spoilt咗成件衫, 但系佢真系carry到件衫好好囉, 好charming and fit~ 一流! 试幻想下如果呢件嘢著喺Mariah Carey身上, 唔知会有咩效果咧? 一旧肥猪肉喺度"震波"!!?? 哈哈.. :p After poker face, I believe this song will soon be hit爆club场. 而佢嘅舞姿简直就系令人震惊!! Or maybe i should dance like her when i club next time?? :p

*************************************************************************************

非男非女 - 郑秀文

呢首系Sammi咁多劲歌之中, 其中一首令我好有feel嘅, 除咗旋律正之外, 最最最最最最最重要嘅系佢嘅歌词... 简直就好似成首"p"歌咁, 尤其是最尾嗰几段歌词....

是男但他的心会否似女人
若然是女她可有真女人天份
别再去想诸多困惑自寻
鬼混
但最要紧活得开心

一个字讲晒----- 绝!!